౮. సన్తుట్ఠితాసుత్తం

౧౧౪. ‘‘తయోమే, భిక్ఖవే, ధమ్మా. కతమే తయో? అసన్తుట్ఠితా, అసమ్పజఞ్ఞం, మహిచ్ఛతా. ఇమే ఖో, భిక్ఖవే, తయో ధమ్మా. ఇమేసం ఖో, భిక్ఖవే, తిణ్ణం ధమ్మానం పహానాయ తయో ధమ్మా భావేతబ్బా. కతమే తయో? అసన్తుట్ఠితాయ పహానాయ సన్తుట్ఠితా భావేతబ్బా, అసమ్పజఞ్ఞస్స పహానాయ సమ్పజఞ్ఞం భావేతబ్బం, మహిచ్ఛతాయ పహానాయ అప్పిచ్ఛతా భావేతబ్బా. ఇమేసం ఖో, భిక్ఖవే, తిణ్ణం ధమ్మానం పహానాయ ఇమే తయో ధమ్మా భావేతబ్బా’’తి. అట్ఠమం.