4. சதுக்கனித்³தே³ஸவண்ணனா

133. பரேனாதி அஞ்ஞேன, ஆணத்தேனாதி அத்தோ². ஆணத்தியா அத்தனா சாதி ஆணாபகஸ்ஸ ஆணத்தியா, அத்தனா ச ஆணத்தேன கதம் தஞ்ச தஸ்ஸ ஆணாபகஸ்ஸ யம் வசீபயோகே³ன கதந்தி யோஜனா. ஆணத்தியா பாபஸ்ஸாதி ஆணாபனவஸேன பஸுதபாபஸ்ஸ.

148. தே³ஸனாய கரணபூ⁴தாய. த⁴ம்மானந்தி தே³ஸனாய யதா²போ³தே⁴தப்³பா³னம் ஸீலாதி³த⁴ம்மானம்.

152. அனந்தரந்தி ஞாணஸ்ஸ உபட்டி²தந்தி அனந்தரம் வுத்தம். கிம் பன தந்தி ஆஹ ‘‘வசன’’ந்தி. லுஜ்ஜதீதி இத³ம் யேன காரணேன லோக-ஸத்³தோ³ தத³த்தே² பவத்தோ, தம் த³ஸ்ஸேதீதி ஆஹ ‘‘காரணயுத்த’’ந்தி.

156. ஸஹிதாஸஹிதஸ்ஸாதி குஸலஸத்³த³யோகே³ன ஸாமிவசனம் பு⁴ம்மத்தே²தி த³ஸ்ஸேந்தோ ஆஹ ‘‘ஸஹிதாஸஹிதேதி அத்தோ²’’தி. ஸஹிதபா⁴ஸனேன தே³ஸகஸம்பத்தி, ஸஹிதாஸஹிதகோஸல்லேன ஸாவகஸம்பத்தி வேதி³தப்³பா³. பரிஸஸம்பத்திபி ஞாணஸம்பன்னஸ்ஸ த⁴ம்மகதி²கஸ்ஸ படிபா⁴னஸம்பதா³ய காரணம் ஹோதீதி ஆஹ ‘‘ஸாவகஸம்பத்தியா போ³தே⁴தும் ஸமத்த²தாயா’’தி.

157. குஸலத⁴ம்மேஹீதி ஸமத²விபஸ்ஸனாத⁴ம்மேஹி. சதுத்தோ² வுத்தோ, யோ நேவ ஸங்க⁴ம் நிமந்தேதி, ந தா³னம் தே³தி.

166. யமித³ம் ‘‘காலேனா’’தி வுத்தந்தி ‘‘யோ தத்த² அவண்ணோ, தம்பி ப⁴ணதி காலேன. யோபி தத்த² வண்ணோ, தம்பி ப⁴ணதி காலேனா’’தி யம் இத³ம் பாளியம் வுத்தம், தத்ர தஸ்மிம் வசனே வாக்யே யோ புக்³க³லோ ‘‘காலேன ப⁴ணதீ’’தி வுத்தோ, ஸோ கீதி³ஸோதி விசாரணாய தஸ்ஸ த³ஸ்ஸனத்த²ம் ‘‘காலஞ்ஞூ ஹோதீ’’திஆதி³ பாளியம் வுத்தந்தி த³ஸ்ஸேந்தோ ஸங்க³ஹே ஆஹாதி யோஜனா.

168. புப்³பு³ப்பன்னபச்சயவிபத்தீதி தஸ்மிம் அத்தபா⁴வே பட²முப்பன்னபச்சயவிபத்தி. தேஸம் விபத்தி பவத்தப்பச்சயவிபத்தீதி யோஜனா.

173. தேஸந்தி பஹீனாவஸிட்ட²கிலேஸானம். விமுத்தித³ஸ்ஸனமேவ ஹோதி விமுத்திஅத்த²த்தா தம்த³ஸ்ஸனஸ்ஸ.

174. தந்தாவுதானம் வத்தா²னந்தி நித்³தா⁴ரணே ஸாமிவசனம்.

178. நாமகாயோதி நாமஸமூஹோ. இத³மேவ ச த்³வயந்தி ஸீலஸம்வரபூரணம், ஸாஜீவாவீதிக்கமனஞ்சாதி இத³மேவ த்³வயம். ததோதி ஸாஜீவாவீதிக்கமனதோ. கதா²ய ஹலித்³த³ராகா³தி³ஸதி³ஸதாதி யோஜனா. தேனாஹ ‘‘ந புக்³க³லஸ்ஸா’’தி.

179. இதி-ஸத்³தே³னாதி ‘‘தா³ருமாஸகோ’’தி ஏத்த² வுத்தஇதி-ஸத்³தே³ன. ஏவம்பகாரேதி இமினாபி ஸலாகாதி³கே ஸங்க³ண்ஹாதி.

181. அவிஸடஸுக²ந்தி அவிக்கே²பஸுக²ம்.

187. க²ந்த⁴த⁴ம்மேஸூதி ஸங்க²தத⁴ம்மேஸு. தத³லாபே⁴னாதி மக்³க³ப²லாலாபே⁴ன. அத்தே²னாதி ஸீலாதி³அத்தே²ன.

சதுக்கனித்³தே³ஸவண்ணனா நிட்டி²தா.