౩. అత్థవససుత్తం

౪౩. ‘‘తయో, భిక్ఖవే, అత్థవసే సమ్పస్సమానేన అలమేవ పరేసం ధమ్మం దేసేతుం. కతమే తయో? యో ధమ్మం దేసేతి సో అత్థప్పటిసంవేదీ చ హోతి ధమ్మప్పటిసంవేదీ చ. యో ధమ్మం సుణాతి సో అత్థప్పటిసంవేదీ చ హోతి ధమ్మప్పటిసంవేదీ చ. యో చేవ ధమ్మం దేసేతి యో చ ధమ్మం సుణాతి ఉభో అత్థప్పటిసంవేదినో చ హోన్తి ధమ్మప్పటిసంవేదినో చ. ఇమే ఖో, భిక్ఖవే, తయో అత్థవసే సమ్పస్సమానేన అలమేవ పరేసం ధమ్మం దేసేతు’’న్తి. తతియం.