౬. అస్సాదసుత్తం

౧౧౨. ‘‘తయోమే, భిక్ఖవే, ధమ్మా. కతమే తయో? అస్సాదదిట్ఠి, అత్తానుదిట్ఠి, మిచ్ఛాదిట్ఠి. ఇమే ఖో, భిక్ఖవే, తయో ధమ్మా. ఇమేసం ఖో, భిక్ఖవే, తిణ్ణం ధమ్మానం పహానాయ తయో ధమ్మా భావేతబ్బా. కతమే తయో? అస్సాదదిట్ఠియా పహానాయ అనిచ్చసఞ్ఞా భావేతబ్బా, అత్తానుదిట్ఠియా పహానాయ అనత్తసఞ్ఞా భావేతబ్బా, మిచ్ఛాదిట్ఠియా పహానాయ సమ్మాదిట్ఠి భావేతబ్బా. ఇమేసం ఖో, భిక్ఖవే, తిణ్ణం ధమ్మానం పహానాయ ఇమే తయో ధమ్మా భావేతబ్బా’’తి. ఛట్ఠం.