98. குக்குச்சபகதபன்னரஸகம்

175. இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹுபோஸதே² ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘கப்பதேவ அம்ஹாகம் உபோஸதோ² காதும் நாம்ஹாகம் ந கப்பதீ’’தி, குக்குச்சபகதா உபோஸத²ம் கரோந்தி, பாதிமோக்க²ம் உத்³தி³ஸந்தி. தேஹி உத்³தி³ஸ்ஸமானே பாதிமோக்கே², அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன பாதிமோக்க²ம் உத்³தி³ஸிதப்³ப³ம். உத்³தே³ஸகானம் ஆபத்தி து³க்கடஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹுபோஸதே² ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘கப்பதேவ அம்ஹாகம் உபோஸதோ² காதும் நாம்ஹாகம் ந கப்பதீ’’தி, குக்குச்சபகதா உபோஸத²ம் கரோந்தி, பாதிமோக்க²ம் உத்³தி³ஸந்தி. தேஹி உத்³தி³ஸ்ஸமானே பாதிமோக்கே², அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. உத்³தி³ட்ட²ம் ஸுஉத்³தி³ட்ட²ம், அவஸேஸம் ஸோதப்³ப³ம். உத்³தே³ஸகானம் ஆபத்தி து³க்கடஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹுபோஸதே² ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘கப்பதேவ அம்ஹாகம் உபோஸதோ² காதும், நாம்ஹாகம் ந கப்பதீ’’தி, குக்குச்சபகதா உபோஸத²ம் கரோந்தி, பாதிமோக்க²ம் உத்³தி³ஸந்தி. தேஹி உத்³தி³ஸ்ஸமானே பாதிமோக்கே², அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. உத்³தி³ட்ட²ம் ஸுஉத்³தி³ட்ட²ம், அவஸேஸம் ஸோதப்³ப³ம். உத்³தே³ஸகானம் ஆபத்தி து³க்கடஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹுபோஸதே² ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘கப்பதேவ அம்ஹாகம் உபோஸதோ² காதும் நாம்ஹாகம் ந கப்பதீ’’தி, குக்குச்சபகதா உபோஸத²ம் கரோந்தி, பாதிமோக்க²ம் உத்³தி³ஸந்தி. தேஹி உத்³தி³ட்ட²மத்தே பாதிமோக்கே²,…பே… அவுட்டி²தாய பரிஸாய…பே… ஏகச்சாய வுட்டி²தாய பரிஸாய…பே… ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா…பே… ஸமஸமா …பே… தோ²கதரா. உத்³தி³ட்ட²ம் ஸுஉத்³தி³ட்ட²ம், தேஸம் ஸந்திகே பாரிஸுத்³தி⁴ ஆரோசேதப்³பா³. உத்³தே³ஸகானம் ஆபத்தி து³க்கடஸ்ஸ.

குக்குச்சபகதபன்னரஸகம் நிட்டி²தம்.