7. ஸத்தகனித்³தே³ஸவண்ணனா

203. குஸலேஸு த⁴ம்மேஸூதி ஆதா⁴ரே பு⁴ம்மம், ந விஸயேதி த³ஸ்ஸேந்தோ ‘‘குஸலேஸு த⁴ம்மேஸு அந்தோக³தா⁴’’தி ஆஹ. இதா³னி விஸயலக்க²ணம் ஏதம் பு⁴ம்மந்தி த³ஸ்ஸேந்தோ ‘‘போ³தி⁴பக்கி²யத⁴ம்மேஸு வா’’திஆதி³மாஹ. ‘‘தது³பகாரதாயா’’தி இத³ம் குஸலேஸு த⁴ம்மேஸு ஸாதே⁴தப்³பே³ஸூதி இமமத்த²ம் ஸந்தா⁴ய வுத்தம். உம்முஜ்ஜனபஞ்ஞாயாதி உம்முஜ்ஜாபனபஞ்ஞாய, உம்முஜ்ஜனாகாரேன வா பவத்தபஞ்ஞாய. தேனேவாதி உம்முஜ்ஜனமத்தத்தா ஏவ. யதா² ஹி ஞாணுப்பாதோ³ ஸம்கிலேஸபக்க²தோ உம்முஜ்ஜனம், ஏவம் ஸத்³து⁴ப்பாதோ³பீதி ஆஹ ‘‘ஸத்³தா⁴ஸங்கா²தமேவ உம்முஜ்ஜன’’ந்தி. சித்தவாரோதி சித்தப்பப³ந்த⁴வாரோ. பச்சேகம் டா²னவிபஸ்ஸனாபதரணபதிகா³த⁴ப்பத்தினிட்ட²த்தா தேஸம் புக்³க³லானம் ‘‘அனேகே புக்³க³லா’’தி வுத்தம். கஸ்மா? தேனத்தபா⁴வேன அரஹத்தஸ்ஸ அக்³க³ஹணதோ. ததியபுக்³க³லாதி³பா⁴வந்தி உம்முஜ்ஜித்வா டி²தபுக்³க³லாதி³பா⁴வம்.

ஸத்தகனித்³தே³ஸவண்ணனா நிட்டி²தா.