9. சம்பேய்யக்க²ந்த⁴கோ
234. கஸ்ஸபகோ³த்தபி⁴க்கு²வத்து²
380. தேன ஸமயேன பு³த்³தோ⁴ ப⁴க³வா சம்பாயம் விஹரதி க³க்³க³ராய போக்க²ரணியா தீரே. தேன கோ² பன ஸமயேன காஸீஸு ஜனபதே³ வாஸப⁴கா³மோ நாம ஹோதி. தத்த² கஸ்ஸபகோ³த்தோ நாம பி⁴க்கு² ஆவாஸிகோ ஹோதி தந்திப³த்³தோ⁴ உஸ்ஸுக்கம் ஆபன்னோ – கிந்தி அனாக³தா ச பேஸலா பி⁴க்கூ² ஆக³ச்சே²ய்யும், ஆக³தா ச பேஸலா பி⁴க்கூ² பா²ஸு விஹரேய்யும், அயஞ்ச ஆவாஸோ வுத்³தி⁴ம் விருள்ஹிம் வேபுல்லம் ஆபஜ்ஜேய்யாதி. தேன கோ² பன ஸமயேன ஸம்ப³ஹுலா பி⁴க்கூ² காஸீஸு சாரிகம் சரமானா யேன வாஸப⁴கா³மோ தத³வஸரும். அத்³த³ஸா கோ² கஸ்ஸபகோ³த்தோ பி⁴க்கு² தே பி⁴க்கூ² தூ³ரதோவ ஆக³ச்ச²ந்தே, தி³ஸ்வான ஆஸனம் பஞ்ஞபேஸி, பாதோ³த³கம் பாத³பீட²ம் பாத³கத²லிகம் உபனிக்கி²பி, பச்சுக்³க³ந்த்வா பத்தசீவரம் படிக்³க³ஹேஸி, பானீயேன ஆபுச்சி², நஹானே உஸ்ஸுக்கம் அகாஸி, உஸ்ஸுக்கம்பி அகாஸி யாகு³யா கா²த³னீயே ப⁴த்தஸ்மிம். அத² கோ² தேஸம் ஆக³ந்துகானம் பி⁴க்கூ²னம் ஏதத³ஹோஸி – ‘‘ப⁴த்³த³கோ கோ² அயம், ஆவுஸோ, ஆவாஸிகோ பி⁴க்கு² நஹானே உஸ்ஸுக்கம் கரோதி, உஸ்ஸுக்கம்பி கரோதி யாகு³யா கா²த³னீயே ப⁴த்தஸ்மிம். ஹந்த³, மயம், ஆவுஸோ, இதே⁴வ வாஸப⁴கா³மே நிவாஸம் கப்பேமா’’தி. அத² கோ² தே ஆக³ந்துகா பி⁴க்கூ² தத்தே²வ வாஸப⁴கா³மே நிவாஸம் கப்பேஸும்.
அத² கோ² கஸ்ஸபகோ³த்தஸ்ஸ பி⁴க்கு²னோ ஏதத³ஹோஸி – ‘‘யோ கோ² இமேஸம் ஆக³ந்துகானம் பி⁴க்கூ²னம் ஆக³ந்துககிலமதோ² ஸோ படிப்பஸ்ஸத்³தோ⁴. யேபிமே கோ³சரே அப்பகதஞ்ஞுனோ தேதா³னிமே கோ³சரே பகதஞ்ஞுனோ. து³க்கரம் கோ² பன பரகுலேஸு யாவஜீவம் உஸ்ஸுக்கம் காதும், விஞ்ஞத்தி ச மனுஸ்ஸானம் அமனாபா. யம்னூனாஹம் ந உஸ்ஸுக்கம் கரேய்யம் யாகு³யா கா²த³னீயே ப⁴த்தஸ்மி’’ந்தி. ஸோ ந உஸ்ஸுக்கம் அகாஸி யாகு³யா கா²த³னீயே ப⁴த்தஸ்மிம். அத² கோ² தேஸம் ஆக³ந்துகானம் பி⁴க்கூ²னம் ஏதத³ஹோஸி – ‘‘புப்³பே³ க்²வாயம், ஆவுஸோ, ஆவாஸிகோ பி⁴க்கு² நஹானே உஸ்ஸுக்கம் அகாஸி, உஸ்ஸுக்கம்பி அகாஸி யாகு³யா கா²த³னீயே ப⁴த்தஸ்மிம். ஸோதா³னாயம் ந உஸ்ஸுக்கம் கரோதி யாகு³யா கா²த³னீயே ப⁴த்தஸ்மிம். து³ட்டோ²தா³னாயம், ஆவுஸோ, ஆவாஸிகோ பி⁴க்கு². ஹந்த³, மயம், ஆவுஸோ, ஆவாஸிகம் [இமம் ஆவாஸிகம் (ஸ்யா.)] பி⁴க்கு²ம் உக்கி²பாமா’’தி. அத² கோ² தே ஆக³ந்துகா பி⁴க்கூ² ஸன்னிபதித்வா கஸ்ஸபகோ³த்தம் பி⁴க்கு²ம் ஏதத³வோசும் – ‘‘புப்³பே³ கோ² த்வம், ஆவுஸோ, நஹானே உஸ்ஸுக்கம் கரோஸி, உஸ்ஸுக்கம்பி கரோஸி யாகு³யா கா²த³னீயே ப⁴த்தஸ்மிம். ஸோதா³னி த்வம் ந உஸ்ஸுக்கம் கரோஸி யாகு³யா கா²த³னீயே ப⁴த்தஸ்மிம். ஆபத்திம் த்வம், ஆவுஸோ, ஆபன்னோ. பஸ்ஸஸேதம் ஆபத்தி’’ந்தி? ‘‘நத்தி² மே, ஆவுஸோ, ஆபத்தி, யமஹம் பஸ்ஸேய்ய’’ந்தி. அத² கோ² தே ஆக³ந்துகா பி⁴க்கூ² கஸ்ஸபகோ³த்தம் பி⁴க்கு²ம் ஆபத்தியா அத³ஸ்ஸனே உக்கி²பிம்ஸு.
அத² கோ² கஸ்ஸபகோ³த்தஸ்ஸ பி⁴க்கு²னோ ஏதத³ஹோஸி – ‘‘அஹம் கோ² ஏதம் ந ஜானாமி ‘ஆபத்தி வா ஏஸா அனாபத்தி வா, ஆபன்னோ சம்ஹி [வம்ஹி (?)] அனாபன்னோ வா, உக்கி²த்தோ சம்ஹி அனுக்கி²த்தோ வா, த⁴ம்மிகேன வா அத⁴ம்மிகேன வா, குப்பேன வா அகுப்பேன வா, டா²னாரஹேன வா அட்டா²னாரஹேன வா’. யம்னூனாஹம் சம்பம் க³ந்த்வா ப⁴க³வந்தம் ஏதமத்த²ம் புச்சே²ய்ய’’ந்தி. அத² கோ² கஸ்ஸபகோ³த்தோ பி⁴க்கு² ஸேனாஸனம் ஸம்ஸாமேத்வா பத்தசீவரமாதா³ய யேன சம்பா தேன பக்காமி. அனுபுப்³பே³ன யேன சம்பா யேன ப⁴க³வா தேனுபஸங்கமி, உபஸங்கமித்வா ப⁴க³வந்தம் அபி⁴வாதே³த்வா ஏகமந்தம் நிஸீதி³. ஆசிண்ணம் கோ² பனேதம் பு³த்³தா⁴னம் ப⁴க³வந்தானம் ஆக³ந்துகேஹி பி⁴க்கூ²ஹி ஸத்³தி⁴ம் படிஸம்மோதி³தும். அத² கோ² ப⁴க³வா கஸ்ஸபகோ³த்தம் பி⁴க்கு²ம் ஏதத³வோச – ‘‘கச்சி, பி⁴க்கு², க²மனீயம், கச்சி யாபனீயம், கச்சி அப்பகிலமதே²ன அத்³தா⁴னம் ஆக³தோ, குதோ ச த்வம், பி⁴க்கு², ஆக³ச்ச²ஸீ’’தி? ‘‘க²மனீயம், ப⁴க³வா; யாபனீயம், ப⁴க³வா; அப்பகிலமதே²ன சாஹம், ப⁴ந்தே, அத்³தா⁴னம் ஆக³தோ. அத்தி², ப⁴ந்தே, காஸீஸு ஜனபதே³ வாஸப⁴கா³மோ நாம. தத்தா²ஹம், ப⁴க³வா, ஆவாஸிகோ தந்திப³த்³தோ⁴ உஸ்ஸுக்கம் ஆபன்னோ – ‘கிந்தி அனாக³தா ச பேஸலா பி⁴க்கூ² ஆக³ச்சே²ய்யும், ஆக³தா ச பேஸலா பி⁴க்கூ² பா²ஸு விஹரேய்யும், அயஞ்ச ஆவாஸோ வுத்³தி⁴ம் விருள்ஹிம் வேபுல்லம் ஆபஜ்ஜேய்யா’தி. அத² கோ², ப⁴ந்தே, ஸம்ப³ஹுலா பி⁴க்கூ² காஸீஸு சாரிகம் சரமானா யேன வாஸப⁴கா³மோ தத³வஸரும். அத்³த³ஸம் கோ² அஹம், ப⁴ந்தே, தே பி⁴க்கூ² தூ³ரதோவ ஆக³ச்ச²ந்தே, தி³ஸ்வான ஆஸனம் பஞ்ஞபேஸிம், பாதோ³த³கம் பாத³பீட²ம் பாத³கத²லிகம் உபனிக்கி²பிம், பச்சுக்³க³ந்த்வா பத்தசீவரம் படிக்³க³ஹேஸிம், பானீயேன அபுச்சி²ம், நஹானே உஸ்ஸுக்கம் அகாஸிம், உஸ்ஸுக்கம்பி அகாஸிம் யாகு³யா கா²த³னீயே ப⁴த்தஸ்மிம். அத² கோ² தேஸம், ப⁴ந்தே, ஆக³ந்துகானம் பி⁴க்கூ²னம் ஏதத³ஹோஸி – ‘ப⁴த்³த³கோ கோ² அயம் ஆவுஸோ ஆவாஸிகோ பி⁴க்கு² நஹானே உஸ்ஸுக்கம் கரோதி, உஸ்ஸுக்கம்பி கரோதி யாகு³யா கா²த³னீயே ப⁴த்தஸ்மிம். ஹந்த³, மயம், ஆவுஸோ, இதே⁴வ வாஸப⁴கா³மே நிவாஸம் கப்பேமா’தி. அத² கோ² தே, ப⁴ந்தே, ஆக³ந்துகா பி⁴க்கூ² தத்தே²வ வாஸப⁴கா³மே நிவாஸம் கப்பேஸும். தஸ்ஸ மய்ஹம், ப⁴ந்தே, ஏதத³ஹோஸி – ‘யோ கோ² இமேஸம் ஆக³ந்துகானம் பி⁴க்கூ²னம் ஆக³ந்துககிலமதோ² ஸோ படிப்பஸ்ஸத்³தோ⁴. யேபிமே கோ³சரே அப்பகதஞ்ஞுனோ தேதா³னிமே கோ³சரே பகதஞ்ஞுனோ. து³க்கரம் கோ² பன பரகுலேஸு யாவஜீவம் உஸ்ஸுக்கம் காதும், விஞ்ஞத்தி ச மனுஸ்ஸானம் அமனாபா. யம்னூனாஹம் ந உஸ்ஸுக்கம் கரேய்யம் யாகு³யா கா²த³னீயே ப⁴த்தஸ்மி’ந்தி. ஸோ கோ² அஹம், ப⁴ந்தே, ந உஸ்ஸுக்கம் அகாஸிம் யாகு³யா கா²த³னீயே ப⁴த்தஸ்மிம். அத² கோ² தேஸம், ப⁴ந்தே, ஆக³ந்துகானம் பி⁴க்கூ²னம் ஏதத³ஹோஸி – ‘புப்³பே³ க்²வாயம், ஆவுஸோ, ஆவாஸிகோ பி⁴க்கு² நஹானே உஸ்ஸுக்கம் கரோதி, உஸ்ஸுக்கம்பி கரோதி யாகு³யா கா²த³னீயே ப⁴த்தஸ்மிம். ஸோதா³னாயம் ந உஸ்ஸுக்கம் கரோதி யாகு³யா கா²த³னீயே ப⁴த்தஸ்மிம். து³ட்டோ²தா³னாயம், ஆவுஸோ, ஆவாஸிகோ பி⁴க்கு². ஹந்த³, மயம், ஆவுஸோ, ஆவாஸிகம் பி⁴க்கு²ம் உக்கி²பாமா’தி. அத² கோ² தே, ப⁴ந்தே, ஆக³ந்துகா பி⁴க்கூ² ஸன்னிபதித்வா மம் ஏதத³வோசும் – ‘புப்³பே³ கோ² த்வம், ஆவுஸோ, நஹானே உஸ்ஸுக்கம் கரோஸி, உஸ்ஸுக்கம்பி கரோஸி யாகு³யா கா²த³னீயே ப⁴த்தஸ்மிம். ஸோதா³னி த்வம் ந உஸ்ஸுக்கம் கரோஸி யாகு³யா கா²த³னீயே ப⁴த்தஸ்மிம். ஆபத்திம் த்வம், ஆவுஸோ, ஆபன்னோ. பஸ்ஸஸேதம் ஆபத்தி’ந்தி? ‘நத்தி² மே, ஆவுஸோ, ஆபத்தி யமஹம் பஸ்ஸேய்ய’ந்தி. அத² கோ² தே, ப⁴ந்தே, ஆக³ந்துகா பி⁴க்கூ² மம் ஆபத்தியா அத³ஸ்ஸனே உக்கி²பிம்ஸு. தஸ்ஸ மய்ஹம், ப⁴ந்தே, ஏதத³ஹோஸி – ‘அஹம் கோ² ஏதம் ந ஜானாமி ‘ஆபத்தி வா ஏஸா அனாபத்தி வா, ஆபன்னோ சம்ஹி அனாபன்னோ வா, உக்கி²த்தோ சம்ஹி அனுக்கி²த்தோ வா, த⁴ம்மிகேன வா அத⁴ம்மிகேன வா, குப்பேன வா அகுப்பேன வா, டா²னாரஹேன வா அட்டா²னாரஹேன வா’. யம்னூனாஹம் சம்பம் க³ந்த்வா ப⁴க³வந்தம் ஏதமத்த²ம் புச்சே²ய்ய’ந்தி. ததோ அஹம், ப⁴க³வா, ஆக³ச்சா²மீ’’தி. ‘‘அனாபத்தி ஏஸா, பி⁴க்கு², நேஸா ஆபத்தி. அனாபன்னோஸி, நஸி ஆபன்னோ. அனுக்கி²த்தோஸி, நஸி உக்கி²த்தோ. அத⁴ம்மிகேனாஸி கம்மேன உக்கி²த்தோ குப்பேன அட்டா²னாரஹேன. க³ச்ச² த்வம், பி⁴க்கு², தத்தே²வ வாஸப⁴கா³மே நிவாஸம் கப்பேஹீ’’தி. ‘‘ஏவம், ப⁴ந்தே’’தி கோ² கஸ்ஸபகோ³த்தோ பி⁴க்கு² ப⁴க³வதோ படிஸ்ஸுணித்வா உட்டா²யாஸனா ப⁴க³வந்தம் அபி⁴வாதே³த்வா பத³க்கி²ணம் கத்வா யேன வாஸப⁴கா³மோ தேன பக்காமி.
381. அத² கோ² தேஸம் ஆக³ந்துகானம் பி⁴க்கூ²னம் அஹுதே³வ குக்குச்சம், அஹு விப்படிஸாரோ – ‘‘அலாபா⁴ வத நோ, ந வத நோ லாபா⁴, து³ல்லத்³த⁴ம் வத நோ, ந வத நோ ஸுலத்³த⁴ம், யே மயம் ஸுத்³த⁴ம் பி⁴க்கு²ம் அனாபத்திகம் அவத்து²ஸ்மிம் அகாரணே உக்கி²பிம்ஹா. ஹந்த³, மயம், ஆவுஸோ, சம்பம் க³ந்த்வா ப⁴க³வதோ ஸந்திகே அச்சயம் அச்சயதோ தே³ஸேமா’’தி. அத² கோ² தே ஆக³ந்துகா பி⁴க்கூ² ஸேனாஸனம் ஸம்ஸாமேத்வா பத்தசீவரமாதா³ய யேன சம்பா தேன பக்கமிம்ஸு. அனுபுப்³பே³ன யேன சம்பா யேன ப⁴க³வா தேனுபஸங்கமிம்ஸு, உபஸங்கமித்வா ப⁴க³வந்தம் அபி⁴வாதே³த்வா ஏகமந்தம் நிஸீதி³ம்ஸு. ஆசிண்ணம் கோ² பனேதம் பு³த்³தா⁴னம் ப⁴க³வந்தானம் ஆக³ந்துகேஹி பி⁴க்கூ²ஹி ஸத்³தி⁴ம் படிஸம்மோதி³தும். அத² கோ² ப⁴க³வா தே பி⁴க்கூ² ஏதத³வோச – ‘‘கச்சி, பி⁴க்க²வே, க²மனீயம், கச்சி யாபனீயம், கச்சித்த² அப்பகிலமதே²ன அத்³தா⁴னம் ஆக³தா, குதோ ச தும்ஹே, பி⁴க்க²வே, ஆக³ச்ச²தா²’’தி? ‘‘க²மனீயம், ப⁴க³வா; யாபனீயம், ப⁴க³வா; அப்பகிலமதே²ன ச மயம், ப⁴ந்தே, அத்³தா⁴னம் ஆக³தா. அத்தி², ப⁴ந்தே, காஸீஸு ஜனபதே³ வாஸப⁴கா³மோ நாம. ததோ மயம், ப⁴க³வா, ஆக³ச்சா²மா’’தி. ‘‘தும்ஹே, பி⁴க்க²வே, ஆவாஸிகம் பி⁴க்கு²ம் உக்கி²பித்தா²’’தி? ‘‘ஏவம், ப⁴ந்தே’’தி. ‘‘கிஸ்மிம், பி⁴க்க²வே, வத்து²ஸ்மிம் காரணே’’தி? ‘‘அவத்து²ஸ்மிம், ப⁴க³வா, அகாரணே’’தி. விக³ரஹி பு³த்³தோ⁴ ப⁴க³வா – ‘‘அனனுச்ச²விகம், மோக⁴புரிஸா, அனனுலோமிகம் அப்பதிரூபம் அஸ்ஸாமணகம் அகப்பியம் அகரணீயம். கத²ஞ்ஹி நாம தும்ஹே, மோக⁴புரிஸா, ஸுத்³த⁴ம் பி⁴க்கு²ம் அனாபத்திகம் அவத்து²ஸ்மிம் அகாரணே உக்கி²பிஸ்ஸத². நேதம், மோக⁴புரிஸா, அப்பஸன்னானம் வா பஸாதா³ய…பே…’’ விக³ரஹித்வா த⁴ம்மிம் கத²ம் கத்வா பி⁴க்கூ² ஆமந்தேஸி – ‘‘ந, பி⁴க்க²வே, ஸுத்³தோ⁴ பி⁴க்கு² அனாபத்திகோ அவத்து²ஸ்மிம் அகாரணே உக்கி²பிதப்³போ³. யோ உக்கி²பேய்ய, ஆபத்தி து³க்கடஸ்ஸா’’தி.
அத² கோ² தே பி⁴க்கூ² உட்டா²யாஸனா ஏகம்ஸம் உத்தராஸங்க³ம் கரித்வா ப⁴க³வதோ பாதே³ஸு ஸிரஸா நிபதித்வா ப⁴க³வந்தம் ஏதத³வோசும் – ‘‘அச்சயோ நோ, ப⁴ந்தே, அச்சக³மா யதா²பா³லே யதா²மூள்ஹே யதா²அகுஸலே, யே மயம் ஸுத்³த⁴ம் பி⁴க்கு²ம் அனாபத்திகம் அவத்து²ஸ்மிம் அகாரணே உக்கி²பிம்ஹா. தேஸம் நோ, ப⁴ந்தே, ப⁴க³வா அச்சயம் அச்சயதோ படிக்³க³ண்ஹாது ஆயதிம் ஸம்வராயா’’தி. ‘‘தக்³க⁴, தும்ஹே, பி⁴க்க²வே, அச்சயோ அச்சக³மா யதா²பா³லே யதா²மூள்ஹே யதா²அகுஸலே, யே தும்ஹே ஸுத்³த⁴ம் பி⁴க்கு²ம் அனாபத்திகம் அவத்து²ஸ்மிம் அகாரணே உக்கி²பித்த². யதோ ச கோ² தும்ஹே, பி⁴க்க²வே, அச்சயம் அச்சயதோ தி³ஸ்வா யதா²த⁴ம்மம் படிகரோத², தம் வோ மயம் படிக்³க³ண்ஹாம. வுத்³தி⁴ஹேஸா, பி⁴க்க²வே, அரியஸ்ஸ வினயே யோ அச்சயம் அச்சயதோ தி³ஸ்வா யதா²த⁴ம்மம் படிகரோதி, ஆயதிம் [ஆயதிம் ச (ஸீ.)] ஸம்வரம் ஆபஜ்ஜதீ’’தி.
கஸ்ஸபகோ³த்தபி⁴க்கு²வத்து² நிட்டி²தம்.
235. அத⁴ம்மேன வக்³கா³தி³கம்மகதா²
382. தேன கோ² பன ஸமயேன சம்பாயம் பி⁴க்கூ² ஏவரூபானி கம்மானி கரோந்தி – அத⁴ம்மேன வக்³க³கம்மம் கரோந்தி, அத⁴ம்மேன ஸமக்³க³கம்மம் கரோந்தி; த⁴ம்மேன வக்³க³கம்மம் கரோந்தி, த⁴ம்மபதிரூபகேன வக்³க³கம்மம் கரோந்தி; த⁴ம்மபதிரூபகேன ஸமக்³க³கம்மம் கரோந்தி; ஏகோபி ஏகம் உக்கி²பதி, ஏகோபி த்³வே உக்கி²பதி, ஏகோபி ஸம்ப³ஹுலே உக்கி²பதி, ஏகோபி ஸங்க⁴ம் உக்கி²பதி; த்³வேபி ஏகம் உக்கி²பந்தி, த்³வேபி த்³வே உக்கி²பந்தி, த்³வேபி ஸம்ப³ஹுலே உக்கி²பந்தி, த்³வேபி ஸங்க⁴ம் உக்கி²பந்தி; ஸம்ப³ஹுலாபி ஏகம் உக்கி²பந்தி; ஸம்ப³ஹுலாபி த்³வே உக்கி²பந்தி, ஸம்ப³ஹுலாபி ஸம்ப³ஹுலே உக்கி²பந்தி, ஸம்ப³ஹுலாபி ஸங்க⁴ம் உக்கி²பந்தி; ஸங்கோ⁴பி ஸங்க⁴ம் உக்கி²பதி. யே தே பி⁴க்கூ² அப்பிச்சா²…பே… தே உஜ்ஜா²யந்தி கி²ய்யந்தி விபாசேந்தி – ‘‘கத²ஞ்ஹி நாம சம்பாயம் பி⁴க்கூ² ஏவரூபானி கம்மானி கரிஸ்ஸந்தி – அத⁴ம்மேன வக்³க³கம்மம் கரிஸ்ஸந்தி, அத⁴ம்மேன ஸமக்³க³கம்மம் கரிஸ்ஸந்தி, த⁴ம்மேன வக்³க³கம்மம் கரிஸ்ஸந்தி, த⁴ம்மபதிரூபகேன வக்³க³கம்மம் கரிஸ்ஸந்தி, த⁴ம்மபதிரூபகேன ஸமக்³க³கம்மம் கரிஸ்ஸந்தி, ஏகோபி ஏகம் உக்கி²பிஸ்ஸதி, ஏகோபி த்³வே உக்கி²பிஸ்ஸதி, ஏகோபி ஸம்ப³ஹுலே உக்கி²பிஸ்ஸதி, ஏகோபி ஸங்க⁴ம் உக்கி²பிஸ்ஸதி, த்³வேபி ஏகம் உக்கி²பிஸ்ஸந்தி, த்³வேபி த்³வே உக்கி²பிஸ்ஸந்தி, த்³வேபி ஸம்ப³ஹுலே உக்கி²பிஸ்ஸந்தி, த்³வேபி ஸங்க⁴ம் உக்கி²பிஸ்ஸந்தி, ஸம்ப³ஹுலாபி ஏகம் உக்கி²பிஸ்ஸந்தி, ஸம்ப³ஹுலாபி த்³வே உக்கி²பிஸ்ஸந்தி, ஸம்ப³ஹுலாபி ஸம்ப³ஹுலே உக்கி²பிஸ்ஸந்தி, ஸம்ப³ஹுலாபி ஸங்க⁴ம் உக்கி²பிஸ்ஸந்தி, ஸங்கோ⁴பி ஸங்க⁴ம் உக்கி²பிஸ்ஸதீ’’தி. அத² கோ² தே பி⁴க்கூ² ப⁴க³வதோ ஏதமத்த²ம் ஆரோசேஸும்…பே… ‘‘ஸச்சம் கிர, பி⁴க்க²வே, சம்பாயம் பி⁴க்கூ² ஏவரூபானி கம்மானி கரோந்தி – அத⁴ம்மேன வக்³க³கம்மம் கரோந்தி…பே… ஸங்கோ⁴பி ஸங்க⁴ம் உக்கி²பதீ’’தி? ‘‘ஸச்சம், ப⁴க³வா’’தி. விக³ரஹி பு³த்³தோ⁴ ப⁴க³வா – ‘‘அனனுச்ச²விகம், பி⁴க்க²வே, தேஸம் மோக⁴புரிஸானம் அனனுலோமிகம் அப்பதிரூபம் அஸ்ஸாமணகம் அகப்பியம் அகரணீயம். கத²ஞ்ஹி நாம தே, பி⁴க்க²வே, மோக⁴புரிஸா ஏவரூபானி கம்மானி கரிஸ்ஸந்தி – அத⁴ம்மேன வக்³க³கம்மம் கரிஸ்ஸந்தி…பே… ஸங்கோ⁴பி ஸங்க⁴ம் உக்கி²பிஸ்ஸதி. நேதம், பி⁴க்க²வே, அப்பஸன்னானம் வா பஸாதா³ய…பே… விக³ரஹித்வா…பே… த⁴ம்மிம் கத²ம் கத்வா பி⁴க்கூ² ஆமந்தேஸி –
383. ‘‘அத⁴ம்மேன சே, பி⁴க்க²வே, வக்³க³கம்மம் அகம்மம் ந ச கரணீயம், அத⁴ம்மேன [அத⁴ம்மேன சே பி⁴க்க²வே (ஸ்யா.)] ஸமக்³க³கம்மம் அகம்மம் ந ச கரணீயம், த⁴ம்மேன வக்³க³கம்மம் அகம்மம் ந ச கரணீயம்; த⁴ம்மபதிரூபகேன வக்³க³கம்மம் அகம்மம் ந ச கரணீயம், த⁴ம்மபதிரூபகேன ஸமக்³க³கம்மம் அகம்மம் ந ச கரணீயம்; ஏகோபி ஏகம் உக்கி²பதி அகம்மம் ந ச கரணீயம், ஏகோபி த்³வே உக்கி²பதி அகம்மம் ந ச கரணீயம், ஏகோபி ஸம்ப³ஹுலே உக்கி²பதி அகம்மம் ந ச கரணீயம், ஏகோபி ஸங்க⁴ம் உக்கி²பதி அகம்மம் ந ச கரணீயம்; த்³வேபி ஏகம் உக்கி²பந்தி அகம்மம் ந ச கரணீயம், த்³வேபி த்³வே உக்கி²பந்தி அகம்மம் ந ச கரணீயம், த்³வேபி ஸம்ப³ஹுலே உக்கி²பந்தி அகம்மம் ந ச கரணீயம், த்³வேபி ஸங்க⁴ம் உக்கி²பந்தி அகம்மம் ந ச கரணீயம்; ஸம்ப³ஹுலாபி ஏகம் உக்கி²பந்தி அகம்மம் ந ச கரணீயம், ஸம்ப³ஹுலாபி த்³வே உக்கி²பந்தி அகம்மம் ந ச கரணீயம், ஸம்ப³ஹுலாபி ஸம்ப³ஹுலே உக்கி²பந்தி அகம்மம் ந ச கரணீயம், ஸம்ப³ஹுலாபி ஸங்க⁴ம் உக்கி²பந்தி அகம்மம் ந ச கரணீயம்; ஸங்கோ⁴பி ஸங்க⁴ம் உக்கி²பதி அகம்மம் ந ச கரணீயம்.
384. ‘‘சத்தாரிமானி, பி⁴க்க²வே, கம்மானி – அத⁴ம்மேன வக்³க³கம்மம், அத⁴ம்மேன ஸமக்³க³கம்மம், த⁴ம்மேன வக்³க³கம்மம், த⁴ம்மேன ஸமக்³க³கம்மம். தத்ர, பி⁴க்க²வே, யதி³த³ம் அத⁴ம்மேன வக்³க³கம்மம், இத³ம், பி⁴க்க²வே, கம்மம் அத⁴ம்மத்தா வக்³க³த்தா குப்பம் அட்டா²னாரஹம்; ந, பி⁴க்க²வே, ஏவரூபம் கம்மம் காதப்³ப³ம், ந ச மயா ஏவரூபம் கம்மம் அனுஞ்ஞாதம். தத்ர, பி⁴க்க²வே, யதி³த³ம் அத⁴ம்மேன ஸமக்³க³கம்மம், இத³ம், பி⁴க்க²வே, கம்மம் அத⁴ம்மத்தா குப்பம் அட்டா²னாரஹம்; ந, பி⁴க்க²வே, ஏவரூபம் கம்மம் காதப்³ப³ம், ந ச மயா ஏவரூபம் கம்மம் அனுஞ்ஞாதம். தத்ர, பி⁴க்க²வே, யதி³த³ம் த⁴ம்மேன வக்³க³கம்மம், இத³ம், பி⁴க்க²வே, கம்மம் வக்³க³த்தா குப்பம் அட்டா²னாரஹம்; ந, பி⁴க்க²வே, ஏவரூபம் கம்மம் காதப்³ப³ம், ந ச மயா ஏவரூபம் கம்மம் அனுஞ்ஞாதம். தத்ர, பி⁴க்க²வே, யதி³த³ம் த⁴ம்மேன ஸமக்³க³கம்மம், இத³ம், பி⁴க்க²வே, கம்மம் த⁴ம்மத்தா ஸமக்³க³த்தா அகுப்பம் டா²னாரஹம்; ஏவரூபம், பி⁴க்க²வே, கம்மம் காதப்³ப³ம், ஏவரூபஞ்ச மயா கம்மம் அனுஞ்ஞாதம். தஸ்மாதிஹ, பி⁴க்க²வே, ஏவரூபம் கம்மம் கரிஸ்ஸாம யதி³த³ம் த⁴ம்மேன ஸமக்³க³ந்தி – ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி.
அத⁴ம்மேன வக்³கா³தி³கம்மகதா² நிட்டி²தா.
236. ஞத்திவிபன்னகம்மாதி³கதா²
385. தேன கோ² பன ஸமயேன ச²ப்³ப³க்³கி³யா பி⁴க்கூ² ஏவரூபானி கம்மானி கரோந்தி – அத⁴ம்மேன வக்³க³கம்மம் கரோந்தி, அத⁴ம்மேன ஸமக்³க³கம்மம் கரோந்தி; த⁴ம்மேன வக்³க³கம்மம் கரோந்தி, த⁴ம்மபதிரூபகேன வக்³க³கம்மம் கரோந்தி, த⁴ம்மபதிரூபகேன ஸமக்³க³கம்மம் கரோந்தி; ஞத்திவிபன்னம்பி கம்மம் கரோந்தி அனுஸ்ஸாவனஸம்பன்னம், அனுஸ்ஸாவனவிபன்னம்பி கம்மம் கரோந்தி ஞத்திஸம்பன்னம், ஞத்திவிபன்னம்பி அனுஸ்ஸாவனவிபன்னம்பி கம்மம் கரோந்தி; அஞ்ஞத்ராபி த⁴ம்மா கம்மம் கரோந்தி, அஞ்ஞத்ராபி வினயா கம்மம் கரோந்தி, அஞ்ஞத்ராபி ஸத்து²ஸாஸனா கம்மம் கரோந்தி; படிகுட்ட²கதம்பி கம்மம் கரோந்தி அத⁴ம்மிகம் குப்பம் அட்டா²னாரஹம். யே தே பி⁴க்கூ² அப்பிச்சா²…பே… தே உஜ்ஜா²யந்தி கி²ய்யந்தி விபாசேந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² ஏவரூபானி கம்மானி கரிஸ்ஸந்தி – அத⁴ம்மேன வக்³க³கம்மம் கரிஸ்ஸந்தி, அத⁴ம்மேன ஸமக்³க³கம்மம் கரிஸ்ஸந்தி; த⁴ம்மேன வக்³க³கம்மம் கரிஸ்ஸந்தி, த⁴ம்மபதிரூபகேன வக்³க³கம்மம் கரிஸ்ஸந்தி, த⁴ம்மபதிரூபகேன ஸமக்³க³கம்மம் கரிஸ்ஸந்தி; ஞத்திவிபன்னம்பி கம்மம் கரிஸ்ஸந்தி அனுஸ்ஸாவனஸம்பன்னம், அனுஸ்ஸாவனவிபன்னம்பி கம்மம் கரிஸ்ஸந்தி ஞத்திஸம்பன்னம், ஞத்திவிபன்னம்பி அனுஸ்ஸாவனவிபன்னம்பி கம்மம் கரிஸ்ஸந்தி; அஞ்ஞத்ராபி த⁴ம்மா கம்மம் கரிஸ்ஸந்தி, அஞ்ஞத்ராபி வினயா கம்மம் கரிஸ்ஸந்தி, அஞ்ஞத்ராபி ஸத்து²ஸாஸனா கம்மம் கரிஸ்ஸந்தி; படிகுட்ட²கதம்பி கம்மம் கரிஸ்ஸந்தி அத⁴ம்மிகம் குப்பம் அட்டா²னாரஹ’’ந்தி. அத² கோ² தே பி⁴க்கூ² ப⁴க³வதோ ஏதமத்த²ம் ஆரோசேஸும்…பே… ‘‘ஸச்சம் கிர, பி⁴க்க²வே, ச²ப்³ப³க்³கி³யா பி⁴க்கூ² ஏவரூபானி கம்மானி கரோந்தி – அத⁴ம்மேன வக்³க³கம்மம் கரோந்தி…பே… படிகுட்ட²கதம்பி கம்மம் கரோந்தி அத⁴ம்மிகம் குப்பம் அட்டா²னாரஹ’’ந்தி? ‘‘ஸச்சம், ப⁴க³வா’’தி. விக³ரஹி பு³த்³தோ⁴ ப⁴க³வா…பே… விக³ரஹித்வா த⁴ம்மிம் கத²ம் கத்வா பி⁴க்கூ² ஆமந்தேஸி –
386. ‘‘அத⁴ம்மேன சே, பி⁴க்க²வே, வக்³க³கம்மம் அகம்மம் ந ச கரணீயம்; அத⁴ம்மேன ஸமக்³க³கம்மம் அகம்மம் ந ச கரணீயம்; த⁴ம்மேன வக்³க³கம்மம் அகம்மம் ந ச கரணீயம்; த⁴ம்மபதிரூபகேன வக்³க³கம்மம் அகம்மம் ந ச கரணீயம்; த⁴ம்மபதிரூபகேன ஸமக்³க³கம்மம் அகம்மம் ந ச கரணீயம். ஞத்திவிபன்னஞ்சே, பி⁴க்க²வே, கம்மம் அனுஸ்ஸாவனஸம்பன்னம் அகம்மம் ந ச கரணீயம்; அனுஸ்ஸாவனவிபன்னஞ்சே, பி⁴க்க²வே, கம்மம் ஞத்திஸம்பன்னம் அகம்மம் ந ச கரணீயம்; ஞத்திவிபன்னஞ்சே, பி⁴க்க²வே, கம்மம் அனுஸ்ஸாவனவிபன்னம் அகம்மம் ந ச கரணீயம்; அஞ்ஞத்ராபி த⁴ம்மா கம்மம் அகம்மம் ந ச கரணீயம்; அஞ்ஞத்ராபி வினயா கம்மம் அகம்மம் ந ச கரணீயம்; அஞ்ஞத்ராபி ஸத்து²ஸாஸனா கம்மம் அகம்மம் ந ச கரணீயம்; படிகுட்ட²கதஞ்சே, பி⁴க்க²வே, கம்மம் அத⁴ம்மிகம் குப்பம் அட்டா²னாரஹம் அகம்மம் ந ச கரணீயம்.
387. ச²யிமானி, பி⁴க்க²வே, கம்மானி – அத⁴ம்மகம்மம், வக்³க³கம்மம், ஸமக்³க³கம்மம், த⁴ம்மபதிரூபகேன வக்³க³கம்மம், த⁴ம்மபதிரூபகேன ஸமக்³க³கம்மம், த⁴ம்மேன ஸமக்³க³கம்மம்.
கதமஞ்ச, பி⁴க்க²வே, அத⁴ம்மகம்மம்? ஞத்திது³தியே சே, பி⁴க்க²வே, கம்மே ஏகாய ஞத்தியா கம்மம் கரோதி, ந ச கம்மவாசம் அனுஸ்ஸாவேதி – அத⁴ம்மகம்மம். ஞத்திது³தியே சே, பி⁴க்க²வே, கம்மே த்³வீஹி ஞத்தீஹி கம்மம் கரோதி, ந ச கம்மவாசம் அனுஸ்ஸாவேதி – அத⁴ம்மகம்மம். ஞத்திது³தியே சே, பி⁴க்க²வே, கம்மே ஏகாய கம்மவாசாய கம்மம் கரோதி, ந ச ஞத்திம் ட²பேதி – அத⁴ம்மகம்மம். ஞத்திது³தியே சே, பி⁴க்க²வே, கம்மே த்³வீஹி கம்மவாசாஹி கம்மம் கரோதி, ந ச ஞத்திம் ட²பேதி – அத⁴ம்மகம்மம். ஞத்திசதுத்தே² சே, பி⁴க்க²வே, கம்மே ஏகாய ஞத்தியா கம்மம் கரோதி, ந ச கம்மவாசம் அனுஸ்ஸாவேதி – அத⁴ம்மகம்மம். ஞத்திசதுத்தே² சே, பி⁴க்க²வே, கம்மே த்³வீஹி ஞத்தீஹி கம்மம் கரோதி, ந ச கம்மவாசம் அனுஸ்ஸாவேதி – அத⁴ம்மகம்மம். ஞத்திசதுத்தே² சே, பி⁴க்க²வே, கம்மே தீஹி ஞத்தீஹி கம்மம் கரோதி, ந ச கம்மவாசம் அனுஸ்ஸாவேதி – அத⁴ம்மகம்மம். ஞத்திசதுத்தே² சே, பி⁴க்க²வே, கம்மே சதூஹி ஞத்தீஹி கம்மம் கரோதி, ந ச கம்மவாசம் அனுஸ்ஸாவேதி – அத⁴ம்மகம்மம். ஞத்திசதுத்தே² சே, பி⁴க்க²வே, கம்மே ஏகாய கம்மவாசாய கம்மம் கரோதி, ந ச ஞத்திம் ட²பேதி – அத⁴ம்மகம்மம். ஞத்திசதுத்தே² சே, பி⁴க்க²வே, கம்மே த்³வீஹி கம்மவாசாஹி கம்மம் கரோதி, ந ச ஞத்திம் ட²பேதி – அத⁴ம்மகம்மம். ஞத்திசதுத்தே² சே, பி⁴க்க²வே, கம்மே தீஹி கம்மவாசாஹி கம்மம் கரோதி, ந ச ஞத்திம் ட²பேதி – அத⁴ம்மகம்மம். ஞத்திசதுத்தே² சே, பி⁴க்க²வே, கம்மே சதூஹி கம்மவாசாஹி கம்மம் கரோதி, ந ச ஞத்திம் ட²பேதி – அத⁴ம்மகம்மம். இத³ம் வுச்சதி, பி⁴க்க²வே, அத⁴ம்மகம்மம்.
கதமஞ்ச, பி⁴க்க²வே, வக்³க³கம்மம்? ஞத்திது³தியே சே, பி⁴க்க²வே, கம்மே யாவதிகா பி⁴க்கூ² கம்மப்பத்தா தே அனாக³தா ஹோந்தி, ச²ந்தா³ரஹானம் ச²ந்தோ³ அனாஹடோ ஹோதி, ஸம்முகீ²பூ⁴தா படிக்கோஸந்தி – வக்³க³கம்மம். ஞத்திது³தியே சே, பி⁴க்க²வே, கம்மே யாவதிகா பி⁴க்கூ² கம்மப்பத்தா தே ஆக³தா ஹோந்தி, ச²ந்தா³ரஹானம் ச²ந்தோ³ அனாஹடோ ஹோதி, ஸம்முகீ²பூ⁴தா படிக்கோஸந்தி – வக்³க³கம்மம். ஞத்திது³தியே சே, பி⁴க்க²வே, கம்மே யாவதிகா பி⁴க்கூ² கம்மப்பத்தா தே ஆக³தா ஹோந்தி, ச²ந்தா³ரஹானம் ச²ந்தோ³ ஆஹடோ ஹோதி, ஸம்முகீ²பூ⁴தா படிக்கோஸந்தி – வக்³க³கம்மம். ஞத்திசதுத்தே² சே, பி⁴க்க²வே, கம்மே யாவதிகா பி⁴க்கூ² கம்மப்பத்தா தே அனாக³தா ஹோந்தி, ச²ந்தா³ரஹானம் ச²ந்தோ³ அனாஹடோ ஹோதி, ஸம்முகீ²பூ⁴தா படிக்கோஸந்தி – வக்³க³கம்மம். ஞத்திசதுத்தே² சே, பி⁴க்க²வே, கம்மே யாவதிகா பி⁴க்கூ² கம்மப்பத்தா தே ஆக³தா ஹோந்தி, ச²ந்தா³ரஹானம் ச²ந்தோ³ அனாஹடோ ஹோதி, ஸம்முகீ²பூ⁴தா படிக்கோஸந்தி – வக்³க³கம்மம். ஞத்திசதுத்தே² சே, பி⁴க்க²வே, கம்மே யாவதிகா பி⁴க்கூ² கம்மப்பத்தா தே ஆக³தா ஹோந்தி, ச²ந்தா³ரஹானம் ச²ந்தோ³ ஆஹடோ ஹோதி, ஸம்முகீ²பூ⁴தா படிக்கோஸந்தி – வக்³க³கம்மம். இத³ம் வுச்சதி, பி⁴க்க²வே, வக்³க³கம்மம்.
கதமஞ்ச, பி⁴க்க²வே, ஸமக்³க³கம்மம்? ஞத்திது³தியே சே, பி⁴க்க²வே, கம்மே யாவதிகா பி⁴க்கூ² கம்மப்பத்தா, தே ஆக³தா ஹோந்தி, ச²ந்தா³ரஹானம் ச²ந்தோ³ ஆஹடோ ஹோதி, ஸம்முகீ²பூ⁴தா ந படிக்கோஸந்தி – ஸமக்³க³கம்மம். ஞத்திசதுத்தே² சே, பி⁴க்க²வே, கம்மே யாவதிகா பி⁴க்கூ² கம்மப்பத்தா, தே ஆக³தா ஹோந்தி, ச²ந்தா³ரஹானம் ச²ந்தோ³ ஆஹடோ ஹோதி, ஸம்முகீ²பூ⁴தா ந படிக்கோஸந்தி – ஸமக்³க³கம்மம். இத³ம் வுச்சதி, பி⁴க்க²வே, ஸமக்³க³கம்மம்.
கதமஞ்ச, பி⁴க்க²வே, த⁴ம்மபதிரூபகேன வக்³க³கம்மம்? ஞத்திது³தியே சே, பி⁴க்க²வே, கம்மே பட²மம் கம்மவாசம் அனுஸ்ஸாவேதி, பச்சா² ஞத்திம் ட²பேதி, யாவதிகா பி⁴க்கூ² கம்மப்பத்தா தே அனாக³தா ஹோந்தி, ச²ந்தா³ரஹானம் ச²ந்தோ³ அனாஹடோ ஹோதி, ஸம்முகீ²பூ⁴தா படிக்கோஸந்தி – த⁴ம்மபதிரூபகேன வக்³க³கம்மம். ஞத்திது³தியே சே, பி⁴க்க²வே, கம்மே பட²மம் கம்மவாசம் அனுஸ்ஸாவேதி, பச்சா² ஞத்திம் ட²பேதி, யாவதிகா பி⁴க்கூ² கம்மப்பத்தா தே ஆக³தா ஹோந்தி, ச²ந்தா³ரஹானம் ச²ந்தோ³ அனாஹடோ ஹோதி, ஸம்முகீ²பூ⁴தா படிக்கோஸந்தி – த⁴ம்மபதிரூபகேன வக்³க³கம்மம். ஞத்திது³தியே சே, பி⁴க்க²வே, கம்மே பட²மம் கம்மவாசம் அனுஸ்ஸாவேதி, பச்சா² ஞத்திம் ட²பேதி, யாவதிகா பி⁴க்கூ² கம்மப்பத்தா தே ஆக³தா ஹோந்தி, ச²ந்தா³ரஹானம் ச²ந்தோ³ ஆஹடோ ஹோதி, ஸம்முகீ²பூ⁴தா படிக்கோஸந்தி – த⁴ம்மபதிரூபகேன வக்³க³கம்மம். ஞத்திசதுத்தே² சே, பி⁴க்க²வே, கம்மே பட²மம் கம்மவாசம் அனுஸ்ஸாவேதி, பச்சா² ஞத்திம் ட²பேதி, யாவதிகா பி⁴க்கூ² கம்மப்பத்தா தே அனாக³தா ஹோந்தி, ச²ந்தா³ரஹானம் ச²ந்தோ³ அனாஹடோ ஹோதி, ஸம்முகீ²பூ⁴தா படிக்கோஸந்தி – த⁴ம்மபதிரூபகேன வக்³க³கம்மம். ஞத்திசதுத்தே² சே, பி⁴க்க²வே, கம்மே பட²மம் கம்மவாசம் அனுஸ்ஸாவேதி, பச்சா² ஞத்திம் ட²பேதி, யாவதிகா பி⁴க்கூ² கம்மப்பத்தா தே ஆக³தா ஹோந்தி, ச²ந்தா³ரஹானம் ச²ந்தோ³ அனாஹடோ ஹோதி, ஸம்முகீ²பூ⁴தா படிக்கோஸந்தி – த⁴ம்மபதிரூபகேன வக்³க³கம்மம். ஞத்திசதுத்தே² சே, பி⁴க்க²வே, கம்மே பட²மம் கம்மவாசம் அனுஸ்ஸாவேதி, பச்சா² ஞத்திம் ட²பேதி, யாவதிகா பி⁴க்கூ² கம்மப்பத்தா தே ஆக³தா ஹோந்தி, ச²ந்தா³ரஹானம் ச²ந்தோ³ ஆஹடோ ஹோதி, ஸம்முகீ²பூ⁴தா படிக்கோஸந்தி – த⁴ம்மபதிரூபகேன வக்³க³கம்மம். இத³ம் வுச்சதி, பி⁴க்க²வே, த⁴ம்மபதிரூபகேன வக்³க³கம்மம்.
கதமஞ்ச, பி⁴க்க²வே, த⁴ம்மபதிரூபகேன ஸமக்³க³கம்மம்? ஞத்திது³தியே சே, பி⁴க்க²வே, கம்மே பட²மம் கம்மவாசம் அனுஸ்ஸாவேதி, பச்சா² ஞத்திம் ட²பேதி, யாவதிகா பி⁴க்கூ² கம்மப்பத்தா, தே ஆக³தா ஹோந்தி, ச²ந்தா³ரஹானம் ச²ந்தோ³ ஆஹடோ ஹோதி, ஸம்முகீ²பூ⁴தா ந படிக்கோஸந்தி – த⁴ம்மபதிரூபகேன ஸமக்³க³கம்மம். ஞத்திசதுத்தே² சே, பி⁴க்க²வே, கம்மே பட²மம் கம்மவாசம் அனுஸ்ஸாவேதி, பச்சா² ஞத்திம் ட²பேதி, யாவதிகா பி⁴க்கூ² கம்மப்பத்தா தே ஆக³தா ஹோந்தி, ச²ந்தா³ரஹானம் ச²ந்தோ³ ஆஹடோ ஹோதி, ஸம்முகீ²பூ⁴தா ந படிக்கோஸந்தி – த⁴ம்மபதிரூபகேன ஸமக்³க³கம்மம். இத³ம் வுச்சதி, பி⁴க்க²வே, த⁴ம்மபதிரூபகேன ஸமக்³க³கம்மம்.
கதமஞ்ச, பி⁴க்க²வே, த⁴ம்மேன ஸமக்³க³கம்மம்? ஞத்திது³தியே சே, பி⁴க்க²வே, கம்மே பட²மம் ஞத்திம் ட²பேதி, பச்சா² ஏகாய கம்மவாசாய கம்மம் கரோதி, யாவதிகா பி⁴க்கூ² கம்மப்பத்தா தே ஆக³தா ஹோந்தி, ச²ந்தா³ரஹானம் ச²ந்தோ³ ஆஹடோ ஹோதி, ஸம்முகீ²பூ⁴தா ந படிக்கோஸந்தி – த⁴ம்மேன ஸமக்³க³கம்மம். ஞத்திசதுத்தே² சே, பி⁴க்க²வே, கம்மே பட²மம் ஞத்திம் ட²பேதி, பச்சா² தீஹி கம்மவாசாஹி கம்மம் கரோதி, யாவதிகா பி⁴க்கூ² கம்மப்பத்தா, தே ஆக³தா ஹோந்தி, ச²ந்தா³ரஹானம் ச²ந்தோ³ ஆஹடோ ஹோதி, ஸம்முகீ²பூ⁴தா ந படிக்கோஸந்தி, த⁴ம்மேன ஸமக்³க³கம்மம். இத³ம் வுச்சதி, பி⁴க்க²வே, த⁴ம்மேன ஸமக்³க³கம்மம்.
ஞத்திவிபன்னகம்மாதி³கதா² நிட்டி²தா.
237. சதுவக்³க³கரணாதி³கதா²
388. பஞ்ச ஸங்கா⁴ – சதுவக்³கோ³ பி⁴க்கு²ஸங்கோ⁴ பஞ்சவக்³கோ³ பி⁴க்கு²ஸங்கோ⁴, த³ஸவக்³கோ³ பி⁴க்கு²ஸங்கோ⁴, வீஸதிவக்³கோ³ பி⁴க்கு²ஸங்கோ⁴, அதிரேகவீஸதிவக்³கோ³ பி⁴க்கு²ஸங்கோ⁴. தத்ர, பி⁴க்க²வே, ய்வாயம் சதுவக்³கோ³ பி⁴க்கு²ஸங்கோ⁴, ட²பேத்வா தீணி கம்மானி – உபஸம்பத³ம் பவாரணம் அப்³பா⁴னம், த⁴ம்மேன ஸமக்³கோ³ ஸப்³ப³கம்மேஸு கம்மப்பத்தோ. தத்ர, பி⁴க்க²வே, ய்வாயம் பஞ்சவக்³கோ³ பி⁴க்கு²ஸங்கோ⁴, ட²பேத்வா த்³வே கம்மானி – மஜ்ஜி²மேஸு ஜனபதே³ஸு உபஸம்பத³ம் அப்³பா⁴னம், த⁴ம்மேன ஸமக்³கோ³ ஸப்³ப³கம்மேஸு கம்மப்பத்தோ. தத்ர, பி⁴க்க²வே, ய்வாயம் த³ஸவக்³கோ³ பி⁴க்கு²ஸங்கோ⁴, ட²பேத்வா ஏகம் கம்மம் – அப்³பா⁴னம், த⁴ம்மேன ஸமக்³கோ³ ஸப்³ப³கம்மேஸு கம்மப்பத்தோ. தத்ர, பி⁴க்க²வே, ய்வாயம் வீஸதிவக்³கோ³ பி⁴க்கு²ஸங்கோ⁴ த⁴ம்மேன ஸமக்³கோ³ ஸப்³ப³கம்மேஸு கம்மப்பத்தோ. தத்ர, பி⁴க்க²வே, ய்வாயம் அதிரேகவீஸதிவக்³கோ³ பி⁴க்கு²ஸங்கோ⁴ த⁴ம்மேன ஸமக்³கோ³ ஸப்³ப³கம்மேஸு கம்மப்பத்தோ.
389. சதுவக்³க³கரணஞ்சே, பி⁴க்க²வே, கம்மம் பி⁴க்கு²னிசதுத்தோ² கம்மம் கரேய்ய – அகம்மம் ந ச கரணீயம். சதுவக்³க³கரணஞ்சே, பி⁴க்க²வே, கம்மம் ஸிக்க²மானசதுத்தோ² கம்மம் கரேய்ய… அகம்மம் ந ச கரணீயம்…பே…. ஸாமணேரசதுத்தோ² கம்மம் கரேய்ய… அகம்மம் ந ச கரணீயம். ஸாமணேரிசதுத்தோ² கம்மம் கரேய்ய… அகம்மம் ந ச கரணீயம். ஸிக்க²ம் பச்சக்கா²தகசதுத்தோ² கம்மம் கரேய்ய… அகம்மம் ந ச கரணீயம். அந்திமவத்து²ம் அஜ்ஜா²பன்னகசதுத்தோ² கம்மம் கரேய்ய… அகம்மம் ந ச கரணீயம். ஆபத்தியா அத³ஸ்ஸனே உக்கி²த்தகசதுத்தோ² கம்மம் கரேய்ய… அகம்மம் ந ச கரணீயம். ஆபத்தியா அப்படிகம்மே உக்கி²த்தகசதுத்தோ² கம்மம் கரேய்ய… அகம்மம் ந ச கரணீயம். பாபிகாய தி³ட்டி²யா அப்படினிஸ்ஸக்³கே³ உக்கி²த்தகசதுத்தோ² கம்மம் கரேய்ய… அகம்மம் ந ச கரணீயம். பண்ட³கசதுத்தோ² கம்மம் கரேய்ய… அகம்மம் ந ச கரணீயம். தே²ய்யஸம்வாஸகசதுத்தோ² கம்மம் கரேய்ய… அகம்மம் ந ச கரணீயம். தித்தி²யபக்கந்தகசதுத்தோ² கம்மம் கரேய்ய… அகம்மம் ந ச கரணீயம். திரச்சா²னக³தசதுத்தோ² கம்மம் கரேய்ய… அகம்மம் ந ச கரணீயம். மாதுகா⁴தகசதுத்தோ² கம்மம் கரேய்ய… அகம்மம் ந ச கரணீயம். பிதுகா⁴தகசதுத்தோ² கம்மம் கரேய்ய… அகம்மம் ந ச கரணீயம். அரஹந்தகா⁴தகசதுத்தோ² கம்மம் கரேய்ய… அகம்மம் ந ச கரணீயம். பி⁴க்கு²னிதூ³ஸகசதுத்தோ² கம்மம் கரேய்ய… அகம்மம் ந ச கரணீயம். ஸங்க⁴பே⁴த³கசதுத்தோ² கம்மம் கரேய்ய… அகம்மம் ந ச கரணீயம். லோஹிதுப்பாத³கசதுத்தோ² கம்மம் கரேய்ய… அகம்மம் ந ச கரணீயம். உப⁴தோப்³யஞ்ஜனகசதுத்தோ² கம்மம் கரேய்ய… அகம்மம் ந ச கரணீயம். நானாஸம்வாஸகசதுத்தோ² கம்மம் கரேய்ய… அகம்மம் ந ச கரணீயம். நானாஸீமாய டி²தசதுத்தோ² கம்மம் கரேய்ய… அகம்மம் ந ச கரணீயம். இத்³தி⁴யா வேஹாஸே டி²தசதுத்தோ² கம்மம் கரேய்ய… அகம்மம் ந ச கரணீயம். யஸ்ஸ ஸங்கோ⁴ கம்மம் கரோதி, தம்சதுத்தோ² கம்மம் கரேய்ய … அகம்மம் ந ச கரணீயம்.
சதுவரணம்.
390. பஞ்சவக்³க³கரணஞ்சே, பி⁴க்க²வே, கம்மம் பி⁴க்கு²னிபஞ்சமோ கம்மம் கரேய்ய… அகம்மம் ந ச கரணீயம். பஞ்சவக்³க³கரணஞ்சே, பி⁴க்க²வே, கம்மம் ஸிக்க²மானபஞ்சமோ கம்மம் கரேய்ய…பே…. ஸாமணேரபஞ்சமோ கம்மம் கரேய்ய… ஸாமணேரிபஞ்சமோ கம்மம் கரேய்ய … ஸிக்க²ம் பச்சக்கா²தகபஞ்சமோ கம்மம் கரேய்ய… அந்திமவத்து²ம் அஜ்ஜா²பன்னகபஞ்சமோ கம்மம் கரேய்ய… ஆபத்தியா அத³ஸ்ஸனே உக்கி²த்தகபஞ்சமோ கம்மம் கரேய்ய… ஆபத்தியா அப்படிகம்மே உக்கி²த்தகபஞ்சமோ கம்மம் கரேய்ய… பாபிகாய தி³ட்டி²யா அப்படினிஸ்ஸக்³கே³ உக்கி²த்தகபஞ்சமோ கம்மம் கரேய்ய… பண்ட³கபஞ்சமோ கம்மம் கரேய்ய… தே²ய்யஸம்வாஸகபஞ்சமோ கம்மம் கரேய்ய… தித்தி²யபக்கந்தகபஞ்சமோ கம்மம் கரேய்ய… திரச்சா²னக³தபஞ்சமோ கம்மம் கரேய்ய… மாதுகா⁴தகபஞ்சமோ கம்மம் கரேய்ய… பிதுகா⁴தகபஞ்சமோ கம்மம் கரேய்ய… அரஹந்தகா⁴தகபஞ்சமோ கம்மம் கரேய்ய… பி⁴க்கு²னிதூ³ஸகபஞ்சமோ கம்மம் கரேய்ய… ஸங்க⁴பே⁴த³கபஞ்சமோ கம்மம் கரேய்ய… லோஹிதுப்பாத³கபஞ்சமோ கம்மம் கரேய்ய… உப⁴தோப்³யஞ்ஜனகபஞ்சமோ கம்மம் கரேய்ய… நானாஸம்வாஸகபஞ்சமோ கம்மம் கரேய்ய… நானாஸீமாய டி²தபஞ்சமோ கம்மம் கரேய்ய… இத்³தி⁴யா வேஹாஸே டி²தபஞ்சமோ கம்மம் கரேய்ய… யஸ்ஸ ஸங்கோ⁴ கம்மம் கரோதி, தம்பஞ்சமோ கம்மம் கரேய்ய – அகம்மம் ந ச கரணீயம்.
பஞ்சவக்³க³கரணம்.
391. த³ஸவக்³க³கரணஞ்சே, பி⁴க்க²வே, கம்மம் பி⁴க்கு²னித³ஸமோ கம்மம் கரேய்ய, அகம்மம் ந ச கரணீயம். த³ஸவக்³க³கரணஞ்சே, பி⁴க்க²வே, கம்மம் ஸிக்க²மானத³ஸமோ கம்மம் கரேய்ய, அகம்மம் ந ச கரணீயம்…பே…. த³ஸவக்³க³கரணஞ்சே, பி⁴க்க²வே, கம்மம் யஸ்ஸ ஸங்கோ⁴ கம்மம் கரோதி, தம்த³ஸமோ கம்மம் கரேய்ய – அகம்மம் ந ச கரணீயம்.
த³ஸவக்³க³கரணம்.
392. வீஸதிவக்³க³கரணஞ்சே, பி⁴க்க²வே, கம்மம் பி⁴க்கு²னிவீஸோ கம்மம் கரேய்ய – அகம்மம் ந ச கரணீயம். வீஸதிவக்³க³கரணஞ்சே, பி⁴க்க²வே, கம்மம் ஸிக்க²மானவீஸோ கம்மம் கரேய்ய …பே… ஸாமணேரவீஸோ கம்மம் கரேய்ய… ஸாமணேரிவீஸோ கம்மம் கரேய்ய… ஸிக்க²ம் பச்சக்கா²தகவீஸோ கம்மம் கரேய்ய… அந்திமவத்து²ம் அஜ்ஜா²பன்னகவீஸோ கம்மம் கரேய்ய… ஆபத்தியா அத³ஸ்ஸனே உக்கி²த்தகவீஸோ கம்மம் கரேய்ய… ஆபத்தியா அப்படிகம்மே உக்கி²த்தகவீஸோ கம்மம் கரேய்ய… பாபிகாய தி³ட்டி²யா அப்படினிஸ்ஸக்³கே³ உக்கி²த்தகவீஸோ கம்மம் கரேய்ய… பண்ட³கவீஸோ கம்மம் கரேய்ய… தே²ய்யஸம்வாஸகவீஸோ கம்மம் கரேய்ய… தித்தி²யபக்கந்தகவீஸோ கம்மம் கரேய்ய… திரச்சா²னக³தவீஸோ கம்மம் கரேய்ய… மாதுகா⁴தகவீஸோ கம்மம் கரேய்ய… பிதுகா⁴தகவீஸோ கம்மம் கரேய்ய… அரஹந்தகா⁴தகவீஸோ கம்மம் கரேய்ய… பி⁴க்கு²னிதூ³ஸகவீஸோ கம்மம் கரேய்ய… ஸங்க⁴பே⁴த³கவீஸோ கம்மம் கரேய்ய… லோஹிதுப்பாத³கவீஸோ கம்மம் கரேய்ய… உப⁴தோப்³யஞ்ஜனகவீஸோ கம்மம் கரேய்ய… நானாஸம்வாஸகவீஸோ கம்மம் கரேய்ய… நானாஸீமாய டி²தவீஸோ கம்மம் கரேய்ய… இத்³தி⁴யா வேஹாஸே டி²தவீஸோ கம்மம் கரேய்ய… யஸ்ஸ ஸங்கோ⁴ கம்மம் கரோதி, தம்வீஸோ கம்மம் கரேய்ய – அகம்மம் ந ச கரணீயம்.
வீஸதிவக்³க³கரணம்.
சதுவக்³க³கரணாதி³கதா² நிட்டி²தா.
238. பாரிவாஸிகாதி³கதா²
393. பாரிவாஸிகசதுத்தோ² சே, பி⁴க்க²வே, பரிவாஸம் த³தே³ய்ய, மூலாய படிகஸ்ஸேய்ய, மானத்தம் த³தே³ய்ய, தம்வீஸோ அப்³பே⁴ய்ய – அகம்மம் ந ச கரணீயம். மூலாய படிகஸ்ஸனாரஹசதுத்தோ² சே, பி⁴க்க²வே, பரிவாஸம் த³தே³ய்ய, மூலாய படிகஸ்ஸேய்ய, மானத்தம் த³தே³ய்ய, தம்வீஸோ அப்³பே⁴ய்ய – அகம்மம் ந ச கரணீயம். மானத்தாரஹசதுத்தோ² சே, பி⁴க்க²வே, பரிவாஸம் த³தே³ய்ய, மூலாய படிகஸ்ஸேய்ய, மானத்தம் த³தே³ய்ய, தம்வீஸோ அப்³பே⁴ய்ய – அகம்மம் ந ச கரணீயம். மானத்தசாரிகசதுத்தோ² சே, பி⁴க்க²வே, பரிவாஸம் த³தே³ய்ய, மூலாய படிகஸ்ஸேய்ய, மானத்தம் த³தே³ய்ய, தம்வீஸோ அப்³பே⁴ய்ய – அகம்மம் ந ச கரணீயம். அப்³பா⁴னாரஹசதுத்தோ² சே, பி⁴க்க²வே, பரிவாஸம் த³தே³ய்ய, மூலாய படிகஸ்ஸேய்ய, மானத்தம் த³தே³ய்ய, தம்வீஸோ அப்³பே⁴ய்ய – அகம்மம் ந ச கரணீயம்.
394. ஏகச்சஸ்ஸ, பி⁴க்க²வே, ஸங்க⁴மஜ்ஜே² படிக்கோஸனா ருஹதி, ஏகச்சஸ்ஸ ந ருஹதி. கஸ்ஸ ச, பி⁴க்க²வே, ஸங்க⁴மஜ்ஜே² படிக்கோஸனா ந ருஹதி? பி⁴க்கு²னியா, பி⁴க்க²வே, ஸங்க⁴மஜ்ஜே² படிக்கோஸனா ந ருஹதி. ஸிக்க²மானாய, பி⁴க்க²வே…பே… ஸாமணேரஸ்ஸ, பி⁴க்க²வே… ஸாமணேரியா, பி⁴க்க²வே… ஸிக்கா²பச்சக்கா²தகஸ்ஸ பி⁴க்க²வே… அந்திமவத்து²ம் அஜ்ஜா²பன்னகஸ்ஸ, பி⁴க்க²வே … உம்மத்தகஸ்ஸ, பி⁴க்க²வே… கி²த்தசித்தஸ்ஸ, பி⁴க்க²வே… வேத³னாட்டஸ்ஸ, பி⁴க்க²வே… ஆபத்தியா அத³ஸ்ஸனே உக்கி²த்தகஸ்ஸ, பி⁴க்க²வே… ஆபத்தியா அப்படிகம்மே உக்கி²த்தகஸ்ஸ, பி⁴க்க²வே… பாபிகாய தி³ட்டி²யா அப்படினிஸ்ஸக்³கே³ உக்கி²த்தகஸ்ஸ, பி⁴க்க²வே… பண்ட³கஸ்ஸ, பி⁴க்க²வே… தே²ய்யஸம்வாஸகஸ்ஸ, பி⁴க்க²வே… தித்தி²யபக்கந்தகஸ்ஸ, பி⁴க்க²வே … திரச்சா²னக³தஸ்ஸ பி⁴க்க²வே… மாதுகா⁴தகஸ்ஸ, பி⁴க்க²வே… பிதுகா⁴தகஸ்ஸ, பி⁴க்க²வே… அரஹந்தகா⁴தகஸ்ஸ, பி⁴க்க²வே… பி⁴க்கு²னிதூ³ஸகஸ்ஸ, பி⁴க்க²வே… ஸங்க⁴பே⁴த³கஸ்ஸ, பி⁴க்க²வே… லோஹிதுப்பாத³கஸ்ஸ, பி⁴க்க²வே… உப⁴தோப்³யஞ்ஜனகஸ்ஸ, பி⁴க்க²வே… நானாஸம்வாஸகஸ்ஸ, பி⁴க்க²வே… நானாஸீமாய டி²தஸ்ஸ, பி⁴க்க²வே… இத்³தி⁴யா வேஹாஸே டி²தஸ்ஸ, பி⁴க்க²வே, யஸ்ஸ ஸங்கோ⁴ கம்மம் கரோதி, தஸ்ஸ ச [தஸ்ஸ (ஸ்யா.)], பி⁴க்க²வே, ஸங்க⁴மஜ்ஜே² படிக்கோஸனா ந ருஹதி. இமேஸம் கோ², பி⁴க்க²வே, ஸங்க⁴மஜ்ஜே² படிக்கோஸனா ந ருஹதி.
கஸ்ஸ ச, பி⁴க்க²வே, ஸங்க⁴மஜ்ஜே² படிக்கோஸனா ருஹதி? பி⁴க்கு²ஸ்ஸ, பி⁴க்க²வே, பகதத்தஸ்ஸ
ஸமானஸம்வாஸகஸ்ஸ ஸமானஸீமாய டி²தஸ்ஸ அந்தமஸோ ஆனந்தரிகஸ்ஸாபி [அனந்தரிகஸ்ஸாபி (ஸ்யா.)] பி⁴க்கு²னோ விஞ்ஞாபேந்தஸ்ஸ ஸங்க⁴மஜ்ஜே² படிக்கோஸனா ருஹதி. இமஸ்ஸ கோ², பி⁴க்க²வே, ஸங்க⁴மஜ்ஜே² படிக்கோஸனா ருஹதி.
பாரிவாஸிகாதி³கதா² நிட்டி²தா.
239. த்³வேனிஸ்ஸாரணாதி³கதா²
395. த்³வேமா, பி⁴க்க²வே, நிஸ்ஸாரணா. அத்தி², பி⁴க்க²வே, புக்³க³லோ அப்பத்தோ நிஸ்ஸாரணம். தஞ்சே ஸங்கோ⁴ நிஸ்ஸாரேதி, ஏகச்சோ ஸுனிஸ்ஸாரிதோ, ஏகச்சோ து³ன்னிஸ்ஸாரிதோ. கதமோ ச, பி⁴க்க²வே, புக்³க³லோ அப்பத்தோ நிஸ்ஸாரணம், தஞ்சே ஸங்கோ⁴ நிஸ்ஸாரேதி – து³ன்னிஸ்ஸாரிதோ? இத⁴ பன, பி⁴க்க²வே, பி⁴க்கு² ஸுத்³தோ⁴ ஹோதி அனாபத்திகோ. தஞ்சே ஸங்கோ⁴ நிஸ்ஸாரேதி – து³ன்னிஸ்ஸாரிதோ. அயம் வுச்சதி, பி⁴க்க²வே, புக்³க³லோ அப்பத்தோ நிஸ்ஸாரணம், தஞ்சே ஸங்கோ⁴ நிஸ்ஸாரேதி – து³ன்னிஸ்ஸாரிதோ.
கதமோ ச, பி⁴க்க²வே, புக்³க³லோ அப்பத்தோ நிஸ்ஸாரணம், தஞ்சே ஸங்கோ⁴ நிஸ்ஸாரேதி – ஸுனிஸ்ஸாரிதோ? இத⁴ பன, பி⁴க்க²வே, பி⁴க்கு² பா³லோ ஹோதி அப்³யத்தோ ஆபத்திப³ஹுலோ அனபதா³னோ, கி³ஹிஸம்ஸட்டோ² விஹரதி அனனுலோமிகேஹி கி³ஹிஸம்ஸக்³கே³ஹி, தஞ்சே ஸங்கோ⁴ நிஸ்ஸாரேதி – ஸுனிஸ்ஸாரிதோ. அயம் வுச்சதி, பி⁴க்க²வே, புக்³க³லோ அப்பத்தோ நிஸ்ஸாரணம், தஞ்சே ஸங்கோ⁴ நிஸ்ஸாரேதி – ஸுனிஸ்ஸாரிதோ.
396. த்³வேமா, பி⁴க்க²வே, ஓஸாரணா. அத்தி², பி⁴க்க²வே, புக்³க³லோ அப்பத்தோ ஓஸாரணம் தஞ்சே ஸங்கோ⁴ ஓஸாரேதி, ஏகச்சோ ஸோஸாரிதோ, ஏகச்சோ தோ³ஸாரிதோ. கதமோ ச, பி⁴க்க²வே, புக்³க³லோ அப்பத்தோ ஓஸாரணம், தஞ்சே ஸங்கோ⁴ ஓஸாரேதி – தோ³ஸாரிதோ? பண்ட³கோ, பி⁴க்க²வே, அப்பத்தோ ஓஸாரணம், தஞ்சே ஸங்கோ⁴ ஓஸாரேதி – தோ³ஸாரிதோ. தே²ய்யஸம்வாஸகோ, பி⁴க்க²வே, அப்பத்தோ ஓஸாரணம், தஞ்சே ஸங்கோ⁴ ஓஸாரேதி – தோ³ஸாரிதோ. தித்தி²யபக்கந்தகோ, பி⁴க்க²வே…பே… திரச்சா²னக³தோ, பி⁴க்க²வே… மாதுகா⁴தகோ, பி⁴க்க²வே… பிதுகா⁴தகோ, பி⁴க்க²வே… அரஹந்தகா⁴தகோ, பி⁴க்க²வே… பி⁴க்கு²னிதூ³ஸகோ, பி⁴க்க²வே… ஸங்க⁴பே⁴த³கோ, பி⁴க்க²வே… லோஹிதுப்பாத³கோ, பி⁴க்க²வே… உப⁴தோப்³யஞ்ஜனகோ, பி⁴க்க²வே, அப்பத்தோ, ஓஸாரணம், தஞ்சே ஸங்கோ⁴ ஓஸாரேதி – தோ³ஸாரிதோ. அயம் வுச்சதி, பி⁴க்க²வே, புக்³க³லோ அப்பத்தோ ஓஸாரணம், தஞ்சே ஸங்கோ⁴ ஓஸாரேதி – தோ³ஸாரிதோ. இமே வுச்சந்தி, பி⁴க்க²வே, புக்³க³லா அப்பத்தா ஓஸாரணம், தே சே ஸங்கோ⁴ ஓஸாரேதி – தோ³ஸாரிதா.
கதமோ ச, பி⁴க்க²வே, புக்³க³லோ அப்பத்தோ ஓஸாரணம், தஞ்சே ஸங்கோ⁴ ஓஸாரேதி – ஸோஸாரிதோ? ஹத்த²ச்சி²ன்னோ, பி⁴க்க²வே, அப்பத்தோ ஓஸாரணம், தஞ்சே ஸங்கோ⁴ ஓஸாரேதி, ஸோஸாரிதோ. பாத³ச்சி²ன்னோ, பி⁴க்க²வே…பே… ஹத்த²பாத³ச்சி²ன்னோ, பி⁴க்க²வே… கண்ணச்சி²ன்னோ, பி⁴க்க²வே… நாஸச்சி²ன்னோ, பி⁴க்க²வே… கண்ணனாஸச்சி²ன்னோ, பி⁴க்க²வே… அங்கு³லிச்சி²ன்னோ, பி⁴க்க²வே… அளச்சி²ன்னோ, பி⁴க்க²வே… கண்ட³ரச்சி²ன்னோ, பி⁴க்க²வே… ப²ணஹத்த²கோ, பி⁴க்க²வே… கு²ஜ்ஜோ, பி⁴க்க²வே… வாமனோ, பி⁴க்க²வே… க³லக³ண்டீ³, பி⁴க்க²வே… லக்க²ணாஹதோ, பி⁴க்க²வே… கஸாஹதோ, பி⁴க்க²வே… லிகி²தகோ, பி⁴க்க²வே… ஸீபதி³கோ, பி⁴க்க²வே… பாபரோகீ³, பி⁴க்க²வே… பரிஸதூ³ஸகோ, பி⁴க்க²வே… காணோ, பி⁴க்க²வே… குணீ, பி⁴க்க²வே… க²ஞ்ஜோ, பி⁴க்க²வே… பக்க²ஹதோ, பி⁴க்க²வே… சி²ன்னிரியாபதோ², பி⁴க்க²வே… ஜராது³ப்³ப³லோ, பி⁴க்க²வே… அந்தோ⁴, பி⁴க்க²வே… மூகோ³, பி⁴க்க²வே… ப³தி⁴ரோ, பி⁴க்க²வே… அந்த⁴மூகோ³, பி⁴க்க²வே… அந்த⁴ப³தி⁴ரோ, பி⁴க்க²வே… மூக³ப³தி⁴ரோ, பி⁴க்க²வே… அந்த⁴மூக³ப³தி⁴ரோ, பி⁴க்க²வே, அப்பத்தோ ஓஸாரணம், தஞ்சே ஸங்கோ⁴ ஓஸாரேதி – ஸோஸாரிதோ. அயம் வுச்சதி, பி⁴க்க²வே, புக்³க³லோ அப்பத்தோ ஓஸாரணம், தஞ்சே ஸங்கோ⁴ ஓஸாரேதி – ஸோஸாரிதோ. இமே வுச்சந்தி, பி⁴க்க²வே, புக்³க³லா அப்பத்தா ஓஸாரணம், தே சே ஸங்கோ⁴ ஓஸாரேதி – ஸோஸாரிதா.
த்³வேனிஸ்ஸாரணாதி³கதா² நிட்டி²தா.
வாஸப⁴கா³மபா⁴ணவாரோ நிட்டி²தோ பட²மோ.
240. அத⁴ம்மகம்மாதி³கதா²
397. இத⁴ பன, பி⁴க்க²வே, பி⁴க்கு²ஸ்ஸ ந ஹோதி ஆபத்தி த³ட்ட²ப்³பா³. தமேனம் சோதே³தி ஸங்கோ⁴ வா ஸம்ப³ஹுலா வா ஏகபுக்³க³லோ வா – ‘‘ஆபத்திம் த்வம், ஆவுஸோ, ஆபன்னோ, பஸ்ஸஸேதம் ஆபத்தி’’ந்தி? ஸோ ஏவம் வதே³தி – ‘‘நத்தி² மே, ஆவுஸோ, ஆபத்தி, யமஹம் பஸ்ஸேய்ய’’ந்தி. தம் ஸங்கோ⁴ ஆபத்தியா அத³ஸ்ஸனே உக்கி²பதி – அத⁴ம்மகம்மம்.
இத⁴ பன, பி⁴க்க²வே, பி⁴க்கு²ஸ்ஸ ந ஹோதி ஆபத்தி படிகாதப்³பா³. தமேனம் சோதே³தி ஸங்கோ⁴ வா ஸம்ப³ஹுலா வா ஏகபுக்³க³லோ வா – ‘‘ஆபத்திம் த்வம், ஆவுஸோ, ஆபன்னோ, படிகரோஹி தம் ஆபத்தி’’ந்தி. ஸோ ஏவம் வதே³தி – ‘‘நத்தி² மே, ஆவுஸோ, ஆபத்தி, யமயம் படிகரேய்ய’’ந்தி. தம் ஸங்கோ⁴ ஆபத்தியா அப்படிகம்மே உக்கி²பதி – அத⁴ம்மகம்மம்.
இத⁴ பன, பி⁴க்க²வே, பி⁴க்கு²ஸ்ஸ ந ஹோதி பாபிகா தி³ட்டி² படினிஸ்ஸஜ்ஜேதா. தமேனம் சோதே³தி ஸங்கோ⁴ வா ஸம்ப³ஹுலா வா ஏகபுக்³க³லோ வா – ‘‘பாபிகா தே, ஆவுஸோ, தி³ட்டி², படினிஸ்ஸஜ்ஜேதம் பாபிகம் தி³ட்டி²’’ந்தி. ஸோ ஏவம் வதே³தி – ‘‘நத்தி² மே, ஆவுஸோ, பாபிகா தி³ட்டி², யமஹம் படினிஸ்ஸஜ்ஜேய்ய’’ந்தி. தம் ஸங்கோ⁴ பாபிகாய தி³ட்டி²யா அப்படினிஸ்ஸக்³கே³ உக்கி²பதி – அத⁴ம்மகம்மம்.
இத⁴ பன, பி⁴க்க²வே, பி⁴க்கு²ஸ்ஸ ந ஹோதி ஆபத்தி த³ட்ட²ப்³பா³, ந ஹோதி ஆபத்தி படிகாதப்³பா³. தமேனம் சோதே³தி ஸங்கோ⁴ வா ஸம்ப³ஹுலா வா ஏகபுக்³க³லோ வா – ‘‘ஆபத்திம் த்வம், ஆவுஸோ, ஆபன்னோ, பஸ்ஸஸேதம் ஆபத்தி? படிகரோஹி தம் ஆபத்தி’’ந்தி. ஸோ ஏவம் வதே³தி – ‘‘நத்தி² மே, ஆவுஸோ, ஆபத்தி, யமஹம் பஸ்ஸேய்யம். நத்தி² மே, ஆவுஸோ, ஆபத்தி, யமஹம் படிகரேய்ய’’ந்தி. தம் ஸங்கோ⁴ அத³ஸ்ஸனே வா அப்படிகம்மே வா உக்கி²பதி – அத⁴ம்மகம்மம்.
இத⁴ பன, பி⁴க்க²வே, பி⁴க்கு²ஸ்ஸ ந ஹோதி ஆபத்தி த³ட்ட²ப்³பா³, ந ஹோதி பாபிகா தி³ட்டி² படினிஸ்ஸஜ்ஜேதா. தமேனம் சோதே³தி ஸங்கோ⁴ வா ஸம்ப³ஹுலா வா ஏகபுக்³க³லோ வா – ‘‘ஆபத்திம் த்வம், ஆவுஸோ, ஆபன்னோ, பஸ்ஸஸேதம் ஆபத்திம்? பாபிகா தே தி³ட்டி², படினிஸ்ஸஜ்ஜேதம் பாபிகம் தி³ட்டி²’’ந்தி. ஸோ ஏவம் வதே³தி – ‘‘நத்தி² மே, ஆவுஸோ, ஆபத்தி, யமஹம் பஸ்ஸேய்யம்; நத்தி² மே, ஆவுஸோ, பாபிகா தி³ட்டி², யமஹம் படினிஸ்ஸஜ்ஜேய்ய’’ந்தி. தம் ஸங்கோ⁴ அத³ஸ்ஸனே வா அப்படினிஸ்ஸக்³கே³ வா உக்கி²பதி – அத⁴ம்மகம்மம்.
இத⁴ பன, பி⁴க்க²வே, பி⁴க்கு²ஸ்ஸ ந ஹோதி ஆபத்தி படிகாதப்³பா³, ந ஹோதி பாபிகா தி³ட்டி² படினிஸ்ஸஜ்ஜேதா. தமேனம் சோதே³தி ஸங்கோ⁴ வா ஸம்ப³ஹுலா வா ஏகபுக்³க³லோ வா – ‘‘ஆபத்திம் த்வம், ஆவுஸோ, ஆபன்னோ, படிகரோஹி தம் ஆபத்திம்; பாபிகா தே தி³ட்டி², படினிஸ்ஸஜ்ஜேதம் பாபிகம் தி³ட்டி²’’ந்தி. ஸோ ஏவம் வதே³தி – ‘‘நத்தி² மே, ஆவுஸோ, ஆபத்தி, யமஹம் படிகரேய்யம். நத்தி² மே, ஆவுஸோ, பாபிகா தி³ட்டி², யமஹம் படினிஸ்ஸஜ்ஜேய்ய’’ந்தி. தம் ஸங்கோ⁴ அப்படிகம்மே வா அப்படினிஸ்ஸக்³கே³ வா உக்கி²பதி – அத⁴ம்மகம்மம்.
இத⁴ பன, பி⁴க்க²வே, பி⁴க்கு²ஸ்ஸ ந ஹோதி ஆபத்தி த³ட்ட²ப்³பா³, ந ஹோதி ஆபத்தி படிகாதப்³பா³, ந ஹோதி பாபிகா தி³ட்டி² படினிஸ்ஸஜ்ஜேதா. தமேனம் சோதே³தி ஸங்கோ⁴ வா ஸம்ப³ஹுலா வா ஏகபுக்³க³லோ வா – ‘‘ஆபத்திம் த்வம், ஆவுஸோ, ஆபன்னோ, பஸ்ஸஸேதம் ஆபத்திம்? படிகரோஹி தம் ஆபத்திம்; பாபிகா தே தி³ட்டி², படினிஸ்ஸஜ்ஜேதம் பாபிகம் தி³ட்டி²’’ந்தி. ஸோ ஏவம் வதே³தி – ‘‘நத்தி² மே, ஆவுஸோ, ஆபத்தி, யமஹம் பஸ்ஸேய்யம். நத்தி² மே, ஆவுஸோ, ஆபத்தி, யமஹம் படிகரேய்யம். நத்தி² மே, ஆவுஸோ, பாபிகா தி³ட்டி², யமஹம் படினிஸ்ஸஜ்ஜேய்ய’’ந்தி. தம் ஸங்கோ⁴ அத³ஸ்ஸனே வா அப்படிகம்மே வா அப்படினிஸ்ஸக்³கே³ வா உக்கி²பதி – அத⁴ம்மகம்மம்.
398. இத⁴ பன, பி⁴க்க²வே, பி⁴க்கு²ஸ்ஸ ஹோதி ஆபத்தி த³ட்ட²ப்³பா³. தமேனம் சோதே³தி. ஸங்கோ⁴ வா ஸம்ப³ஹுலா வா ஏகபுக்³க³லோ வா – ‘‘ஆபத்திம் த்வம், ஆவுஸோ, ஆபன்னோ, பஸ்ஸஸேதம் ஆபத்தி’’ந்தி? ஸோ ஏவம் வதே³தி – ‘‘ஆமாவுஸோ, பஸ்ஸாமீ’’தி. தம் ஸங்கோ⁴ ஆபத்தியா அத³ஸ்ஸனே உக்கி²பதி – அத⁴ம்மகம்மம்.
இத⁴ பன, பி⁴க்க²வே, பி⁴க்கு²ஸ்ஸ ஹோதி ஆபத்தி படிகாதப்³பா³. தமேனம் சோதே³தி ஸங்கோ⁴ வா ஸம்ப³ஹுலா வா ஏகபுக்³க³லோ வா – ‘‘ஆபத்திம் த்வம், ஆவுஸோ, ஆபன்னோ, படிகரோஹி தம் ஆபத்தி’’ந்தி. ஸோ ஏவம் வதே³தி – ‘‘ஆமாவுஸோ, படிகரிஸ்ஸாமீ’’தி. தம் ஸங்கோ⁴ ஆபத்தியா அப்படிகம்மே உக்கி²பதி – அத⁴ம்மகம்மம்.
இத⁴ பன, பி⁴க்க²வே, பி⁴க்கு²ஸ்ஸ ஹோதி பாபிகா தி³ட்டி² படினிஸ்ஸஜ்ஜேதா. தமேனம் சோதே³தி ஸங்கோ⁴ வா ஸம்ப³ஹுலா வா ஏகபுக்³க³லோ வா – ‘‘பாபிகா தே, ஆவுஸோ, தி³ட்டி²; படினிஸ்ஸஜ்ஜேதம் பாபிகம் தி³ட்டி²’’ந்தி. ஸோ ஏவம் வதே³தி – ‘‘ஆமாவுஸோ, படினிஸ்ஸஜ்ஜிஸ்ஸாமீ’’தி. தம் ஸங்கோ⁴ பாபிகாய தி³ட்டி²யா அப்படினிஸ்ஸக்³கே³ உக்கி²பதி – அத⁴ம்மகம்மம்.
இத⁴ பன, பி⁴க்க²வே, பி⁴க்கு²ஸ்ஸ ஹோதி ஆபத்தி த³ட்ட²ப்³பா³, ஹோதி ஆபத்தி படிகாதப்³பா³…பே… ஹோதி ஆபத்தி த³ட்ட²ப்³பா³, ஹோதி பாபிகா தி³ட்டி² படினிஸ்ஸஜ்ஜேதா…பே… ஹோதி ஆபத்தி படிகாதப்³பா³, ஹோதி பாபிகா தி³ட்டி² படினிஸ்ஸஜ்ஜேதா…பே… ஹோதி ஆபத்தி த³ட்ட²ப்³பா³, ஹோதி ஆபத்தி படிகாதப்³பா³, ஹோதி பாபிகா தி³ட்டி² படினிஸ்ஸஜ்ஜேதா. தமேனம் சோதே³தி ஸங்கோ⁴ வா ஸம்ப³ஹுலா வா ஏகபுக்³க³லோ வா – ‘‘ஆபத்திம் த்வம், ஆவுஸோ, ஆபன்னோ, பஸ்ஸஸேதம் ஆபத்திம்? படிகரோஹி தம் ஆபத்திம்; பாபிகா தே தி³ட்டி², படினிஸ்ஸஜ்ஜேதம் பாபிகம் தி³ட்டி²’’ந்தி. ஸோ ஏவம் வதே³தி – ‘‘ஆமாவுஸோ, பஸ்ஸாமி, ஆம படிகரிஸ்ஸாமி, ஆம படினிஸ்ஸஜ்ஜிஸ்ஸாமீ’’தி. தம் ஸங்கோ⁴ அத³ஸ்ஸனே வா அப்படிகம்மே வா அப்படினிஸ்ஸக்³கே³ வா உக்கி²பதி – அத⁴ம்மகம்மம்.
399. இத⁴ பன, பி⁴க்க²வே, பி⁴க்கு²ஸ்ஸ ஹோதி ஆபத்தி த³ட்ட²ப்³பா³. தமேனம் சோதே³தி ஸங்கோ⁴ வா ஸம்ப³ஹுலா வா ஏகபுக்³க³லோ வா – ‘‘ஆபத்திம் த்வம், ஆவுஸோ, ஆபன்னோ, பஸ்ஸஸேதம் ஆபத்தி’’ந்தி? ஸோ ஏவம் வதே³தி – ‘‘நத்தி² மே, ஆவுஸோ, ஆபத்தி, யமஹம் பஸ்ஸேய்ய’’ந்தி. தம் ஸங்கோ⁴ ஆபத்தியா அத³ஸ்ஸனே உக்கி²பதி – த⁴ம்மகம்மம்.
இத⁴ பன, பி⁴க்க²வே, பி⁴க்கு²ஸ்ஸ ஹோதி ஆபத்தி படிகாதப்³பா³. தமேனம் சோதே³தி ஸங்கோ⁴ வா ஸம்ப³ஹுலா வா ஏகபுக்³க³லோ வா – ‘‘ஆபத்திம் த்வம், ஆவுஸோ, ஆபன்னோ, படிகரோஹி தம் ஆபத்தி’’ந்தி. ஸோ ஏவம் வதே³தி – ‘‘நத்தி² மே, ஆவுஸோ, ஆபத்தி, யமஹம் படிகரேய்ய’’ந்தி. தம் ஸங்கோ⁴ ஆபத்தியா அப்படிகம்மே உக்கி²பதி – த⁴ம்மகம்மம்.
இத⁴ பன, பி⁴க்க²வே, பி⁴க்கு²ஸ்ஸ ஹோதி பாபிகா தி³ட்டி² படினிஸ்ஸஜ்ஜேதா. தமேனம் சோதே³தி ஸங்கோ⁴ வா ஸம்ப³ஹுலா வா ஏகபுக்³க³லோ வா – ‘‘பாபிகா தே, ஆவுஸோ, தி³ட்டி², படினிஸ்ஸஜ்ஜேதம் பாபிகம் தி³ட்டி²’’ந்தி. ஸோ ஏவம் வதே³தி – ‘‘நத்தி² மே, ஆவுஸோ, பாபிகா தி³ட்டி², யமஹம் படினிஸ்ஸஜ்ஜேய்ய’’ந்தி. தம் ஸங்கோ⁴ பாபிகாய தி³ட்டி²யா அப்படினிஸ்ஸக்³கே³ உக்கி²பதி – த⁴ம்மகம்மம்.
இத⁴ பன, பி⁴க்க²வே, பி⁴க்கு²ஸ்ஸ ஹோதி ஆபத்தி த³ட்ட²ப்³பா³, ஹோதி ஆபத்தி படிகாதப்³பா³…பே…
ஹோதி ஆபத்தி த³ட்ட²ப்³பா³, ஹோதி பாபிகா தி³ட்டி² படினிஸ்ஸஜ்ஜேதா…பே… ஹோதி ஆபத்தி படிகாதப்³பா³, ஹோதி பாபிகா தி³ட்டி² படினிஸ்ஸஜ்ஜேதா …பே… ஹோதி ஆபத்தி த³ட்ட²ப்³பா³, ஹோதி ஆபத்தி படிகாதப்³பா³, ஹோதி பாபிகா தி³ட்டி² படினிஸ்ஸஜ்ஜேதா. தமேனம் சோதே³தி ஸங்கோ⁴ வா ஸம்ப³ஹுலா வா ஏகபுக்³க³லோ வா – ‘‘ஆபத்திம் த்வம், ஆவுஸோ, ஆபன்னோ, பஸ்ஸஸேதம் ஆபத்திம்? படிகரோஹி தம் ஆபத்திம். பாபிகா தே தி³ட்டி², படினிஸ்ஸஜ்ஜேதம் பாபிகம் தி³ட்டி²’’ந்தி. ஸோ ஏவம் வதே³தி – ‘‘நத்தி² மே, ஆவுஸோ, ஆபத்தி, யமஹம் பஸ்ஸேய்யம். நத்தி² மே, ஆவுஸோ, ஆபத்தி யமஹம் படிகரேய்யம். நத்தி² மே, ஆவுஸோ, பாபிகா தி³ட்டி², யமஹம் படினிஸ்ஸஜ்ஜேய்ய’’ந்தி. தம் ஸங்கோ⁴ அத³ஸ்ஸனே வா அப்படிகம்மே வா அப்படினிஸ்ஸக்³கே³ வா உக்கி²பதி – த⁴ம்மகம்மந்தி.
அத⁴ம்மகம்மாதி³கதா² நிட்டி²தா.
241. உபாலிபுச்சா²கதா²
400. அத² கோ² ஆயஸ்மா உபாலி யேன ப⁴க³வா தேனுபஸங்கமி, உபஸங்கமித்வா ப⁴க³வந்தம் அபி⁴வாதே³த்வா ஏகமந்தம் நிஸீதி³. ஏகமந்தம் நிஸின்னோ கோ² ஆயஸ்மா உபாலி ப⁴க³வந்தம் ஏதத³வோச – ‘‘யோ நு கோ², ப⁴ந்தே, ஸமக்³கோ³ ஸங்கோ⁴ ஸம்முகா²கரணீயம் கம்மம் அஸம்முகா² கரோதி, த⁴ம்மகம்மம் நு கோ² தம், ப⁴ந்தே, வினயகம்ம’’ந்தி? ‘‘அத⁴ம்மகம்மம் தம், உபாலி, அவினயகம்ம’’ந்தி. ‘‘யோ நு கோ², ப⁴ந்தே, ஸமக்³கோ³ ஸங்கோ⁴ படிபுச்சா²கரணீயம் கம்மம் அப்படிபுச்சா² கரோதி…பே… படிஞ்ஞாயகரணீயம் கம்மம் அபடிஞ்ஞாய கரோதி… ஸதிவினயாரஹஸ்ஸ அமூள்ஹவினயம் தே³தி… அமூள்ஹவினயாரஹஸ்ஸ தஸ்ஸபாபியஸிகாகம்மம் கரோதி… தஸ்ஸபாபியஸிகாகம்மாரஹஸ்ஸ தஜ்ஜனீயகம்மம் கரோதி… தஜ்ஜனீயகம்மாரஹஸ்ஸ நியஸ்ஸகம்மம் கரோதி … நியஸ்ஸகம்மாரஹஸ்ஸ பப்³பா³ஜனீயகம்மம் கரோதி… பப்³பா³ஜனீயகம்மாரஹஸ்ஸ படிஸாரணீயகம்மம் கரோதி… படிஸாரணீயகம்மாரஹஸ்ஸ உக்கே²பனீயகம்மம் கரோதி… உக்கே²பனீயகம்மாரஹஸ்ஸ பரிவாஸம் தே³தி… பரிவாஸாரஹம் மூலாய படிகஸ்ஸதி… மூலாயபடிகஸ்ஸனாரஹஸ்ஸ மானத்தம் தே³தி… மானத்தாரஹம் அப்³பே⁴தி… அப்³பா⁴னாரஹம் உபஸம்பாதே³தி, த⁴ம்மகம்மம் நு கோ² தம், ப⁴ந்தே, வினயகம்ம’’ந்தி? ‘‘அத⁴ம்மகம்மம் தம், உபாலி, அவினயகம்மம்’’.
‘‘யோ கோ², உபாலி, ஸமக்³கோ³ ஸங்கோ⁴ ஸம்முகா²கரணீயம் கம்மம் அஸம்முகா² கரோதி, ஏவம் கோ², உபாலி, அத⁴ம்மகம்மம் ஹோதி அவினயகம்மம், ஏவஞ்ச பன ஸங்கோ⁴ ஸாதிஸாரோ ஹோதி. யோ கோ², உபாலி, ஸமக்³கோ³ ஸங்கோ⁴ படிபுச்சா²கரணீயம் கம்மம் அப்படிபுச்சா² கரோதி…பே… படிஞ்ஞாயகரணீயம் கம்மம் அபடிஞ்ஞாய கரோதி… ஸதிவினயாரஹஸ்ஸ அமூள்ஹவினயம் தே³தி… அமூள்ஹவினயாரஹஸ்ஸ தஸ்ஸபாபியஸிகாகம்மம் கரோதி… தஸ்ஸபாபியஸிகாகம்மாரஹஸ்ஸ தஜ்ஜனீயகம்மம் கரோதி… தஜ்ஜனீயகம்மாரஹஸ்ஸ நியஸ்ஸகம்மம் கரோதி… நியஸ்ஸகம்மாரஹஸ்ஸ பப்³பா³ஜனீயகம்மம் கரோதி… பப்³பா³ஜனீயகம்மாரஹஸ்ஸ படிஸாரணீயகம்மம் கரோதி… படிஸாரணீயகம்மாரஹஸ்ஸ உக்கே²பனீயகம்மம் கரோதி… உக்கே²பனீயகம்மாரஹஸ்ஸ பரிவாஸம் தே³தி… பரிவாஸாரஹம் மூலாய படிகஸ்ஸதி… மூலாயபடிகஸ்ஸனாரஹஸ்ஸ மானத்தம் தே³தி… மானத்தாரஹம் அப்³பே⁴தி… அப்³பா⁴னாரஹம் உபஸம்பாதே³தி, ஏவம் கோ², உபாலி, அத⁴ம்மகம்மம் ஹோதி அவினயகம்மம். ஏவஞ்ச பன ஸங்கோ⁴ ஸாதிஸாரோ ஹோதீ’’தி.
401. ‘‘யோ நு கோ², ப⁴ந்தே, ஸமக்³கோ³ ஸங்கோ⁴ ஸம்முகா²கரணீயம் கம்மம் ஸம்முகா² கரோதி, த⁴ம்மகம்மம் நு கோ² தம், ப⁴ந்தே, வினயகம்ம’’ந்தி? ‘‘த⁴ம்மகம்மம் தம், உபாலி, வினயகம்ம’’ந்தி. ‘‘யோ நு கோ², ப⁴ந்தே, ஸமக்³கோ³ ஸங்கோ⁴ படிபுச்சா²கரணீயம் கம்மம் படிபுச்சா² கரோதி…பே… படிஞ்ஞாயகரணீயம் கம்மம் படிஞ்ஞாய கரோதி… ஸதிவினயாரஹஸ்ஸ ஸதிவினயம் தே³தி… அமூள்ஹவினயாரஹஸ்ஸ அமூள்ஹவினயம் தே³தி… தஸ்ஸபாபியஸிகாகம்மாரஹஸ்ஸ தஸ்ஸபாபியஸிகாகம்மம் கரோதி… தஜ்ஜனீயகம்மாரஹஸ்ஸ தஜ்ஜனீயகம்மம் கரோதி… நியஸ்ஸகம்மாரஹஸ்ஸ நியஸ்ஸகம்மம் கரோதி… பப்³பா³ஜனீயகம்மாரஹஸ்ஸ பப்³பா³ஜனீயகம்மம் கரோதி… படிஸாரணீயகம்மாரஹஸ்ஸ படிஸாரணீயகம்மம் கரோதி… உக்கே²பனீயகம்மாரஹஸ்ஸ உக்கே²பனீயகம்மம் கரோதி… பரிவாஸாரஹஸ்ஸ பரிவாஸம் தே³தி மூலாயபடிகஸ்ஸனாரஹம் மூலாய படிகஸ்ஸதி… மானத்தாரஹஸ்ஸ மானத்தம் தே³தி… அப்³பா⁴னாரஹம் அப்³பே⁴தி… உபஸம்பதா³ரஹம் உபஸம்பாதே³தி, த⁴ம்மகம்மம் நு கோ² தம், ப⁴ந்தே, வினயகம்ம’’ந்தி? ‘‘த⁴ம்மகம்மம் தம், உபாலி, வினயகம்மம்.
‘‘யோ கோ², உபாலி, ஸமக்³கோ³ ஸங்கோ⁴ ஸம்முகா²கரணீயம் கம்மம் ஸம்முகா² கரோதி, ஏவம் கோ², உபாலி, த⁴ம்மகம்மம் ஹோதி வினயகம்மம். ஏவஞ்ச பன ஸங்கோ⁴ அனதிஸாரோ ஹோதி. யோ கோ², உபாலி, ஸமக்³கோ³ ஸங்கோ⁴ படிபுச்சா²கரணீயம் கம்மம் படிபுச்சா² கரோதி… படிஞ்ஞாயகரணீயம் கம்மம் படிஞ்ஞாய கரோதி… ஸதிவினயாரஹஸ்ஸ ஸதிவினயம் தே³தி… அமூள்ஹவினயாரஹஸ்ஸ அமூள்ஹவினயம் தே³தி… தஸ்ஸபாபியஸிகாகம்மாரஹஸ்ஸ தஸ்ஸபாபியஸிகாகம்மம் கரோதி… தஜ்ஜனீயகம்மாரஹஸ்ஸ தஜ்ஜனீயகம்மம் கரோதி… நியஸ்ஸகம்மாரஹஸ்ஸ நியஸ்ஸகம்மம் கரோதி… பப்³பா³ஜனீயகம்மாரஹஸ்ஸ பப்³பா³ஜனீயகம்மம் கரோதி … படிஸாரணீயகம்மாரஹஸ்ஸ படிஸாரணீயகம்மம் கரோதி… உக்கே²பனீயகம்மாரஹஸ்ஸ உக்கே²பனீயகம்மம் கரோதி… பரிவாஸாரஹஸ்ஸ பரிவாஸம் தே³தி… மூலாயபடிகஸ்ஸனாரஹம் மூலாய படிகஸ்ஸதி… மானத்தாரஹஸ்ஸ மானத்தம் தே³தி… அப்³பா⁴னாரஹம் அப்³பே⁴தி… உபஸம்பதா³ரஹம் உபஸம்பாதே³தி, ஏவம் கோ², உபாலி, த⁴ம்மகம்மம் ஹோதி வினயகம்மம். ஏவஞ்ச பன ஸங்கோ⁴ அனதிஸாரோ ஹோதீ’’தி.
402. ‘‘யோ நு கோ², ப⁴ந்தே, ஸமக்³கோ³ ஸங்கோ⁴ ஸதிவினயாரஹஸ்ஸ அமூள்ஹவினயம் தே³தி, அமூள்ஹவினயாரஹஸ்ஸ ஸதிவினயம் தே³தி, த⁴ம்மகம்மம் நு கோ² தம், ப⁴ந்தே, வினயகம்ம’’ந்தி? ‘‘அத⁴ம்மகம்மம் தம், உபாலி, அவினயகம்ம’’ந்தி. ‘‘யோ நு கோ², ப⁴ந்தே, ஸமக்³கோ³ ஸங்கோ⁴ அமூள்ஹவினயாரஹஸ்ஸ தஸ்ஸபாபியஸிகாகம்மம் கரோதி, தஸ்ஸபாபியஸிகாகம்மாரஹஸ்ஸ அமூள்ஹவினயம் தே³தி…பே… தஸ்ஸபாபியஸிகாகம்மாரஹஸ்ஸ தஜ்ஜனீயகம்மம் கரோதி, தஜ்ஜனீயகம்மாரஹஸ்ஸ தஸ்ஸபாபியஸிகாகம்மம் கரோதி… தஜ்ஜனீயகம்மாரஹஸ்ஸ நியஸ்ஸகம்மம் கரோதி, நியஸ்ஸகம்மாரஹஸ்ஸ தஜ்ஜனீயகம்மம் கரோதி… நியஸ்ஸகம்மாரஹஸ்ஸ பப்³பா³ஜனீயகம்மம் கரோதி, பப்³பா³ஜனீயகம்மாரஹஸ்ஸ நியஸ்ஸகம்மம் கரோதி… பப்³பா³ஜனீயகம்மாரஹஸ்ஸ படிஸாரணீயகம்மம் கரோதி, படிஸாரணீயகம்மாரஹஸ்ஸ பப்³பா³ஜனீயகம்மம் கரோதி… படிஸாரணீயகம்மாரஹஸ்ஸ உக்கே²பனீயகம்மம் கரோதி, உக்கே²பனீயகம்மாரஹஸ்ஸ படிஸாரணீயகம்மம் கரோதி… உக்கே²பனீயகம்மாரஹஸ்ஸ பரிவாஸம் தே³தி, பரிவாஸாரஹஸ்ஸ உக்கே²பனீயகம்மம் கரோதி… பரிவாஸாரஹம் மூலாய படிகஸ்ஸதி, மூலாயபடிகஸ்ஸனாரஹஸ்ஸ பரிவாஸம் தே³தி… மூலாயபடிகஸ்ஸனாரஹஸ்ஸ மானத்தம் தே³தி, மானத்தாரஹம் மூலாய படிகஸ்ஸதி… மானத்தாரஹம் அப்³பே⁴தி, அப்³பா⁴னாரஹஸ்ஸ மானத்தம் தே³தி… அப்³பா⁴னாரஹம் உபஸம்பாதே³தி, உபஸம்பதா³ரஹம் அப்³பே⁴தி, த⁴ம்மகம்மம் நு கோ² தம், ப⁴ந்தே, வினயகம்ம’’ந்தி? ‘‘அத⁴ம்மகம்மம் தம், உபாலி, அவினயகம்ம’’ந்தி.
‘‘யோ கோ², உபாலி, ஸமக்³கோ³ ஸங்கோ⁴ ஸதிவினயாரஹஸ்ஸ அமூள்ஹவினயம் தே³தி, அமூள்ஹவினயாரஹஸ்ஸ ஸதிவினயம் தே³தி, ஏவம் கோ², உபாலி, அத⁴ம்மகம்மம் ஹோதி அவினயகம்மம். ஏவஞ்ச பன ஸங்கோ⁴ ஸாதிஸாரோ ஹோதி. யோ கோ², உபாலி, ஸமக்³கோ³ ஸங்கோ⁴ அமூள்ஹவினயாரஹஸ்ஸ தஸ்ஸபாபியஸிகாகம்மம் கரோதி, தஸ்ஸபாபியஸிகாகம்மாரஹஸ்ஸ அமூள்ஹவினயம் தே³தி…பே… தஸ்ஸபாபியஸிகாகம்மாரஹஸ்ஸ தஜ்ஜனீயகம்மம் கரோதி, தஜ்ஜனீயகம்மாரஹஸ்ஸ தஸ்ஸபாபியஸிகாகம்மம் கரோதி… தஜ்ஜனீயகம்மாரஹஸ்ஸ நியஸ்ஸகம்மம் கரோதி, நியஸ்ஸகம்மாரஹஸ்ஸ தஜ்ஜனீயகம்மம் கரோதி… நியஸ்ஸகம்மாரஹஸ்ஸ பப்³பா³ஜனீயகம்மம் கரோதி, பப்³பா³ஜனீயகம்மாரஹஸ்ஸ நியஸ்ஸகம்மம் கரோதி… பப்³பா³ஜனீயகம்மாரஹஸ்ஸ படிஸாரணீயகம்மம் கரோதி, படிஸாரணீயகம்மாரஹஸ்ஸ பப்³பா³ஜனீயகம்மம் கரோதி… படிஸாரணீயகம்மாரஹஸ்ஸ உக்கே²பனீயகம்மம் கரோதி, உக்கே²பனீயகம்மாரஹஸ்ஸ படிஸாரணீயகம்மம் கரோதி… உக்கே²பனீயகம்மாரஹஸ்ஸ பரிவாஸம் தே³தி, பரிவாஸாரஹஸ்ஸ உக்கே²பனீயகம்மம் கரோதி… பரிவாஸாரஹம் மூலாய படிகஸ்ஸதி, மூலாயபடிகஸ்ஸனாரஹஸ்ஸ பரிவாஸம் தே³தி… மூலாயபடிகஸ்ஸனாரஹஸ்ஸ மானத்தம் தே³தி, மானத்தாரஹம் மூலாய படிகஸ்ஸதி – மானத்தாரஹம் அப்³பே⁴தி, அப்³பா⁴னாரஹஸ்ஸ மானத்தம் தே³தி… அப்³பா⁴னாரஹம் உபஸம்பாதே³தி, உபஸம்பதா³ரஹம் அப்³பே⁴தி, ஏவம் கோ², உபாலி, அத⁴ம்மகம்மம் ஹோதி அவினயகம்மம். ஏவஞ்ச பன ஸங்கோ⁴ ஸாதிஸாரோ ஹோதீ’’தி.
403. ‘‘யோ நு கோ², ப⁴ந்தே, ஸமக்³கோ³ ஸங்கோ⁴ ஸதிவினயாரஹஸ்ஸ ஸதிவினயம் தே³தி, அமூள்ஹவினயாரஹஸ்ஸ அமூள்ஹவினயம் தே³தி, த⁴ம்மகம்மம் நு கோ² தம், ப⁴ந்தே, வினயகம்ம’’ந்தி? ‘‘த⁴ம்மகம்மம் தம், உபாலி, வினயகம்ம’’ந்தி. ‘‘யோ நு கோ², ப⁴ந்தே, ஸமக்³கோ³ ஸங்கோ⁴ அமூள்ஹவினயாரஹஸ்ஸ அமூள்ஹவினயம் தே³தி…பே… தஸ்ஸபாபியஸிகாகம்மாரஹஸ்ஸ தஸ்ஸபாபியஸிகாகம்மம் கரோதி…பே… தஜ்ஜனீயகம்மாரஹஸ்ஸ தஜ்ஜனீயகம்மம் கரோதி…பே… நியஸ்ஸகம்மாரஹஸ்ஸ நியஸ்ஸகம்மம் கரோதி…பே… பப்³பா³ஜனீயகம்மாரஹஸ்ஸ பப்³பா³ஜனீயகம்மம் கரோதி…பே… படிஸாரணீயகம்மாரஹஸ்ஸ படிஸாரணீயகம்மம் கரோதி…பே… உக்கே²பனீயகம்மாரஹஸ்ஸ உக்கே²பனீயகம்மம் கரோதி…பே… பரிவாஸாரஹஸ்ஸ பரிவாஸம் தே³தி…பே… மூலாயபடிகஸ்ஸனாரஹம் மூலாய படிகஸ்ஸதி…பே… மானத்தாரஹஸ்ஸ மானத்தம் தே³தி…பே… அப்³பா⁴னாரஹம் அப்³பே⁴தி, உபஸம்பதா³ரஹம் உபஸம்பாதே³தி, த⁴ம்மகம்மம் நு கோ² தம், ப⁴ந்தே, வினயகம்ம’’ந்தி? ‘‘த⁴ம்மகம்மம் தம், உபாலி, வினயகம்மம்’’.
‘‘யோ கோ², உபாலி, ஸமக்³கோ³ ஸங்கோ⁴ ஸதிவினயாரஹஸ்ஸ ஸதிவினயம் தே³தி, அமூள்ஹவினயாரஹஸ்ஸ அமூள்ஹவினயம் தே³தி, ஏவம் கோ², உபாலி, த⁴ம்மகம்மம் ஹோதி வினயகம்மம். ஏவஞ்ச பன ஸங்கோ⁴ அனதிஸாரோ ஹோதி. யோ கோ², உபாலி, ஸமக்³கோ³ ஸங்கோ⁴ அமூள்ஹவினயாரஹஸ்ஸ அமூள்ஹவினயம் தே³தி …பே… தஸ்ஸபாபியஸிகாகம்மாரஹஸ்ஸ தஸ்ஸபாபியஸிகாகம்மம் கரோதி…பே… தஜ்ஜனீயகம்மாரஹஸ்ஸ தஜ்ஜனீயகம்மம் கரோதி…பே… நியஸ்ஸகம்மாரஹஸ்ஸ நியஸ்ஸகம்மம் கரோதி…பே… பப்³பா³ஜனீயகம்மாரஹஸ்ஸ பப்³பா³ஜனீயகம்மம் கரோதி…பே… படிஸாரணீயகம்மாரஹஸ்ஸ படிஸாரணீயகம்மம் கரோதி…பே… உக்கே²பனீயகம்மாரஹஸ்ஸ உக்கே²பனீயகம்மம் கரோதி…பே… பரிவாஸாரஹஸ்ஸ பரிவாஸம் தே³தி…பே… மூலாய படிகஸ்ஸனாரஹம் மூலாய படிகஸ்ஸதி…பே… மானத்தாரஹஸ்ஸ மானத்தம் தே³தி…பே… அப்³பா⁴னாரஹம் அப்³பே⁴தி, உபஸம்பதா³ரஹம் உபஸம்பாதே³தி, ஏவம் கோ², உபாலி, த⁴ம்மகம்மம் ஹோதி வினயகம்மம். ஏவஞ்ச பன ஸங்கோ⁴ அனதிஸாரோ ஹோதீ’’தி.
404. அத² கோ² ப⁴க³வா பி⁴க்கூ² ஆமந்தேஸி – யோ கோ², பி⁴க்க²வே, ஸமக்³கோ³ ஸங்கோ⁴ ஸதிவினயாரஹஸ்ஸ அமூள்ஹவினயம் தே³தி, ஏவம் கோ², பி⁴க்க²வே, அத⁴ம்மகம்மம் ஹோதி அவினயகம்மம். ஏவஞ்ச பன ஸங்கோ⁴ ஸாதிஸாரோ ஹோதி. யோ கோ², பி⁴க்க²வே, ஸமக்³கோ³ ஸங்கோ⁴ ஸதிவினயாரஹஸ்ஸ தஸ்ஸபாபியஸிகாகம்மம் கரோதி…பே… ஸதிவினயாரஹஸ்ஸ தஜ்ஜனீயகம்மம் கரோதி… ஸதிவினயாரஹஸ்ஸ நியஸ்ஸகம்மம் கரோதி… ஸதிவினயாரஹஸ்ஸ பப்³பா³ஜனீயகம்மம் கரோதி… ஸதிவினயாரஹஸ்ஸ படிஸாரணீயகம்மம் கரோதி… ஸதிவினயாரஹஸ்ஸ உக்கே²பனீயகம்மம் கரோதி … ஸதிவினயாரஹஸ்ஸ பரிவாஸம் தே³தி… ஸதிவினயாரஹம் மூலாய படிகஸ்ஸதி… ஸதிவினயாரஹஸ்ஸ மானத்தம் தே³தி… ஸதிவினயாரஹம் அப்³பே⁴தி… ஸதிவினயாரஹம் உபஸம்பாதே³தி, ஏவம் கோ², பி⁴க்க²வே, அத⁴ம்மகம்மம் ஹோதி அவினயகம்மம். ஏவஞ்ச பன ஸங்கோ⁴ ஸாதிஸாரோ ஹோதி.
405. யோ கோ², பி⁴க்க²வே, ஸமக்³கோ³ ஸங்கோ⁴ அமூள்ஹவினயாரஹஸ்ஸ தஸ்ஸபாபியஸிகாகம்மம் கரோதி, ஏவம் கோ², பி⁴க்க²வே, அத⁴ம்மகம்மம் ஹோதி அவினயகம்மம். ஏவஞ்ச பன ஸங்கோ⁴ ஸாதிஸாரோ ஹோதி. யோ கோ², பி⁴க்க²வே, ஸமக்³கோ³ ஸங்கோ⁴ அமூள்ஹவினயாரஹஸ்ஸ தஜ்ஜனீயகம்மம் கரோதி…பே… அமூள்ஹவினயாரஹஸ்ஸ நியஸ்ஸகம்மம் கரோதி… அமூள்ஹவினயாரஹஸ்ஸ பப்³பா³ஜனீயகம்மம் கரோதி… அமூள்ஹவினயாரஹஸ்ஸ படிஸாரணீயகம்மம் கரோதி… அமூள்ஹவினயாரஹஸ்ஸ உக்கே²பனீயகம்மம் கரோதி… அமூள்ஹவினயாரஹஸ்ஸ பரிவாஸம் தே³தி… அமூள்ஹவினயாரஹம் மூலாய படிகஸ்ஸதி… அமூள்ஹவினயாரஹஸ்ஸ மானத்தம் தே³தி… அமூள்ஹவினயாரஹம் அப்³பே⁴தி… அமூள்ஹவினயாரஹம் உபஸம்பாதே³தி… அமூள்ஹவினயாரஹஸ்ஸ ஸதிவினயம் தே³தி, ஏவம் கோ², பி⁴க்க²வே, அத⁴ம்மகம்மம் ஹோதி அவினயகம்மம். ஏவஞ்ச பன ஸங்கோ⁴ ஸாதிஸாரோ ஹோதி.
406. யோ கோ², பி⁴க்க²வே, ஸமக்³கோ³ ஸங்கோ⁴ தஸ்ஸபாபியஸிகாகம்மாரஹஸ்ஸ தஜ்ஜனீயகம்மம் கரோதி…பே… தஜ்ஜனீயகம்மாரஹஸ்ஸ… நியஸ்ஸகம்மாரஹஸ்ஸ… பப்³பா³ஜனீயகம்மாரஹஸ்ஸ… படிஸாரணீயகம்மாரஹஸ்ஸ… உக்கே²பனீயகம்மாரஹஸ்ஸ… பரிவாஸாரஹம்… மூலாயபடிகஸ்ஸனாரஹஸ்ஸ… மானத்தாரஹம்… அப்³பா⁴னாரஹம்… உபஸம்பதா³ரஹஸ்ஸ ஸதிவினயம் தே³தி, ஏவம் கோ², பி⁴க்க²வே, அத⁴ம்மகம்மம் ஹோதி அவினயகம்மம். ஏவஞ்ச பன ஸங்கோ⁴ ஸாதிஸாரோ ஹோதி. யோ கோ², பி⁴க்க²வே, ஸமக்³கோ³ ஸங்கோ⁴ உபஸம்பதா³ரஹஸ்ஸ அமூள்ஹவினயம் தே³தி…பே… உபஸம்பதா³ரஹஸ்ஸ தஸ்ஸபாபியஸிகாகம்மம் கரோதி… உபஸம்பதா³ரஹஸ்ஸ தஜ்ஜனீயகம்மம் கரோதி… உபஸம்பதா³ரஹஸ்ஸ நியஸ்ஸகம்மம் கரோதி… உபஸம்பதா³ரஹஸ்ஸ பப்³பா³ஜனீயகம்மம் கரோதி… உபஸம்பதா³ரஹஸ்ஸ படிஸாரணீயகம்மம் கரோதி… உபஸம்பதா³ரஹஸ்ஸ உக்கே²பனீயகம்மம் கரோதி… உபஸம்பதா³ரஹஸ்ஸ பரிவாஸம் தே³தி… உபஸம்பதா³ரஹம் மூலாய படிகஸ்ஸதி… உபஸம்பதா³ரஹஸ்ஸ மானத்தம் தே³தி… உபஸம்பதா³ரஹம் அப்³பே⁴தி, ஏவம் கோ², பி⁴க்க²வே, அத⁴ம்மகம்மம் ஹோதி அவினயகம்மம். ஏவஞ்ச பன ஸங்கோ⁴ ஸாதிஸாரோ ஹோதீதி.
உபாலிபுச்சா²கதா² நிட்டி²தா.
உபாலிபுச்சா²பா⁴ணவாரோ நிட்டி²தோ து³தியோ.
242. தஜ்ஜனீயகம்மகதா²
407. இத⁴ பன, பி⁴க்க²வே, பி⁴க்கு² ப⁴ண்ட³னகாரகோ ஹோதி கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ப⁴ண்ட³னகாரகோ கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – அத⁴ம்மேன வக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ அத⁴ம்மேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – அத⁴ம்மேன ஸமக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ அத⁴ம்மேன ஸமக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – த⁴ம்மேன வக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ த⁴ம்மேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – த⁴ம்மபதிரூபகேன வக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ த⁴ம்மபதிரூபகேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – த⁴ம்மபதிரூபகேன ஸமக்³கா³.
408. இத⁴ பன, பி⁴க்க²வே, பி⁴க்கு² ப⁴ண்ட³னகாரகோ ஹோதி கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ப⁴ண்ட³னகாரகோ கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – அத⁴ம்மேன ஸமக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ அத⁴ம்மேன ஸமக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – த⁴ம்மேன வக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ த⁴ம்மேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – த⁴ம்மபதிரூபகேன வக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ த⁴ம்மபதிரூபகேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – த⁴ம்மபதிரூபகேன ஸமக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ த⁴ம்மபதிரூபகேன ஸமக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’தி. தே தஸ்ஸ தஜ்ஜனீயகம்மம் கரோந்தி – அத⁴ம்மேன வக்³கா³.
409. இத⁴ பன, பி⁴க்க²வே, பி⁴க்கு² ப⁴ண்ட³னகாரகோ ஹோதி கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ப⁴ண்ட³னகாரகோ கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – த⁴ம்மேன வக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ த⁴ம்மேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – த⁴ம்மபதிரூபகேன வக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ த⁴ம்மபதிரூபகேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – த⁴ம்மபதிரூபகேன ஸமக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ த⁴ம்மபதிரூபகேன ஸமக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – அத⁴ம்மேன வக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ அத⁴ம்மேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – அத⁴ம்மேன ஸமக்³கா³.
410. இத⁴ பன, பி⁴க்க²வே, பி⁴க்கு² ப⁴ண்ட³னகாரகோ ஹோதி கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ப⁴ண்ட³னகாரகோ கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – த⁴ம்மபதிரூபகேன வக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ த⁴ம்மபதிரூபகேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – த⁴ம்மபதிரூபகேன ஸமக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ த⁴ம்மபதிரூபகேன ஸமக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – அத⁴ம்மேன வக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ அத⁴ம்மேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – அத⁴ம்மேன ஸமக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ அத⁴ம்மேன ஸமக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – த⁴ம்மேன வக்³கா³.
411. இத⁴ பன, பி⁴க்க²வே, பி⁴க்கு² ப⁴ண்ட³னகாரகோ ஹோதி கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ப⁴ண்ட³னகாரகோ கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – த⁴ம்மபதிரூபகேன ஸமக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ த⁴ம்மபதிரூபகேன ஸமக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – அத⁴ம்மேன வக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ அத⁴ம்மேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – அத⁴ம்மேன ஸமக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ அத⁴ம்மேன ஸமக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – த⁴ம்மேன வக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ த⁴ம்மேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – த⁴ம்மபதிரூபகேன வக்³கா³.
தஜ்ஜனீயகம்மகதா² நிட்டி²தா.
243. நியஸ்ஸகம்மகதா²
412. இத⁴ பன, பி⁴க்க²வே, பி⁴க்கு² பா³லோ ஹோதி அப்³யத்தோ ஆபத்திப³ஹுலோ அனபதா³னோ, கி³ஹிஸம்ஸட்டோ² விஹரதி அனனுலோமிகேஹி கி³ஹிஸம்ஸக்³கே³ஹி. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² பா³லோ அப்³யத்தோ ஆபத்திப³ஹுலோ அனபதா³னோ, கி³ஹிஸம்ஸட்டோ² விஹரதி அனனுலோமிகேஹி கி³ஹிஸம்ஸக்³கே³ஹி. ஹந்த³ஸ்ஸ மயம் நியஸ்ஸகம்மம் கரோமா’’தி. தே தஸ்ஸ நியஸ்ஸகம்மம் கரோந்தி – அத⁴ம்மேன வக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன நியஸ்ஸகம்மகதோ அத⁴ம்மேன வக்³கே³ஹி. ஹந்த³ஸ்ஸ மயம் நியஸ்ஸகம்மம் கரோமா’’தி. தே தஸ்ஸ நியஸ்ஸகம்மம் கரோந்தி – அத⁴ம்மேன ஸமக்³கா³…பே… த⁴ம்மேன வக்³கா³… த⁴ம்மபதிரூபகேன வக்³கா³… த⁴ம்மபதிரூபகேன ஸமக்³கா³…பே….
யதா² ஹேட்டா², ததா² சக்கம் காதப்³ப³ம்.
நியஸ்ஸகம்மகதா² நிட்டி²தா.
244. பப்³பா³ஜனீயகம்மகதா²
413. இத⁴ பன, பி⁴க்க²வே, பி⁴க்கு² குலதூ³ஸகோ ஹோதி பாபஸமாசாரோ. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² குலதூ³ஸகோ பாபஸமாசாரோ. ஹந்த³ஸ்ஸ மயம் பப்³பா³ஜனீயகம்மம் கரோமா’’தி. தே தஸ்ஸ பப்³பா³ஜனீயகம்மம் கரோந்தி – அத⁴ம்மேன வக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன பப்³பா³ஜனீயகம்மகதோ அத⁴ம்மேன வக்³கே³ஹி. ஹந்த³ஸ்ஸ மயம் பப்³பா³ஜனீயகம்மம் கரோமா’’தி. தே தஸ்ஸ பப்³பா³ஜனீயகம்மம் கரோந்தி – அத⁴ம்மேன ஸமக்³கா³…பே… த⁴ம்மேன வக்³கா³… த⁴ம்மபதிரூபகேன வக்³கா³… த⁴ம்மபதிரூபகேன ஸமக்³கா³…பே….
சக்கம் காதப்³ப³ம்.
பப்³பா³ஜனீயகம்மகதா நிட்டி²தா.
245. படிஸாரணீயகம்மகதா²
414. இத⁴ பன, பி⁴க்க²வே, பி⁴க்கு² கி³ஹீ அக்கோஸதி பரிபா⁴ஸதி. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² கி³ஹீ அக்கோஸதி பரிபா⁴ஸதி. ஹந்த³ஸ்ஸ மயம் படிஸாரணீயகம்மம் கரோமா’’தி. தே தஸ்ஸ படிஸாரணீயகம்மம் கரோந்தி – அத⁴ம்மேன வக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன படிஸாரணீயகம்மகதோ அத⁴ம்மேன வக்³கே³ஹி. ஹந்த³ஸ்ஸ மயம் படிஸாரணீயகம்மம் கரோமா’’தி. தே தஸ்ஸ படிஸாரணீயகம்மம் கரோந்தி – அத⁴ம்மேன ஸமக்³கா³…பே… த⁴ம்மேன வக்³கா³… த⁴ம்மபதிரூபகேன வக்³கா³… த⁴ம்மபதிரூபகேன ஸமக்³கா³…பே….
சக்கம் காதப்³ப³ம்.
படிஸாரணீயகம்மகதா² நிட்டி²தா.
246. அத³ஸ்ஸனே உக்கே²பனீயகம்மகதா²
415. இத⁴ பன, பி⁴க்க²வே, பி⁴க்கு² ஆபத்திம் ஆபஜ்ஜித்வா ந இச்ச²தி ஆபத்திம் பஸ்ஸிதும். தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஆபத்திம் ஆபஜ்ஜித்வா ந இச்ச²தி ஆபத்திம் பஸ்ஸிதும். ஹந்த³ஸ்ஸ மயம் ஆபத்தியா அத³ஸ்ஸனே உக்கே²பனீயகம்மம் கரோமா’’தி. தே தஸ்ஸ ஆபத்தியா அத³ஸ்ஸனே உக்கே²பனீயகம்மம் கரோந்தி – அத⁴ம்மேன வக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன ஆபத்தியா அத³ஸ்ஸனே உக்கே²பனீயகம்மகதோ அத⁴ம்மேன வக்³கே³ஹி. ஹந்த³ஸ்ஸ மயம் ஆபத்தியா அத³ஸ்ஸனே உக்கே²பனீயகம்மம் கரோமா’’தி. தே தஸ்ஸ ஆபத்தியா அத³ஸ்ஸனே உக்கே²பனீயகம்மம் கரோந்தி – அத⁴ம்மேன ஸமக்³கா³…பே… த⁴ம்மேன வக்³கா³… த⁴ம்மபதிரூபகேன வக்³கா³… த⁴ம்மபதிரூபகேன ஸமக்³கா³…பே….
சக்கம் காதப்³ப³ம்.
அத³ஸ்ஸனே உக்கே²பனீயகம்மகதா² நிட்டி²தா.
247. அப்படிகம்மே உக்கே²பனீயகம்மகதா²
416. இத⁴ பன, பி⁴க்க²வே, பி⁴க்கு² ஆபத்திம் ஆபஜ்ஜித்வா ந இச்ச²தி ஆபத்திம் படிகாதும். தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஆபத்திம் ஆபஜ்ஜித்வா ந இச்ச²தி ஆபத்திம் படிகாதும். ஹந்த³ஸ்ஸ மயம் ஆபத்தியா அப்படிகம்மே உக்கே²பனீயகம்மம் கரோமா’’தி. தே தஸ்ஸ ஆபத்தியா அப்படிகம்மே உக்கே²பனீயகம்மம் கரோந்தி – அத⁴ம்மேன வக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன ஆபத்தியா அப்படிகம்மே உக்கே²பனீயகம்மகதோ அத⁴ம்மேன வக்³கே³ஹி. ஹந்த³ஸ்ஸ மயம் ஆபத்தியா அப்படிகம்மே உக்கே²பனீயகம்மம் கரோமா’’தி. தே தஸ்ஸ ஆபத்தியா அப்படிகம்மே உக்கே²பனீயகம்மம் கரோந்தி – அத⁴ம்மேன ஸமக்³கா³…பே… த⁴ம்மேன வக்³கா³… த⁴ம்மபதிரூபகேன வக்³கா³… த⁴ம்மபதிரூபகேன ஸமக்³கா³…பே….
சக்கம் காதப்³ப³ம்.
அப்படிகம்மே உக்கே²பனீயகம்மகதா² நிட்டி²தா.
248. அப்படினிஸ்ஸக்³கே³ உக்கே²பனீயகம்மகதா²
417. இத⁴ பன, பி⁴க்க²வே, பி⁴க்கு² ந இச்ச²தி பாபிகம் தி³ட்டி²ம் படினிஸ்ஸஜ்ஜிதும். தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ந இச்ச²தி பாபிகம் தி³ட்டி²ம் படினிஸ்ஸஜ்ஜிதும். ஹந்த³ஸ்ஸ மயம் பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மம் கரோமா’’தி. தே தஸ்ஸ பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மம் கரோந்தி – அத⁴ம்மேன வக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மகதோ அத⁴ம்மேன வக்³கே³ஹி. ஹந்த³ஸ்ஸ மயம் பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மம் கரோமா’’தி. தே தஸ்ஸ பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மம் கரோந்தி – அத⁴ம்மேன ஸமக்³கா³…பே… த⁴ம்மேன வக்³கா³… த⁴ம்மபதிரூபகேன வக்³கா³… த⁴ம்மபதிரூபகேன ஸமக்³கா³…பே….
சக்கம் காதப்³ப³ம்.
அப்படினிஸ்ஸக்³கே³ உக்கே²பனீயகம்மகதா² நிட்டி²தா.
249. தஜ்ஜனீயகம்மபடிப்பஸ்ஸத்³தி⁴கதா²
418. இத⁴ பன, பி⁴க்க²வே, பி⁴க்கு² ஸங்கே⁴ன தஜ்ஜனீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, தஜ்ஜனீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, தஜ்ஜனீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – அத⁴ம்மேன வக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் அத⁴ம்மேன ஸமக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – அத⁴ம்மேன ஸமக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் அத⁴ம்மேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – த⁴ம்மேன வக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் த⁴ம்மேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – த⁴ம்மபதிரூபகேன வக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் த⁴ம்மபதிரூபகேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – த⁴ம்மபதிரூபகேன ஸமக்³கா³.
419. இத⁴ பன, பி⁴க்க²வே, பி⁴க்கு² ஸங்கே⁴ன தஜ்ஜனீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, தஜ்ஜனீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, தஜ்ஜனீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – அத⁴ம்மேன ஸமக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் அத⁴ம்மேன ஸமக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – த⁴ம்மேன வக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் த⁴ம்மேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – த⁴ம்மபதிரூபகேன வக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் த⁴ம்மபதிரூபகேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – த⁴ம்மபதிரூபகேன ஸமக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் த⁴ம்மபதிரூபகேன ஸமக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – அத⁴ம்மேன வக்³கா³.
420. இத⁴ பன, பி⁴க்க²வே, பி⁴க்கு² ஸங்கே⁴ன தஜ்ஜனீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, தஜ்ஜனீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, தஜ்ஜனீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – த⁴ம்மேன வக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் த⁴ம்மேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – த⁴ம்மபதிரூபகேன வக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் த⁴ம்மபதிரூபகேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – த⁴ம்மபதிரூபகேன ஸமக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் த⁴ம்மபதிரூபகேன ஸமக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – அத⁴ம்மேன வக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் அத⁴ம்மேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – அத⁴ம்மேன ஸமக்³கா³.
421. இத⁴ பன, பி⁴க்க²வே, பி⁴க்கு² ஸங்கே⁴ன தஜ்ஜனீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, தஜ்ஜனீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, தஜ்ஜனீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – த⁴ம்மபதிரூபகேன வக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் த⁴ம்மபதிரூபகேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – த⁴ம்மபதிரூபகேன ஸமக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் த⁴ம்மபதிரூபகேன ஸமக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – அத⁴ம்மேன வக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் அத⁴ம்மேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – அத⁴ம்மேன ஸமக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் அத⁴ம்மேன ஸமக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – த⁴ம்மேன வக்³கா³.
422. இத⁴ பன, பி⁴க்க²வே, பி⁴க்கு² ஸங்கே⁴ன தஜ்ஜனீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, தஜ்ஜனீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன தஜ்ஜனீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, தஜ்ஜனீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – த⁴ம்மபதிரூபகேன ஸமக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் த⁴ம்மபதிரூபகேன ஸமக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – அத⁴ம்மேன வக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் அத⁴ம்மேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – அத⁴ம்மேன ஸமக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் அத⁴ம்மேன ஸமக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – த⁴ம்மேன வக்³கா³. ஸோ தம்ஹாபி ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன தஜ்ஜனீயகம்மம் படிப்பஸ்ஸத்³த⁴ம் த⁴ம்மேன வக்³கே³ஹி. ஹந்த³ஸ்ஸ மயம் தஜ்ஜனீயகம்மம் படிப்பஸ்ஸம்பே⁴மா’’தி. தே தஸ்ஸ தஜ்ஜனீயகம்மம் படிப்பஸ்ஸம்பே⁴ந்தி – த⁴ம்மபதிரூபகேன வக்³கா³.
தஜ்ஜனீயகம்மபடிப்பஸ்ஸத்³தி⁴கதா² நிட்டி²தா.
250. நியஸ்ஸகம்மபடிப்பஸ்ஸத்³தி⁴கதா²
423. இத⁴ பன, பி⁴க்க²வே, பி⁴க்கு² ஸங்கே⁴ன நியஸ்ஸகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, நியஸ்ஸஸ்ஸ கம்மஸ்ஸ படிப்பஸ்ஸத்³தி⁴ம் யாசதி. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன நியஸ்ஸகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, நியஸ்ஸஸ்ஸ கம்மஸ்ஸ படிப்பஸ்ஸத்³தி⁴ம் யாசதி. ஹந்த³ஸ்ஸ மயம் நியஸ்ஸகம்மம் படிப்பஸ்ஸம்பே⁴மா’’தி. தே தஸ்ஸ நியஸ்ஸகம்மம் படிப்பஸ்ஸம்பே⁴ந்தி – அத⁴ம்மேன வக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன நியஸ்ஸகம்மம் படிப்பஸ்ஸத்³த⁴ம் அத⁴ம்மேன வக்³கே³ஹி. ஹந்த³ஸ்ஸ மயம் நியஸ்ஸகம்மம் படிப்பஸ்ஸம்பே⁴மா’’தி. தே தஸ்ஸ நியஸ்ஸகம்மம் படிப்பஸ்ஸம்பே⁴ந்தி – அத⁴ம்மேன ஸமக்³கா³…பே… த⁴ம்மேன வக்³கா³… த⁴ம்மபதிரூபகேன வக்³கா³… த⁴ம்மபதிரூபகேன ஸமக்³கா³…பே….
சக்கம் காதப்³ப³ம்.
நியஸ்ஸகம்மபடிப்பஸ்ஸத்³தி⁴கதா² நிட்டி²தா.
251. பப்³பா³ஜனீயகம்மபடிப்பஸ்ஸத்³தி⁴கதா²
424. இத⁴ பன, பி⁴க்க²வே, பி⁴க்கு² ஸங்கே⁴ன பப்³பா³ஜனீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, பப்³பா³ஜனீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன பப்³பா³ஜனீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, பப்³பா³ஜனீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. ஹந்த³ஸ்ஸ மயம் பப்³பா³ஜனீயகம்மம் படிப்பஸ்ஸம்பே⁴மா’’தி. தே தஸ்ஸ பப்³பா³ஜனீயகம்மம் படிப்பஸ்ஸம்பே⁴ந்தி – அத⁴ம்மேன வக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன பப்³பா³ஜனீயகம்மம் படிப்பஸ்ஸத்³த⁴ம் அத⁴ம்மேன வக்³கே³ஹி. ஹந்த³ஸ்ஸ மயம் பப்³பா³ஜனீயகம்மம் படிப்பஸ்ஸம்பே⁴மா’’தி. தே தஸ்ஸ பப்³பா³ஜனீயகம்மம் படிப்பஸ்ஸம்பே⁴ந்தி – அத⁴ம்மேன ஸமக்³கா³…பே… த⁴ம்மேன வக்³கா³… த⁴ம்மபதிரூபகேன வக்³கா³… த⁴ம்மபதிரூபகேன ஸமக்³கா³…பே….
சக்கம் காதப்³ப³ம்.
பப்³பா³ஜனீயகம்மபடிப்பஸ்ஸத்³தி⁴கதா² நிட்டி²தா.
252. படிஸாரணீயகம்மபடிப்பஸ்ஸத்³தி⁴கதா²
425. இத⁴ பன, பி⁴க்க²வே, பி⁴க்கு² ஸங்கே⁴ன படிஸாரணீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, படிஸாரணீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன படிஸாரணீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, படிஸாரணீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. ஹந்த³ஸ்ஸ மயம் படிஸாரணீயகம்மம் படிப்பஸ்ஸம்பே⁴மா’’தி. தே தஸ்ஸ படிஸாரணீயகம்மம் படிப்பஸ்ஸம்பே⁴ந்தி – அத⁴ம்மேன வக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன படிஸாரணீயகம்மம் படிப்பஸ்ஸத்³த⁴ம் அத⁴ம்மேன வக்³கே³ஹி. ஹந்த³ஸ்ஸ மயம் படிஸாரணீயகம்மம் படிப்பஸ்ஸம்பே⁴மா’’தி. தே தஸ்ஸ படிஸாரணீயகம்மம் படிப்பஸ்ஸம்பே⁴ந்தி – அத⁴ம்மேன ஸமக்³கா³…பே… த⁴ம்மேன வக்³கா³… த⁴ம்மபதிரூபகேன வக்³கா³… த⁴ம்மபதிரூபகேன ஸமக்³கா³…பே….
சக்கம் காதப்³ப³ம்.
படிஸாரணீயகம்மபடிப்பஸ்ஸத்³தி⁴கதா² நிட்டி²தா.
253. அத³ஸ்ஸனே உக்கே²பனீயகம்மபடிப்பஸ்ஸத்³தி⁴கதா²
426. இத⁴ பன, பி⁴க்க²வே, பி⁴க்கு² ஸங்கே⁴ன ஆபத்தியா அத³ஸ்ஸனே உக்கே²பனீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, ஆபத்தியா அத³ஸ்ஸனே உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன ஆபத்தியா அத³ஸ்ஸனே உக்கே²பனீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, ஆபத்தியா அத³ஸ்ஸனே உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. ஹந்த³ஸ்ஸ மயம் ஆபத்தியா அத³ஸ்ஸனே உக்கே²பனீயகம்மம் படிப்பஸ்ஸம்பே⁴மா’’தி. தே தஸ்ஸ ஆபத்தியா அத³ஸ்ஸனே உக்கே²பனீயகம்மம் படிப்பஸ்ஸம்பே⁴ந்தி – அத⁴ம்மேன வக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன ஆபத்தியா அத³ஸ்ஸனே உக்கே²பனீயகம்மம் படிப்பஸ்ஸத்³த⁴ம் அத⁴ம்மேன வக்³கே³ஹி. ஹந்த³ஸ்ஸ மயம் ஆபத்தியா அத³ஸ்ஸனே உக்கே²பனீயகம்மம் படிப்பஸ்ஸம்பே⁴மா’’தி. தே தஸ்ஸ ஆபத்தியா அத³ஸ்ஸனே உக்கே²பனீயகம்மம் படிப்பஸ்ஸம்பே⁴ந்தி – அத⁴ம்மேன ஸமக்³கா³…பே… த⁴ம்மேன வக்³கா³… த⁴ம்மபதிரூபகேன வக்³கா³… த⁴ம்மபதிரூபகேன ஸமக்³கா³…பே….
சக்கம் காதப்³ப³ம்.
அத³ஸ்ஸனே உக்கே²பனீயகம்மபடிப்பஸ்ஸத்³தி⁴கதா² நிட்டி²தா.
254. அப்படிகம்மே உக்கே²பனீயகம்மபடிப்பஸ்ஸத்³தி⁴கதா²
427. இத⁴ பன, பி⁴க்க²வே, பி⁴க்கு² ஸங்கே⁴ன ஆபத்தியா அப்படிகம்மே உக்கே²பனீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, ஆபத்தியா அப்படிகம்மே உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன ஆபத்தியா அப்படிகம்மே உக்கே²பனீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, ஆபத்தியா அப்படிகம்மே உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. ஹந்த³ஸ்ஸ மயம் ஆபத்தியா அப்படிகம்மே உக்கே²பனீயகம்மம் படிப்பஸ்ஸம்பே⁴மா’’தி. தே தஸ்ஸ ஆபத்தியா அப்படிகம்மே உக்கே²பனீயகம்மம் படிப்பஸ்ஸம்பே⁴ந்தி – அத⁴ம்மேன வக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன ஆபத்தியா அப்படிகம்மே உக்கே²பனீயகம்மம் படிப்பஸ்ஸத்³த⁴ம் – அத⁴ம்மேன வக்³கே³ஹி. ஹந்த³ஸ்ஸ மயம் ஆபத்தியா அப்படிகம்மே உக்கே²பனீயகம்மம் படிப்பஸ்ஸம்பே⁴மா’’தி. தே தஸ்ஸ ஆபத்தியா அப்படிகம்மே உக்கே²பனீயகம்மம் படிப்பஸ்ஸம்பே⁴ந்தி – அத⁴ம்மேன ஸமக்³கா³…பே… த⁴ம்மேன வக்³கா³… த⁴ம்மபதிரூபகேன வக்³கா³… த⁴ம்மபதிரூபகேன ஸமக்³கா³…பே….
சக்கம் காதப்³ப³ம்.
அப்படிகம்மே உக்கே²பனீயகம்மபடிப்பஸ்ஸத்³தி⁴கதா² நிட்டி²தா.
255. அப்படினிஸ்ஸக்³கே³ உக்கே²பனீயகம்மபடிப்பஸ்ஸத்³தி⁴கதா²
428. இத⁴ பன, பி⁴க்க²வே, பி⁴க்கு² ஸங்கே⁴ன பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, பாபிகாய தி³ட்டி²யா அப்படினிஸ்ஸக்³கே³ உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ஸங்கே⁴ன பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மகதோ ஸம்மா வத்ததி, லோமம் பாதேதி, நேத்தா²ரம் வத்ததி, பாபிகாய தி³ட்டி²யா அப்படினிஸ்ஸக்³கே³ உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴ம் யாசதி. ஹந்த³ஸ்ஸ மயம் பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மம் படிப்பஸ்ஸம்பே⁴மா’’தி. தே தஸ்ஸ பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மம் படிப்பஸ்ஸம்பே⁴ந்தி – அத⁴ம்மேன வக்³கா³. ஸோ தம்ஹா ஆவாஸா அஞ்ஞம் ஆவாஸம் க³ச்ச²தி. தத்த²பி பி⁴க்கூ²னம் ஏவம் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மம் படிப்பஸ்ஸத்³த⁴ம் – அத⁴ம்மேன வக்³கே³ஹி. ஹந்த³ஸ்ஸ மயம் பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மம் படிப்பஸ்ஸம்பே⁴மா’’தி. தே தஸ்ஸ பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மம் படிப்பஸ்ஸம்பே⁴ந்தி… அத⁴ம்மேன ஸமக்³கா³…பே… த⁴ம்மேன வக்³கா³… த⁴ம்மபதிரூபகேன வக்³கா³… த⁴ம்மபதிரூபகேன ஸமக்³கா³…பே….
சக்கம் காதப்³ப³ம்.
அப்படினிஸ்ஸக்³கே³ உக்கே²பனீயகம்மபடிப்பஸ்ஸத்³தி⁴கதா² நிட்டி²தா.
256. தஜ்ஜனீயகம்மவிவாத³கதா²
429. இத⁴ பன, பி⁴க்க²வே, பி⁴க்கு² ப⁴ண்ட³னகாரகோ ஹோதி கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ப⁴ண்ட³னகாரகோ…பே… ஸங்கே⁴ அதி⁴கரணகாரகோ. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – அத⁴ம்மேன வக்³கா³. தத்ரட்டோ² ஸங்கோ⁴ விவத³தி – ‘‘அத⁴ம்மேன வக்³க³கம்மம், அத⁴ம்மேன ஸமக்³க³கம்மம், த⁴ம்மேன வக்³க³கம்மம், த⁴ம்மபதிரூபகேன வக்³க³கம்மம், த⁴ம்மபதிரூபகேன ஸமக்³க³கம்மம், அகதம் கம்மம் து³க்கடம் கம்மம் புன காதப்³ப³ம் கம்ம’’ந்தி. தத்ர, பி⁴க்க²வே, யே தே பி⁴க்கூ² ஏவமாஹம்ஸு – ‘‘அத⁴ம்மேன வக்³க³கம்ம’’ந்தி, யே ச தே பி⁴க்கூ² ஏவமாஹம்ஸு – ‘‘அகதம் கம்மம் து³க்கடம் கம்மம் புன காதப்³ப³ம் கம்ம’’ந்தி, இமே தத்த² பி⁴க்கூ² த⁴ம்மவாதி³னோ.
430. இத⁴ பன, பி⁴க்க²வே, பி⁴க்கு² ப⁴ண்ட³னகாரகோ ஹோதி…பே… ஸங்கே⁴ அதி⁴கரணகாரகோ. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ப⁴ண்ட³னகாரகோ…பே… ஸங்கே⁴ அதி⁴கரணகாரகோ. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – அத⁴ம்மேன ஸமக்³கா³. தத்ரட்டோ² ஸங்கோ⁴ விவத³தி – ‘‘அத⁴ம்மேன வக்³க³கம்மம், அத⁴ம்மேன ஸமக்³க³கம்மம், த⁴ம்மேன வக்³க³கம்மம், த⁴ம்மபதிரூபகேன வக்³க³கம்மம், த⁴ம்மபதிரூபகேன ஸமக்³க³கம்மம், அகதம் கம்மம் து³க்கடம் கம்மம் புன காதப்³ப³ம் கம்ம’’ந்தி. தத்ர, பி⁴க்க²வே, யே தே பி⁴க்கூ² ஏவமாஹம்ஸு – ‘‘அத⁴ம்மேன ஸமக்³க³கம்ம’’ந்தி, யே ச தே பி⁴க்கூ² ஏவமாஹம்ஸு – ‘‘அகதம் கம்மம் து³க்கடம் கம்மம் புன காதப்³ப³ம் கம்ம’’ந்தி, இமே தத்த² பி⁴க்கூ² த⁴ம்மவாதி³னோ.
431. இத⁴ பன, பி⁴க்க²வே, பி⁴க்கு² ப⁴ண்ட³னகாரகோ ஹோதி…பே… ஸங்கே⁴ அதி⁴கரணகாரகோ. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ப⁴ண்ட³னகாரகோ…பே… ஸங்கே⁴ அதி⁴கரணகாரகோ ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – த⁴ம்மேன வக்³கா³. தத்ரட்டோ² ஸங்கோ⁴ விவத³தி – ‘‘அத⁴ம்மேன வக்³க³கம்மம், அத⁴ம்மேன ஸமக்³க³கம்மம், த⁴ம்மேன வக்³க³கம்மம், த⁴ம்மபதிரூபகேன வக்³க³கம்மம், த⁴ம்மபதிரூபகேன ஸமக்³க³கம்மம், அகதம் கம்மம் து³க்கடம் கம்மம் புன காதப்³ப³ம் கம்ம’’ந்தி. தத்ர, பி⁴க்க²வே, யே தே பி⁴க்கூ² ஏவமாஹம்ஸு – ‘‘த⁴ம்மேன வக்³க³கம்ம’’ந்தி, யே ச தே பி⁴க்கூ² ஏவமாஹம்ஸு – ‘‘அகதம் கம்மம் து³க்கடம் கம்மம் புன காதப்³ப³ம் கம்ம’’ந்தி, இமே தத்த² பி⁴க்கூ² த⁴ம்மவாதி³னோ.
432. இத⁴ பன, பி⁴க்க²வே, பி⁴க்கு² ப⁴ண்ட³னகாரகோ ஹோதி…பே… ஸங்கே⁴ அதி⁴கரணகாரகோ. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ப⁴ண்ட³னகாரகோ…பே… ஸங்கே⁴ அதி⁴கரணகாரகோ. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – த⁴ம்மபதிரூபகேன வக்³கா³. தத்ரட்டோ² ஸங்கோ⁴ விவத³தி – ‘‘அத⁴ம்மேன வக்³க³கம்மம், அத⁴ம்மேன ஸமக்³க³கம்மம், த⁴ம்மேன வக்³க³கம்மம், த⁴ம்மபதிரூபகேன வக்³க³கம்மம், த⁴ம்மபதிரூபகேன ஸமக்³க³கம்மம், அகதம் கம்மம் து³க்கடம் கம்மம் புன காதப்³ப³ம் கம்ம’’ந்தி. தத்ர, பி⁴க்க²வே, யே தே பி⁴க்கூ² ஏவமாஹம்ஸு – ‘‘த⁴ம்மபதிரூபகேன ஸமக்³க³கம்ம’’ந்தி, யே ச தே பி⁴க்கூ² ஏவமாஹம்ஸு – ‘‘அகதம் கம்மம் து³க்கடம் கம்மம் புன காதப்³ப³ம் கம்ம’’ந்தி, இமே தத்த² பி⁴க்கூ² த⁴ம்மவாதி³னோ.
433. இத⁴ பன, பி⁴க்க²வே, பி⁴க்கு² ப⁴ண்ட³னகாரகோ ஹோதி…பே… ஸங்கே⁴ அதி⁴கரணகாரகோ. தத்ர சே பி⁴க்கூ²னம் ஏவம் ஹோதி – ‘‘அயம் கோ², ஆவுஸோ, பி⁴க்கு² ப⁴ண்ட³னகாரகோ ஹோதி…பே… ஸங்கே⁴ அதி⁴கரணகாரகோ. ஹந்த³ஸ்ஸ மயம் தஜ்ஜனீயகம்மம் கரோமா’’தி. தே தஸ்ஸ தஜ்ஜனீயகம்மம் கரோந்தி – த⁴ம்மபதிரூபகேன ஸமக்³கா³. தத்ரட்டோ² ஸங்கோ⁴ விவத³தி – ‘‘அத⁴ம்மேன வக்³க³கம்மம், அத⁴ம்மேன ஸமக்³க³கம்மம், த⁴ம்மேன வக்³க³கம்மம், த⁴ம்மபதிரூபகேன வக்³க³கம்மம், த⁴ம்மபதிரூபகேன ஸமக்³க³கம்மம், அகதம் கம்மம் து³க்கடம் கம்மம் புன காதப்³ப³ம் கம்ம’’ந்தி. தத்ர, பி⁴க்க²வே, யே தே பி⁴க்கூ² ஏவமாஹம்ஸு – ‘‘த⁴ம்மபதிரூபகேன ஸமக்³க³கம்ம’’ந்தி, யே ச தே பி⁴க்கூ² ஏவமாஹம்ஸு – ‘‘அகதம் கம்மம் து³க்கடம் கம்மம் புன காதப்³ப³ம் கம்ம’’ந்தி, இமே தத்த² பி⁴க்கூ² த⁴ம்மவாதி³னோ.
தஜ்ஜனீயகம்மவிவாத³கதா² நிட்டி²தா.