2. பச்சனீகானுலோமவண்ணனா

7-10. அஞ்ஞேனாதி ஸம்முதிஸச்சபூ⁴தேன. பரஸ்ஸாதி ஸகவாதி³னோ. ஸோ ஹி பரவாதி³னா பரோ நாம ஹோதி. படிஞ்ஞாபடிக்கே²பானம் பி⁴ன்னவிஸயத்தா ‘‘அவிரோதி⁴தத்தா’’தி வுத்தம். அபி⁴ன்னாதி⁴கரணம் விய ஹி அபி⁴ன்னவிஸயமேவ விருத்³த⁴ம் நாம ஸியா, ந இதரந்தி அதி⁴ப்பாயோ. தமேவத்த²ம் விபா⁴வேதும் ‘‘ந ஹி…பே… ஆபஜ்ஜதீ’’தி ஆஹ. யதி³ ஏவம் கத²மித³ம் நிக்³க³ஹட்டா²னம் ஜாதந்தி ஆஹ ‘‘அத்தனோ பனா’’திஆதி³. தேன படிஞ்ஞாந்தரம் நாம அஞ்ஞமேவேதம் நிக்³க³ஹட்டா²னந்தி த³ஸ்ஸேதி.

பச்சனீகானுலோமவண்ணனா நிட்டி²தா.

ஸுத்³த⁴ஸச்சிகட்ட²வண்ணனா நிட்டி²தா.