1. நஸுத்தாஹரணகதா²வண்ணனா

280. யதி³பி பாளியம் ‘‘தயோ மக்³கே³ பா⁴வேதீ’’தி வுத்தம், மக்³க³பா⁴வனா பன யாவதே³வ கிலேஸஸமுச்சி²ந்த³னத்தா²தி ஞத்வா ‘‘கிச்சஸப்³பா⁴வந்தி தீஹி பஹாதப்³ப³ஸ்ஸ பஹீனத’’ந்தி ஆஹ. தத்த² தீஹீதி ஹேட்டி²மேஹி தீஹி அரியமக்³கே³ஹி பஹாதப்³ப³ஸ்ஸ அஜ்ஜ²த்தஸம்யோஜனஸ்ஸ பஹீனதம் ஸமுச்சி²ந்த³னந்தி அத்தோ². தம் பன கிச்சந்தி அதோ⁴பா⁴கி³யஸம்யோஜனேஸு மக்³க³ஸ்ஸ பஹானாபி⁴ஸமயகிச்சம். தேனேவ மக்³கே³னாதி அனாகா³மிமக்³கே³னேவ. ஏதம் ந ஸமேதீதி ஏவம் மக்³கு³ப்பாத³தோ பகே³வ காமராக³ப்³யாபாதா³ பஹீயந்தீதி லத்³தி⁴கித்தனம் இமினா மக்³க³ஸ்ஸ கிச்சஸப்³பா⁴வகத²னேன ந ஸமேதி ந யுஜ்ஜதி. தஸ்மாதி இமினா யதா²வுத்தமேவ விரோத⁴ம் பச்சாமஸதி. பஹீனானந்தி விக்க²ம்பி⁴தானம். யோ ஹி ஜா²னலாபீ⁴ ஜா²னேன யதா²விக்க²ம்பி⁴தே கிலேஸே மக்³கே³ன ஸமுச்சி²ந்த³தி, ஸோ இதா⁴தி⁴ப்பேதோ. தேனாஹ ‘‘த³ஸ்ஸனமக்³கே³…பே… அதி⁴ப்பாயோ’’தி.

ஜஹதிகதா²வண்ணனா நிட்டி²தா.