౧౦. అధికరణసమథసుత్తం

౮౪. ‘‘సత్తిమే, భిక్ఖవే, అధికరణసమథా ధమ్మా ఉప్పన్నుప్పన్నానం అధికరణానం సమథాయ వూపసమాయ. కతమే సత్త? సమ్ముఖావినయో దాతబ్బో, సతివినయో దాతబ్బో, అమూళ్హవినయో దాతబ్బో [పటిఞ్ఞాతకరణం, యేభుయ్యస్సికా, తస్సపాపియ్యస్సికా, తిణవత్థారకో (స్యా.) దీ. ని. ౩.౩౩౨ సఙ్గీతిసుత్తేన చ పాచి. ౬౫౫ వినయేన చ సంసన్దేతబ్బం], పటిఞ్ఞాతకరణం దాతబ్బం, యేభుయ్యసికా దాతబ్బా, తస్సపాపియసికా దాతబ్బా, తిణవత్థారకో దాతబ్బో [పటిఞ్ఞాతకరణం, యేభుయ్యస్సికా, తస్సపాపియ్యస్సికా, తిణవత్థారకో (స్యా.) దీ. ని. ౩.౩౩౨ సఙ్గీతిసుత్తేన చ పాచి. ౬౫౫ వినయేన చ సంసన్దేతబ్బం]. ఇమే ఖో, భిక్ఖవే, సత్త అధికరణసమథా ధమ్మా ఉప్పన్నుప్పన్నానం అధికరణానం సమథాయ వూపసమాయా’’తి. దసమం.

వినయవగ్గో అట్ఠమో.