7. இத்³தி⁴ப³லகதா²வண்ணனா

621-624. யஸ்மிம் ஆயுகப்பே கம்மக்க²யேன மரணம் ஹோதி, தம் ஸந்தா⁴ய வுத்தம் ‘‘கம்மஸ்ஸ விபாகவஸேனா’’தி, யஸ்மிம் பன ஆயுக்க²யேன மரணம் ஹோதி, தம் ஸந்தா⁴ய ‘‘வஸ்ஸக³ணனாயா’’தி. தத்த² ‘‘ந ச தாவ காலம் கரோதி, யாவ ந தம் பாபகம்மம் ப்³யந்தீ ஹோதீ’’தி (ம. நி. 3.250; அ. நி. 3.36) வசனதோ யேபு⁴ய்யேன நிரயே கம்மக்க²யேன மரணம் ஹோதீதி ஆஹ ‘‘கம்மஸ்ஸ விபாகவஸேன வாதி நிரயம்வ ஸந்தா⁴ய வுத்த’’ந்தி. ‘‘வஸ்ஸஸதம் வஸ்ஸஸஹஸ்ஸம் வஸ்ஸஸதஸஹஸ்ஸானீ’’திஆதி³னா மனுஸ்ஸானம் தே³வானஞ்ச ஆயுபரிச்சே²த³வசனதோ யேபு⁴ய்யேன தேஸம் ஆயுக்க²யேன மரணம் ஹோதீதி வுத்தம் ‘‘வஸ்ஸக³ணனாய வாதி மனுஸ்ஸே சாதுமஹாராஜிகாதி³தே³வே ச ஸந்தா⁴யா’’தி. ‘‘வுத்த’’ந்தி ஆனேத்வா யோஜேதப்³ப³ம்.

இத்³தி⁴ப³லகதா²வண்ணனா நிட்டி²தா.