9. த⁴ம்மட்டி²ததாகதா²வண்ணனா

627. அவிஜ்ஜாய யா டி²ததாதி அவிஜ்ஜாய ஸங்கா²ரானம் அனந்தரபச்சயபா⁴வே யா நியததா த⁴ம்மனியாமதாஸங்கா²தா, யா டி²தஸபா⁴வதா நிப்ப²ன்னா, ந த⁴ம்மமத்ததாட்டி²ததாய நிப்ப²ன்னாய வஸேன, அனந்தரபச்சயபா⁴வஸங்கா²தா டி²ததா பச்சயதா ஹோதீதி அத்தோ². அஞ்ஞமஞ்ஞபச்சயபா⁴வரஹிதஸ்ஸாதி இத³ம் ஸஹஜாதனிஸ்ஸயாதி³பச்சயானம் படிக்கே²பபத³ம் த³ட்ட²ப்³ப³ம், ந அஞ்ஞமஞ்ஞபச்சயதாமத்தஸ்ஸ. ஸப்³போ³ தாதி³ஸோதி இமினா ஸமனந்தரஅனந்தரூபனிஸ்ஸயனத்தி²விக³தாஸேவனாதி³கம் ஸங்க³ண்ஹாதி. அஞ்ஞமஞ்ஞபச்சயதஞ்சாதி ஏத்தா²பி வுத்தனயேன அத்தோ² வேதி³தப்³போ³. ஏத்த² பன பச்சயுப்பன்னஸ்ஸபி பச்சயபா⁴வதோ ஸங்கா²ரானம்பி வஸேன யோஜேதப்³ப³ம். தேனாஹ ‘‘தஸ்ஸா ச இதரா’’தி.

த⁴ம்மட்டி²ததாகதா²வண்ணனா நிட்டி²தா.