౮. దుతియపచ్చోరోహణీసుత్తం

౧౨౦. ‘‘అరియం వో, భిక్ఖవే, పచ్చోరోహణిం దేసేస్సామి. తం సుణాథ… కతమా చ, భిక్ఖవే, అరియా పచ్చోరోహణీ? ఇధ, భిక్ఖవే, అరియసావకో ఇతి పటిసఞ్చిక్ఖతి – ‘మిచ్ఛాదిట్ఠియా ఖో పాపకో విపాకో – దిట్ఠే చేవ ధమ్మే అభిసమ్పరాయఞ్చా’తి. సో ఇతి పటిసఙ్ఖాయ మిచ్ఛాదిట్ఠిం పజహతి; మిచ్ఛాదిట్ఠియా పచ్చోరోహతి. మిచ్ఛాసఙ్కప్పస్స ఖో పాపకో విపాకో… మిచ్ఛావాచాయ ఖో… మిచ్ఛాకమ్మన్తస్స ఖో… మిచ్ఛాఆజీవస్స ఖో… మిచ్ఛావాయామస్స ఖో… మిచ్ఛాసతియా ఖో… మిచ్ఛాసమాధిస్స ఖో… మిచ్ఛాఞాణస్స ఖో… మిచ్ఛావిముత్తియా ఖో పాపకో విపాకో – దిట్ఠే చేవ ధమ్మే అభిసమ్పరాయఞ్చాతి. సో ఇతి పటిసఙ్ఖాయ మిచ్ఛావిముత్తిం పజహతి; మిచ్ఛావిముత్తియా పచ్చోరోహతి. అయం వుచ్చతి, భిక్ఖవే, అరియా పచ్చోరోహణీ’’తి. అట్ఠమం.