9. அனுபுப்³பா³பி⁴ஸமயகதா²வண்ணனா

339. ‘‘தானி வா சத்தாரிபி ஞாணானி ஏகோ ஸோதாபத்திமக்³கோ³யேவாதி படிஜானாதீ’’தி இமம் ஸந்தா⁴யாஹ ‘‘அத² வா’’திஆதி³. சதுன்னம் ஞாணானந்தி து³க்கே²ஞாணாதீ³னம் சதுன்னம் ஞாணானம். ஏகமக்³க³பா⁴வதோதி ஸோதாபத்திஆதி³ஏகமக்³க³பா⁴வதோ. கமேன பவத்தமானானிபி ஹி தானி ஞாணானி தம்தம்மக்³க³கிச்சஸ்ஸ ஸாத⁴னதோ ஏகோயேவ மக்³கோ³ ஹோதீதி அதி⁴ப்பாயோ. தேனாஹ ‘‘ஏகமக்³க³ஸ்ஸ…பே… படிஜானாதீ’’தி.

344. த³ஸ்ஸனேதி மக்³க³த³ஸ்ஸனே.

345. த⁴ம்மத்தா²னம் ஹேதுப²லபா⁴வதோ த⁴ம்மத்த²படிஸம்பி⁴தா³னம் ஸியா ஸோதாபத்திப²லஹேதுதா, தத³பா⁴வதோ ந இதரபடிஸம்பி⁴தா³னந்தி ஆஹ ‘‘நிருத்தி…பே… விசாரேதப்³ப³’’ந்தி. ஸப்³பா³ஸம்பி பன படிஸம்பி⁴தா³னம் பட²மப²லஸச்சி²கிரியாஹேதுதா விசாரேதப்³பா³ மக்³கா³தி⁴க³மேனேவ லத்³த⁴ப்³ப³த்தா ப²லானம் விய, தஸ்மா ‘‘அட்ட²ஹி ஞாணேஹீ’’தி ஏத்த² நிக்கே²பகண்டே³ ஆக³தனயேன து³க்கா²தி³ஞாணானம் புப்³ப³ந்தாதி³ஞாணானஞ்ச வஸேன ‘‘அட்ட²ஹி ஞாணேஹீ’’தி யுத்தம் விய தி³ஸ்ஸதி.

அனுபுப்³பா³பி⁴ஸமயகதா²வண்ணனா நிட்டி²தா.