౫. ధాతుసుత్తం

౧౧౧. ‘‘తయోమే, భిక్ఖవే, ధమ్మా. కతమే తయో? కామధాతు, బ్యాపాదధాతు, విహింసాధాతు. ఇమే ఖో, భిక్ఖవే, తయో ధమ్మా. ఇమేసం ఖో, భిక్ఖవే, తిణ్ణం ధమ్మానం పహానాయ తయో ధమ్మా భావేతబ్బా. కతమే తయో? కామధాతుయా పహానాయ నేక్ఖమ్మధాతు భావేతబ్బా, బ్యాపాదధాతుయా పహానాయ అబ్యాపాదధాతు భావేతబ్బా, విహింసాధాతుయా పహానాయ అవిహింసాధాతు భావేతబ్బా. ఇమేసం ఖో, భిక్ఖవే, తిణ్ణం ధమ్మానం పహానాయ ఇమే తయో ధమ్మా భావేతబ్బా’’తి. పఞ్చమం.