9. ஆஸேவனபச்சயகதா²வண்ணனா

903-905. பீ³ஜம் சதுமது⁴ரபா⁴வம் ந க³ண்ஹாதீதி இத³ம் ஸகஸமயவஸேன வுத்தம், பரஸமயே பன ரூபத⁴ம்மாபி அரூபத⁴ம்மேஹி ஸமானக்க²ணா ஏவ இச்சி²தா. தேனேவாஹ ‘‘ஸப்³பே³ த⁴ம்மா க²ணிகா’’தி. க²ணிகத்தேபி வா அசேதனேஸுபி அனிந்த்³ரியப³த்³த⁴ரூபேஸு பா⁴வனாவிஸேஸோ லப்³ப⁴தி, கிமங்க³ம் பன ஸசேதனேஸூதி த³ஸ்ஸேதும் ‘‘யதா² பீ³ஜம் சதுமது⁴ரபா⁴வம் ந க³ண்ஹாதீ’’தி நித³ஸ்ஸனந்தி த³ட்ட²ப்³ப³ம். ஆஸேவேந்தோ நாம கோசி த⁴ம்மோ நத்தி² இத்தரதாய அனவட்டா²னதோதி அதி⁴ப்பாயோ. இத்தரக²ணதாய ஏவ பன ஆஸேவனம் லப்³ப⁴தி. குஸலாதி³பா⁴வேன ஹி அத்தஸதி³ஸஸ்ஸ பயோகே³ன கரணீயஸ்ஸ புனப்புனம் கரணப்பவத்தனம் அத்தஸதி³ஸதாபாத³னம் வாஸனம் வா ஆஸேவனம் புரே பரிசிதக³ந்தோ² விய பச்சி²மஸ்ஸாதி.

ஆஸேவனபச்சயகதா²வண்ணனா நிட்டி²தா.