౭. కాకసుత్తం

౭౭. ‘‘దసహి, భిక్ఖవే, అసద్ధమ్మేహి సమన్నాగతో కాకో. కతమేహి దసహి? ధంసీ చ, పగబ్భో చ, తిన్తిణో [నిల్లజ్జో (క.) తిన్తిణోతి తిన్తిణం వుచ్చతి తణ్హా… (సీ. స్యా. అట్ఠ.) అభిధమ్మే ఖుద్దకవత్థువిభఙ్గే తిన్తిణపదనిద్దేసే పస్సితబ్బం] చ, మహగ్ఘసో చ, లుద్దో చ, అకారుణికో చ, దుబ్బలో చ, ఓరవితా చ, ముట్ఠస్సతి చ, నేచయికో [నేరసికో (సీ.) తదట్ఠకథాయం పన ‘‘నేచయికో’’ త్వేవ దిస్సతి] చ – ఇమేహి ఖో, భిక్ఖవే, దసహి అసద్ధమ్మేహి సమన్నాగతో కాకో. ఏవమేవం ఖో, భిక్ఖవే, దసహి అసద్ధమ్మేహి సమన్నాగతో పాపభిక్ఖు. కతమేహి దసహి? ధంసీ చ, పగబ్భో చ, తిన్తిణో చ, మహగ్ఘసో చ, లుద్దో చ, అకారుణికో చ, దుబ్బలో చ, ఓరవితా చ, ముట్ఠస్సతి చ, నేచయికో చ – ఇమేహి ఖో, భిక్ఖవే, దసహి అసద్ధమ్మేహి సమన్నాగతో పాపభిక్ఖూ’’తి. సత్తమం.