11. அவிஞ்ஞத்திது³ஸ்ஸீல்யந்திகதா²வண்ணனா

603-604. மஹாபூ⁴தானி உபாதா³ய பவத்தோ அஞ்ஞசித்தக்க²ணேபி லப்³ப⁴மானோ குஸலாகுஸலானுப³ந்தோ⁴ அவிஞ்ஞத்தீதி அயம் வாதோ³ ‘‘சித்தவிப்பயுத்தோ அபுஞ்ஞூபசயோ’’தி இமினா ஸங்க³ஹிதோதி ததோ அஞ்ஞானுப³ந்தா⁴யம் ‘‘ஆணத்தியா’’திஆதி³ வுத்தந்தி தம் த³ஸ்ஸேதும் ‘‘ஆணத்தியா…பே… அதி⁴ப்பாயோ’’தி வுத்தம். தத்த² ஆணத்தோ யதா³ ஆணத்தபா⁴வேன விஹிம்ஸாதி³கிரியம் ஸாதே⁴தி, ததா³ ஆணத்தியா பாணாதிபாதாதீ³ஸு அங்க³பா⁴வோ வேதி³தப்³போ³. ஸா பனாணத்தி பாரிவாஸிகபா⁴வேன விஞ்ஞத்திரஹிதா நாம ஹோதீதி பரவாதி³னோ அதி⁴ப்பாயோ, தம் த³ஸ்ஸேதும் ‘‘ஏகஸ்மிம் தி³வஸே’’திஆதி³ வுத்தம்.

அவிஞ்ஞத்திது³ஸ்ஸீல்யந்திகதா²வண்ணனா நிட்டி²தா.

த³ஸமவக்³க³வண்ணனா நிட்டி²தா.

து³தியோ பண்ணாஸகோ ஸமத்தோ.