8. ஸதிபட்டா²னகதா²வண்ணனா

301. பரமத்த²ஸதிபட்டா²னத்தாதி ஏதேன லோகுத்தராய ஏவ ஸம்மாஸதியா தத்தா²பி மக்³க³பூ⁴தாய நிப்பரியாயேன ஸதிபட்டா²னபா⁴வோ நிய்யானிகத்தா இதராய பரியாயேனாதி த³ஸ்ஸேதி. மக்³க³ப²லஸம்மாஸதியா த⁴ம்மானுஸ்ஸதிபா⁴வபரியாயோ அத்தீ²தி ‘‘லோகியலோகுத்தரஸதிபட்டா²னஸமுதா³யபூ⁴தஸ்ஸா’’தி வுத்தம். ஸதிஸமுதா³யபூ⁴தஸ்ஸ ந ஸதிகோ³சரபூ⁴தஸ்ஸாதி அதி⁴ப்பாயோ. ஸதிகோ³சரஸ்ஸ ஹி ஸதிபட்டா²னதம் சோதே³தும் பாளியம் ‘‘சக்கா²யதனம் ஸதிபட்டா²ன’’ந்தி ஆரத்³த⁴ம். தேன வுத்தம் ‘‘ஸப்³ப³த⁴ம்மானம் பபே⁴த³புச்சா²வஸேன வுத்த’’ந்தி. ஸுத்தஸாத⁴னாயம் பன பட²மம் லோகியஸதிபட்டா²னவஸேன, து³தியம் மிஸ்ஸகவஸேன, ததியம் லோகுத்தரவஸேன த³ஸ்ஸிதந்தி வேதி³தப்³ப³ம்.

ஸதிபட்டா²னகதா²வண்ணனா நிட்டி²தா.