3. அனந்தரபச்சயகதா²வண்ணனா

693-697. அனந்தருப்பத்திம் ஸல்லக்கே²ந்தோதி சக்கு²விஞ்ஞாணானந்தரம் ஸோதவிஞ்ஞாணுப்பத்திம் மஞ்ஞமானோ. ஸோதவிஞ்ஞாணந்தி வசனேனேவ தஸ்ஸ சக்கு²ஸன்னிஸ்ஸயதா ரூபாரம்மணதா ச படிக்கி²த்தா, படிஞ்ஞாதா ச ஸோதஸன்னிஸ்ஸயதா ஸத்³தா³ரம்மணதா சாதி ஆஹ ‘‘ந ஸோ சக்கு²ம்ஹி ஸத்³தா³ரம்மண’’ந்தி. தத்த² ஸத்³தா³ரம்மணந்தி ‘‘ஸோதவிஞ்ஞாணம் இச்ச²தீ’’தி ஆனேத்வா ஸம்ப³ந்தி⁴தப்³ப³ம். தயித³ம் சக்கு²விஞ்ஞாணஸ்ஸ அனந்தரம் ஸோதவிஞ்ஞாணம் உப்பஜ்ஜதீதி லத்³தி⁴யா ஏவம் ஞாயதீதி ஆஹ ‘‘அனந்தரூபலத்³தி⁴வஸேன ஆபன்னத்தா’’தி.

அனந்தரபச்சயகதா²வண்ணனா நிட்டி²தா.