౧. పఠమవగ్గో

౨౯౬. ‘‘ఏకధమ్మో, భిక్ఖవే, భావితో బహులీకతో ఏకన్తనిబ్బిదాయ విరాగాయ నిరోధాయ ఉపసమాయ అభిఞ్ఞాయ సమ్బోధాయ నిబ్బానాయ సంవత్తతి. కతమో ఏకధమ్మో? బుద్ధానుస్సతి. అయం ఖో, భిక్ఖవే, ఏకధమ్మో భావితో బహులీకతో ఏకన్తనిబ్బిదాయ విరాగాయ నిరోధాయ ఉపసమాయ అభిఞ్ఞాయ సమ్బోధాయ నిబ్బానాయ సంవత్తతీ’’తి.

౨౯౭. ‘‘ఏకధమ్మో, భిక్ఖవే, భావితో బహులీకతో ఏకన్తనిబ్బిదాయ విరాగాయ నిరోధాయ ఉపసమాయ అభిఞ్ఞాయ సమ్బోధాయ నిబ్బానాయ సంవత్తతి. కతమో ఏకధమ్మో? ధమ్మానుస్సతి…పే… సఙ్ఘానుస్సతి… సీలానుస్సతి… చాగానుస్సతి… దేవతానుస్సతి… ఆనాపానస్సతి… మరణస్సతి… కాయగతాసతి… ఉపసమానుస్సతి. అయం ఖో, భిక్ఖవే, ఏకధమ్మో భావితో బహులీకతో ఏకన్తనిబ్బిదాయ విరాగాయ నిరోధాయ ఉపసమాయ అభిఞ్ఞాయ సమ్బోధాయ నిబ్బానాయ సంవత్తతీ’’తి.

వగ్గో పఠమో.