౪. సఞ్ఞాసుత్తం

౧౧౦. ‘‘తయోమే, భిక్ఖవే, ధమ్మా. కతమే తయో? కామసఞ్ఞా, బ్యాపాదసఞ్ఞా, విహింసాసఞ్ఞా. ఇమే ఖో, భిక్ఖవే, తయో ధమ్మా. ఇమేసం ఖో, భిక్ఖవే, తిణ్ణం ధమ్మానం పహానాయ తయో ధమ్మా భావేతబ్బా. కతమే తయో? కామసఞ్ఞాయ పహానాయ నేక్ఖమ్మసఞ్ఞా భావేతబ్బా, బ్యాపాదసఞ్ఞాయ పహానాయ అబ్యాపాదసఞ్ఞా భావేతబ్బా, విహింసాసఞ్ఞాయ పహానాయ అవిహింసాసఞ్ఞా భావేతబ్బా. ఇమేసం ఖో, భిక్ఖవే, తిణ్ణం ధమ్మానం పహానాయ ఇమే తయో ధమ్మా భావేతబ్బా’’తి. చతుత్థం.