౩. సంఖిత్తబలసుత్తం

౩. ఏవం మే సుతం – ఏకం సమయం భగవా సావత్థియం విహరతి జేతవనే అనాథపిణ్డికస్స ఆరామే…పే… సత్తిమాని, భిక్ఖవే, బలాని. కతమాని సత్త? సద్ధాబలం, వీరియబలం, హిరీబలం, ఓత్తప్పబలం, సతిబలం, సమాధిబలం, పఞ్ఞాబలం. ఇమాని ఖో, భిక్ఖవే, సత్త బలానీతి.

‘‘సద్ధాబలం వీరియఞ్చ, హిరీ [హిరి (సీ. పీ. క.)] ఓత్తప్పియం బలం;

సతిబలం సమాధి చ, పఞ్ఞా వే సత్తమం బలం;

ఏతేహి బలవా భిక్ఖు, సుఖం జీవతి పణ్డితో;

‘‘యోనిసో విచినే ధమ్మం, పఞ్ఞాయత్థం విపస్సతి;

పజ్జోతస్సేవ నిబ్బానం, విమోక్ఖో హోతి చేతసో’’తి. తతియం;