4. தா³னகதா²வண்ணனா

479. ப²லதா³னபா⁴வதீ³பனத்த²ந்தி ப²லதா³னஸப்³பா⁴வதீ³பனத்த²ம். ப²லதா³னம் வுத்தம் விய ஹோதீதி சித்தேன ப²லதா³னம் பதா⁴னபா⁴வே வுத்தம் விய ஹோதீதி அத்தோ². அஞ்ஞதா² தா³னபா⁴வோதி ந ஸக்கா வத்தும். தா³னபா⁴வோபி ஹி ‘‘தா³னம் அனிட்ட²ப²ல’’ந்திஆதி³னா வுத்தோயேவாதி. தன்னிவாரணத்த²ந்தி ப²லதா³னனிவாரணத்த²ம். ஏதந்தி ‘‘தா³னம் அனிட்ட²ப²ல’’ந்திஆதி³வசனம். பே⁴ஸஜ்ஜாதி³வஸேன ஆபா³தா⁴னிட்ட²தா தே³ய்யத⁴ம்மஸ்ஸ அனிட்ட²ப²லதாபரியாயோ த³ட்ட²ப்³போ³.

கத²ம் ததே²வ ஸுத்தம் ஸகவாதி³பரவாதி³வாதே³ஸு யுஜ்ஜதீதி சோத³னாய ‘‘ந பன ஏகேனத்தே²னா’’தி வுத்தம் விபா⁴வேதும் ‘‘தே³ய்யத⁴ம்மோவ தா³ன’’ந்திஆதி³ வுத்தம். தத்த² நிவத்தனபக்கே²யேவ ஏவ-காரோ யுத்தோ, ந ஸாத⁴னபக்கே² த்³வின்னம்பி தா³னபா⁴வஸ்ஸ இச்சி²தத்தா. தேனாஹ ‘‘சேதஸிகோவாதி அத்தோ² த³ட்ட²ப்³போ³, தே³ய்யத⁴ம்மோவா’’தி ச. தேனேவாஹ ‘‘த்³வின்னஞ்ஹி தா³னானந்திஆதி³. ஸங்கரபா⁴வமோசனத்த²ந்தி ஸதிபி தா³னபா⁴வே ஸபா⁴வஸங்கரமோசனத்த²ம். தேனாஹ ‘‘சேதஸிகஸ்ஸா’’திஆதி³.

தா³னகதா²வண்ணனா நிட்டி²தா.