౧౦. కమ్బోజసుత్తం

౮౦. ఏకం సమయం భగవా కోసమ్బియం విహరతి ఘోసితారామే. అథ ఖో ఆయస్మా ఆనన్దో యేన భగవా తేనుపసఙ్కమి; ఉపసఙ్కమిత్వా భగవన్తం అభివాదేత్వా ఏకమన్తం నిసీది. ఏకమన్తం నిసిన్నో ఖో ఆయస్మా ఆనన్దో భగవన్తం ఏతదవోచ –

‘‘కో ను ఖో, భన్తే, హేతు కో పచ్చయో, యేన మాతుగామో నేవ సభాయం నిసీదతి, న కమ్మన్తం పయోజేతి, న కమ్బోజం గచ్ఛతీ’’తి? ‘‘కోధనో, ఆనన్ద, మాతుగామో; ఇస్సుకీ, ఆనన్ద, మాతుగామో; మచ్ఛరీ, ఆనన్ద, మాతుగామో; దుప్పఞ్ఞో, ఆనన్ద, మాతుగామో – అయం ఖో, ఆనన్ద, హేతు అయం పచ్చయో, యేన మాతుగామో నేవ సభాయం నిసీదతి, న కమ్మన్తం పయోజేతి, న కమ్బోజం గచ్ఛతీ’’తి. దసమం.

అపణ్ణకవగ్గో తతియో.