7. பத²வீகம்மவிபாகோதிகதா²வண்ணனா

492. அத்தவஜ்ஜேஹீதி ப²ஸ்ஸவஜ்ஜேஹி. ந ஹி ஸோ ஏவ தேன ஸம்பயுத்தோ ஹோதி. ஸோதி ப²ஸ்ஸமேவ பச்சாமஸதி. ஸாவஜ்ஜனேதி ஆவஜ்ஜனஸஹிதே, ஆவஜ்ஜனம் புரேசாரிகம் கத்வா ஏவ பவத்தனகேதி அத்தோ². கம்மூபனிஸ்ஸயபூ⁴தமேவாதி யேன கம்முனா யதா²வுத்தா ப²ஸ்ஸாத³யோ நிப்³ப³த்திதா, தஸ்ஸ கம்மஸ்ஸ உபனிஸ்ஸயபூ⁴தமேவ. து³க்க²ஸ்ஸாதி ஆயதிம் உப்பஜ்ஜனகது³க்க²ஸ்ஸ. ‘‘மூலதண்ஹா’’தி த³ஸ்ஸேதீதி யோஜனா, ததா² ‘‘உபனிஸ்ஸயபூ⁴த’’ந்தி ஏத்தா²பி. கம்மாயூஹனஸ்ஸ காரணபூ⁴தா புரிமஸித்³தா⁴ தண்ஹா கம்மஸ்ஸ உபனிஸ்ஸயோ, கதூபசிதே கம்மே ப⁴வாதீ³ஸு நமனவஸேன பவத்தா ஹி விபாகஸ்ஸ உபனிஸ்ஸயோ.

493. ஓகாஸகதுப்பன்னம் அகே²பேத்வா பரினிப்³பா³னபா⁴வோ ஸகஸமயவஸேன சோத³னாய யுஜ்ஜமானதா.

494. கம்மே ஸதீதி இமினா கம்மஸ்ஸ பத²வீஆதீ³னம் பச்சயதாமத்தமாஹ, ந ஜனகத்தம். தேனாஹ ‘‘தம்ஸம்வத்தனிகம் நாம ஹோதீ’’தி.

பத²வீகம்மவிபாகோதிகதா²வண்ணனா நிட்டி²தா.