4. விமுச்சமானகதா²வண்ணனா

366. மக்³க³க்க²ணே சித்தம் ஏகதே³ஸேன விமுத்தம் ஏகதே³ஸேன அவிமுத்தந்தி அயம் ‘‘விமுத்தம் விமுச்சமான’’ந்தி லத்³தி⁴யா தோ³ஸோ. ததா² ஹி வுத்தம் ‘‘ஏகதே³ஸம் விமுத்தம், ஏகதே³ஸம் அவிமுத்த’’ந்தி. அட்ட²கதா²யஞ்ச ‘‘தஞ்ஹி ததா³ ஸமுச்சே²த³விமுத்தியா விமுத்தேகதே³ஸேன விமுச்சமானந்திஸ்ஸ லத்³தீ⁴’’தி த³ஸ்ஸிதோவாயமத்தோ². விப்பகதனித்³தே³ஸேதி விமுச்சனகிரியாய அபரியோஸிததானித்³தே³ஸே. யம் ஸந்தா⁴யாஹ ‘‘விமுத்தம் விமுச்சமானந்தி விப்பகதபா⁴வேன வுத்தத்தா’’தி. தேனாதி பரவாதி³னா. விமுச்ச…பே… வுத்தம் விமுச்சமானஸ்ஸ விமுத்தபா⁴வாபா⁴வதோ, விமுத்தபே⁴தே³ன பன ததா² வுத்தந்தி அதி⁴ப்பாயோ. ஸதி ச தோ³ஸே விப்பகதனித்³தே³ஸேதி ஆனேத்வா யோஜேதப்³ப³ம். ஏகதே³ஸோ விஸேஸனம் ஹோதி நிப்பதே³ஸவிமுத்தியா அவிச்சி²ன்னதோ. ப²லசித்தேனாதி பட²மப²லசித்தேன உப்பன்னேன.

விமுச்சமானகதா²வண்ணனா நிட்டி²தா.