4. நியதஸ்ஸனியாமகதா²வண்ணனா

663-664. அப்பத்தனியாமானந்தி யே அனுப்பன்னமிச்ச²த்தஸம்மத்தனியதத⁴ம்மா புக்³க³லா, தேஸம் த⁴ம்மே. கே பன தே? யதா²வுத்தபுக்³க³லஸந்தானபரியாபன்னா த⁴ம்மா. தே ஹி பூ⁴மித்தயபரியாபன்னதாய ‘‘தேபூ⁴மகா’’தி வுத்தா. யே பன பத்தனியாமானம் ஸந்தானே பவத்தா அனியதத⁴ம்மா, ந தேஸமேத்த² ஸங்க³ஹோ கதோ. ந ஹி தேஹி ஸமன்னாக³மேன அனியததா அத்தி². தேனேவாஹ ‘‘தேஹி ஸமன்னாக³தோபி அனியதோயேவா’’தி. இமம் வோஹாரமத்தந்தி இமினா நியாமோ நாம கோசி த⁴ம்மோ நத்தி², உபசிதஸம்பா⁴ரதாய அபி⁴ஸம்பு³ஜ்ஜி²தும் ப⁴ப்³ப³தாவ ததா² வுச்சதீதி த³ஸ்ஸேதி. நியதோதி வசனஸ்ஸ காரணபா⁴வேன வுத்தோதி யோஜனா. உப⁴யஸ்ஸபீதி நியதோ நியாமம் ஓக்கமதீதி வசனத்³வயஸ்ஸ.

நியதஸ்ஸனியாமகதா²வண்ணனா நிட்டி²தா.