32. க³ருகாபத்திவுட்டா²னவினிச்ச²யகதா²

236. க³ருகாபத்திவுட்டா²னந்தி பரிவாஸமானத்தாதீ³ஹி வினயகம்மேஹி க³ருகாபத்திதோ வுட்டா²னம். தத்த² (சூளவ. அட்ட². 102) திவிதோ⁴ பரிவாஸோ படிச்ச²ன்னபரிவாஸோ ஸுத்³த⁴ந்தபரிவாஸோ ஸமோதா⁴னபரிவாஸோதி. தேஸு படிச்ச²ன்னபரிவாஸோ தாவ யதா²படிச்ச²ன்னாய ஆபத்தியா தா³தப்³போ³. கஸ்ஸசி ஹி ஏகாஹப்படிச்ச²ன்னா ஆபத்தி ஹோதி, கஸ்ஸசி த்³வீஹப்படிச்ச²ன்னா, கஸ்ஸசி ஏகாபத்தி ஹோதி, கஸ்ஸசி த்³வே திஸ்ஸோ ததுத்தரி வா. தஸ்மா படிச்ச²ன்னபரிவாஸம் தே³ந்தேன பட²மம் தாவ படிச்ச²ன்னபா⁴வோ ஜானிதப்³போ³. அயஞ்ஹி ஆபத்தி நாம த³ஸஹாகாரேஹி படிச்ச²ன்னா ஹோதி.

தத்ராயம் மாதிகா – ஆபத்தி ச ஹோதி ஆபத்திஸஞ்ஞீ ச, பகதத்தோ ச ஹோதி பகதத்தஸஞ்ஞீ ச, அனந்தராயிகோ ச ஹோதி அனந்தராயிகஸஞ்ஞீ ச, பஹு ச ஹோதி பஹுஸஞ்ஞீ ச, சா²தே³துகாமோ ச ஹோதி சா²தே³தி சாதி. தத்த² ஆபத்தி ச ஹோதி ஆபத்திஸஞ்ஞீ சாதி யம் ஆபன்னோ, ஸா ஆபத்தியேவ ஹோதி, ஸோபி ச தத்த² ஆபத்திஸஞ்ஞீயேவ. இதி ஜானந்தோ சா²தே³தி, ச²ன்னா ஹோதி, அத² பனாயம் தத்த² அனாபத்திஸஞ்ஞீ, அச்ச²ன்னா ஹோதி. அனாபத்தி பன ஆபத்திஸஞ்ஞாயபி அனாபத்திஸஞ்ஞாயபி சா²தே³ந்தேன அச்சா²தி³தாவ ஹோதி, லஹுகம் வா க³ருகாதி க³ருகம் வா லஹுகாதி சா²தே³தி, அலஜ்ஜிபக்கே² திட்ட²தி, ஆபத்தி பன அச்ச²ன்னா ஹோதி, க³ருகம் லஹுகாதி மஞ்ஞமானோ தே³ஸேதி, நேவ தே³ஸிதா ஹோதி, ந ச²ன்னா, க³ருகம் வா க³ருகாதி ஞத்வா சா²தே³தி, ச²ன்னா ஹோதி, க³ருகலஹுகபா⁴வம் ந ஜானாதி, ஆபத்திம் சா²தே³மீதி சா²தே³தி, ச²ன்னாவ ஹோதி.

பகதத்தோதி திவித⁴ம் உக்கே²பனீயகம்மம் அகதோ. ஸோ சே பகதத்தஸஞ்ஞீ ஹுத்வா சா²தே³தி, ச²ன்னா ஹோதி. அத² ‘‘மய்ஹம் ஸங்கே⁴ன கம்மம் கத’’ந்தி அபகதத்தஸஞ்ஞீ ஹுத்வா சா²தே³தி, அச்ச²ன்னா ஹோதி. அபகதத்தேன பன பகதத்தஸஞ்ஞினா வா அபகதத்தஸஞ்ஞினா வா சா²தி³தாபி அச்ச²ன்னாவ ஹோதி. வுத்தம்பி சேதம் –

‘‘ஆபஜ்ஜதி க³ருகம் ஸாவஸேஸம்,

சா²தே³தி அனாத³ரியம் படிச்ச;

ந பி⁴க்கு²னீ நோ ச பு²ஸேய்ய வஜ்ஜம்,

பஞ்ஹா மேஸா குஸலேஹி சிந்திதா’’தி. (பரி. 481) –

அயஞ்ஹி பஞ்ஹோ உக்கி²த்தகேன கதி²தோ.

அனந்தராயிகோதி யஸ்ஸ த³ஸஸு அந்தராயேஸு ஏகோபி நத்தி², ஸோ சே அனந்தராயிகஸஞ்ஞீ ஹுத்வா சா²தே³தி, ச²ன்னா ஹோதி. ஸசேபி ஸோ பீ⁴ருஜாதிகதாய அந்த⁴காரே அமனுஸ்ஸசண்ட³மிக³ப⁴யேன அந்தராயிகஸஞ்ஞீ ஹுத்வா சா²தே³தி, அச்ச²ன்னாவ ஹோதி. யஸ்ஸபி பப்³ப³தவிஹாரே வஸந்தஸ்ஸ கந்த³ரம் வா நதி³ம் வா அதிக்கமித்வா ஆரோசேதப்³ப³ம் ஹோதி, அந்தராமக்³கே³ ச சண்ட³வாளஅமனுஸ்ஸாதி³ப⁴யம் அத்தி², மக்³கே³ அஜக³ரா நிபஜ்ஜந்தி, நதீ³ பூரா ஹோதி, ஏதஸ்மிம் பன ஸதியேவ அந்தராயே அந்தராயிகஸஞ்ஞீ சா²தே³தி, அச்ச²ன்னா ஹோதி. அந்தராயிகஸ்ஸ பன அந்தராயிகஸஞ்ஞாய சா²த³யதோ அச்ச²ன்னாவ.

பஹூதி ஸோ ஸக்கோதி பி⁴க்கு²னோ ஸந்திகம் க³ந்துஞ்சேவ ஆரோசேதுஞ்ச, ஸோ சே பஹுஸஞ்ஞீ ஹுத்வா சா²தே³தி, ச²ன்னா ஹோதி. ஸசஸ்ஸ முகே² அப்பமத்தகோ க³ண்டோ³ வா ஹோதி, ஹனுகவாதோ வா விஜ்ஜ²தி, த³ந்தோ வா ருஜ்ஜதி, பி⁴க்கா² வா மந்தா³ லத்³தா⁴ ஹோதி, தாவதகேன பன நேவ வத்தும் ந ஸக்கோதி, ந க³ந்தும், அபிச கோ² ‘‘ந ஸக்கோமீ’’தி ஸஞ்ஞீ ஹோதி, அயம் பஹு ஹுத்வா அப்பஹுஸஞ்ஞீ நாம. இமினா சா²தி³தாபி அச்சா²தி³தா. அப்பஹுனா பன வத்தும் வா க³ந்தும் வா அஸமத்தே²ன பஹுஸஞ்ஞினா வா அப்பஹுஸஞ்ஞினா வா சா²தி³தா ஹோதி, அச்சா²தி³தாவ.

சா²தே³துகாமோ ச ஹோதி சா²தே³தி சாதி இத³ம் உத்தானத்த²மேவ. ஸசே பன ‘‘சா²தே³ஸ்ஸாமீ’’தி து⁴ரனிக்கே²பம் கத்வா புரேப⁴த்தே வா பச்சா²ப⁴த்தே வா பட²மயாமாதீ³ஸு வா லஜ்ஜித⁴ம்மம் ஓக்கமித்வா அந்தோஅருணேயேவ ஆரோசேதி, அயம் சா²தே³துகாமோ ந சா²தே³தி நாம. யஸ்ஸ பன அபி⁴க்கு²கே டா²னே வஸந்தஸ்ஸ ஆபஜ்ஜித்வா ஸபா⁴க³ஸ்ஸ பி⁴க்கு²னோ ஆக³மனம் ஆக³மேந்தஸ்ஸ, ஸபா⁴க³ஸ்ஸ ஸந்திகம் வா க³ச்ச²ந்தஸ்ஸ அட்³ட⁴மாஸோபி மாஸோபி அதிக்கமதி, அயம் ந சா²தே³துகாமோ சா²தே³தி நாம, அயம்பி அச்ச²ன்னாவ ஹோதி. யோ பன ஆபன்னமத்தோவ அக்³கி³ம் அக்கந்தபுரிஸோ விய ஸஹஸா பக்கமித்வா ஸபா⁴க³ட்டா²னம் க³ந்த்வா ஆவிகரோதி, அயம் ந சா²தே³துகாமோவ ந சா²தே³தி நாம. ஸசே பன ஸபா⁴க³ம் தி³ஸ்வாபி ‘‘அயம் மே உபஜ்ஜா²யோ வா ஆசரியோ வா’’தி லஜ்ஜாய நாரோசேதி, ச²ன்னாவ ஹோதி ஆபத்தி. உபஜ்ஜா²யாதி³பா⁴வோ ஹி இத⁴ அப்பமாணம், அவேரிஸபா⁴க³மத்தமேவ பமாணம். தஸ்மா அவேரிஸபா⁴க³ஸ்ஸ ஸந்திகே ஆரோசேதப்³பா³. யோ பன விஸபா⁴கோ³ ஹோதி ஸுத்வா பகாஸேதுகாமோ, ஏவரூபஸ்ஸ உபஜ்ஜா²யஸ்ஸபி ஸந்திகே ந ஆரோசேதப்³பா³.

தத்த² புரேப⁴த்தம் வா ஆபத்திம் ஆபன்னோ ஹோது பச்சா²ப⁴த்தம் வா தி³வா வா ரத்திம் வா, யாவ அருணம் ந உக்³க³ச்ச²தி, தாவ ஆரோசேதப்³ப³ம். உத்³த⁴ஸ்தே அருணே படிச்ச²ன்னா ஹோதி, படிச்சா²த³னபச்சயா ச து³க்கடம் ஆபஜ்ஜதி, ஸபா⁴க³ஸங்கா⁴தி³ஸேஸம் ஆபன்னஸ்ஸ பன ஸந்திகே ஆவிகாதும் ந வட்டதி. ஸசே ஆவிகரோதி, ஆபத்தி ஆவிகதா ஹோதி, து³க்கடா பன ந முச்சதி. தஸ்மா ஸுத்³த⁴ஸ்ஸ ஸந்திகே ஆவிகாதப்³பா³. ஆவிகரோந்தோ ச ‘‘துய்ஹம் ஸந்திகே ஏகம் ஆபத்திம் ஆவிகரோமீ’’தி வா ‘‘ஆசிக்கா²மீ’’தி வா ஆரோசேமீ’’தி வா ‘‘மம ஏகம் ஆபத்திம் ஆபன்னபா⁴வம் ஜானாஹீ’’தி வா வத³து, ‘‘ஏகம் க³ருகாபத்திம் ஆவிகரோமீ’’திஆதி³னா வா நயேன வத³து, ஸப்³பே³ஹிபி ஆகாரேஹி அப்படிச்ச²ன்னாவ ஹோதீதி குருந்தி³யம் வுத்தம். ஸசே பன ‘‘லஹுகாபத்திம் ஆவிகரோமீ’’திஆதி³னா நயேன வத³தி, படிச்ச²ன்னாவ ஹோதி. வத்து²ம் ஆரோசேதி, ஆபத்திம் ஆரோசேதி, உப⁴யம் ஆரோசேதி, திவிதே⁴னபி ஆரோசிதாவ ஹோதி.

237. இதி இமானி த³ஸ காரணானி உபபரிக்கி²த்வா படிச்ச²ன்னபரிவாஸம் தே³ந்தேன பட²மமேவ படிச்ச²ன்னபா⁴வோ ஜானிதப்³போ³, ததோ படிச்ச²ன்னதி³வஸே ச ஆபத்தியோ ச ஸல்லக்கே²த்வா ஸசே ஏகாஹப்படிச்ச²ன்னா ஹோதி, ‘‘அஹம், ப⁴ந்தே, ஏகம் ஆபத்திம் ஆபஜ்ஜிம் ஸஞ்சேதனிகம் ஸுக்கவிஸ்ஸட்டி²ம் ஏகாஹப்படிச்ச²ன்ன’’ந்தி ஏவம் யாசாபேத்வா க²ந்த⁴கே (சூளவ. 98) ஆக³தனயேனேவ கம்மவாசம் வத்வா பரிவாஸோ தா³தப்³போ³. அத² த்³வீஹதீஹாதி³படிச்ச²ன்னா ஹோதி, ‘‘த்³வீஹப்படிச்ச²ன்னம், தீஹப்படிச்ச²ன்னம், சதூஹப்படிச்ச²ன்னம், பஞ்சாஹப்படிச்ச²ன்னம்…பே… சுத்³த³ஸாஹப்படிச்ச²ன்ன’’ந்தி ஏவம் யாவ சுத்³த³ஸதி³வஸானி தி³வஸவஸேன யோஜனா காதப்³பா³, பஞ்சத³ஸதி³வஸபடிச்ச²ன்னாய ‘‘பக்க²படிச்ச²ன்ன’’ந்தி யோஜனா காதப்³பா³. ததோ யாவ ஏகூனதிம்ஸதிமோ தி³வஸோ, தாவ ‘‘அதிரேகபக்க²படிச்ச²ன்ன’’ந்தி, ததோ ‘‘மாஸபடிச்ச²ன்னம், அதிரேகமாஸபடிச்ச²ன்னம், த்³வேமாஸபடிச்ச²ன்னம், அதிரேகத்³வேமாஸபடிச்ச²ன்னம், தேமாஸ…பே… அதிரேகஏகாத³ஸமாஸபடிச்ச²ன்ன’’ந்தி ஏவம் யோஜனா காதப்³பா³. ஸம்வச்ச²ரே புண்ணே ‘‘ஏகஸம்வச்ச²ரபடிச்ச²ன்ன’’ந்தி, ததோ பரம் ‘‘அதிரேகஸம்வச்ச²ரம், த்³வேஸம்வச்ச²ர’’ந்தி ஏவம் யாவ ‘‘ஸட்டி²ஸம்வச்ச²ரம், அதிரேகஸட்டி²ஸம்வச்ச²ரபடிச்ச²ன்ன’’ந்தி வா ததோ வா பி⁴ய்யோபி வத்வா யோஜனா காதப்³பா³.

ஸசே பன த்³வே திஸ்ஸோ ததுத்தரி வா ஆபத்தியோ ஹோந்தி, யதா² ‘‘ஏகம் ஆபத்தி’’ந்தி வுத்தம், ஏவம் ‘‘த்³வே ஆபத்தியோ, திஸ்ஸோ ஆபத்தியோ’’தி வத்தப்³ப³ம். ததோ பரம் பன ஸதம் வா ஹோது ஸஹஸ்ஸம் வா, ‘‘ஸம்ப³ஹுலா’’தி வத்தும் வட்டதி. நானாவத்து²காஸுபி ‘‘அஹம், ப⁴ந்தே, ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜிம் ஏகம் ஸுக்கவிஸ்ஸட்டி²ம், ஏகம் காயஸம்ஸக்³க³ம், ஏகம் து³ட்டு²ல்லவாசம், ஏகம் அத்தகாமம், ஏகம் ஸஞ்சரித்தம், ஏகாஹப்படிச்ச²ன்னாயோ’’தி ஏவம் க³ணனவஸேன வா ‘‘அஹம், ப⁴ந்தே, ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜிம் நானாவத்து²கா ஏகாஹப்படிச்ச²ன்னாயோ’’தி ஏவம் வத்து²கித்தனவஸேன வா ‘‘அஹம், ப⁴ந்தே, ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜிம் ஏகாஹப்படிச்ச²ன்னாயோ’’தி ஏவம் நாமமத்தவஸேன வா யோஜனா காதப்³பா³. தத்த² நாமம் து³வித⁴ம் ஸஜாதிஸாதா⁴ரணம் ஸப்³ப³ஸாதா⁴ரணஞ்ச. தத்த² ஸங்கா⁴தி³ஸேஸோதி ஸஜாதிஸாதா⁴ரணம். ஆபத்தீதி ஸப்³ப³ஸாதா⁴ரணம். தஸ்மா ‘‘ஸம்ப³ஹுலா ஆபத்தியோ ஆபஜ்ஜிம் ஏகாஹப்படிச்ச²ன்னாயோ’’தி ஏவம் ஸப்³ப³ஸாதா⁴ரணனாமவஸேனபி வட்டதி. இத³ஞ்ஹி பரிவாஸாதி³வினயகம்மம் வத்து²வஸேன கோ³த்தவஸேன நாமவஸேன ஆபத்திவஸேன ச காதும் வட்டதியேவ.

தத்த² ஸுக்கவிஸ்ஸட்டீ²தி வத்து² சேவ கோ³த்தஞ்ச. ஸங்கா⁴தி³ஸேஸோதி நாமஞ்சேவ ஆபத்தி ச. தத்த² ‘‘ஸுக்கவிஸ்ஸட்டி²ம் காயஸம்ஸக்³க³’’ந்திஆதி³னா வசனேனபி ‘‘நானாவத்து²காயோ’’தி வசனேனபி வத்து² சேவ கோ³த்தஞ்ச க³ஹிதம் ஹோதி. ‘‘ஸங்கா⁴தி³ஸேஸோ’’தி வசனேனபி ‘‘ஆபத்தியோ’’தி வசனேனபி நாமஞ்சேவ ஆபத்தி ச க³ஹிதா ஹோதி. தஸ்மா ஏதேஸு யஸ்ஸ கஸ்ஸசி வஸேன கம்மவாசா காதப்³பா³. இத⁴ பன ஸப்³பா³பத்தீனம் ஸாதா⁴ரணவஸேன ஸம்ப³ஹுலனயேனேவ ச ஸப்³ப³த்த² கம்மவாசம் யோஜேத்வா த³ஸ்ஸயிஸ்ஸாம. ஏகஞ்ஹி ஆபத்திம் ஆபஜ்ஜித்வா ‘‘ஸம்ப³ஹுலா’’தி வினயகம்மம் கரோந்தஸ்ஸபி வுட்டா²தி ஏகம் வினா ஸம்ப³ஹுலானம் அபா⁴வதோ. ஸம்ப³ஹுலா பன ஆபஜ்ஜித்வா ‘‘ஏகம் ஆபஜ்ஜி’’ந்தி கரோந்தஸ்ஸ ந வுட்டா²தி, தஸ்மா ஸம்ப³ஹுலனயேனேவ யோஜயிஸ்ஸாம. ஸேய்யதி²த³ம் – படிச்ச²ன்னபரிவாஸம் தே³ந்தேன ஸசே ஏகாஹப்படிச்ச²ன்னா ஆபத்தி ஹோதி.

‘‘அஹம், ப⁴ந்தே, ஸம்ப³ஹுலா ஆபத்தியோ ஆபஜ்ஜிம் ஏகாஹப்படிச்ச²ன்னாயோ, ஸோஹம், ப⁴ந்தே, ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் யாசாமி. அஹம், ப⁴ந்தே, ஸம்ப³ஹுலா ஆபத்தியோ ஆபஜ்ஜிம் ஏகாஹப்படிச்ச²ன்னாயோ, து³தியம்பி, ப⁴ந்தே, ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் யாசாமி. அஹம், ப⁴ந்தே, ஸம்ப³ஹுலா ஆபத்தியோ ஆபஜ்ஜிம் ஏகாஹப்படிச்ச²ன்னாயோ, ததியம்பி, ப⁴ந்தே, ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் யாசாமீதி –

ஏவம் திக்க²த்தும் யாசாபேத்வா –

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஆபத்தியோ ஆபஜ்ஜி ஏகாஹப்படிச்ச²ன்னாயோ, ஸோ ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் யாசதி, யதி³ ஸங்க⁴ஸ்ஸ பத்தகல்லம், ஸங்கோ⁴ இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் த³தே³ய்ய, ஏஸா ஞத்தி.

‘‘து³தியம்பி ஏதமத்த²ம் வதா³மி…பே… ததியம்பி ஏதமத்த²ம் வதா³மி…பே….

‘‘தி³ன்னோ ஸங்கே⁴ன இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸோ, க²மதி ஸங்க⁴ஸ்ஸ, தஸ்மா துண்ஹீ, ஏவமேதம் தா⁴ரயாமீ’’தி –

ஏவம் யோ யோ ஆபன்னோ ஹோதி, தஸ்ஸ தஸ்ஸ நாமம் க³ஹேத்வா கம்மவாசா காதப்³பா³.

கம்மவாசாபரியோஸானே ச தேன பி⁴க்கு²னா மாளகஸீமாயமேவ ‘‘பரிவாஸம் ஸமாதி³யாமி, வத்தம் ஸமாதி³யாமீ’’தி வத்தம் ஸமாதா³தப்³ப³ம், ஸமாதி³யித்வா தத்தே²வ ஸங்க⁴ஸ்ஸ ஆரோசேதப்³ப³ம். ஆரோசேந்தேன ச –

ஏவம் ஆரோசேதப்³ப³ம். இமஞ்ச அத்த²ம் க³ஹேத்வா யாய காயசி வாசாய ஆரோசேதும் வட்டதியேவ.

ஆரோசேத்வா (சூளவ. அட்ட². 102) ஸசே நிக்கி²பிதுகாமோ ஹோதி, ‘‘பரிவாஸம் நிக்கி²பாமி, வத்தம் நிக்கி²பாமீ’’தி நிக்கி²பிதப்³ப³ம். ஏகபதே³னபி சேத்த² நிக்கி²த்தோ ஹோதி பரிவாஸோ, த்³வீஹி பன ஸுனிக்கி²த்தோயேவ. ஸமாதா³னேபி ஏஸேவ நயோ. நிக்கி²த்தகாலதோ பட்டா²ய பகதத்தட்டா²னே திட்ட²தி. மாளகதோ பி⁴க்கூ²ஸு நிக்க²ந்தேஸு ஏகஸ்ஸபி ஸந்திகே நிக்கி²பிதும் வட்டதி, மாளகதோ நிக்க²மித்வா ஸதிம் படிலப⁴ந்தேன ஸஹக³ச்ச²ந்தஸ்ஸ ஸந்திகே நிக்கி²பிதப்³ப³ம். ஸசே ஸோபி பக்கந்தோ, அஞ்ஞஸ்ஸ யஸ்ஸ மாளகே நாரோசிதம், தஸ்ஸ ஆரோசேத்வா நிக்கி²பிதப்³ப³ம். ஆரோசேந்தேன ச அவஸானே ‘‘வேதி³யதீதி மம் ஆயஸ்மா தா⁴ரேதூ’’தி வத்தப்³ப³ம். த்³வின்னம் ஆரோசேந்தேன ‘‘ஆயஸ்மந்தா தா⁴ரேந்தூ’’தி, திண்ணம் ஆரோசேந்தேன ‘‘ஆயஸ்மந்தோ தா⁴ரேந்தூ’’தி வத்தப்³ப³ம். ஸசே அப்பபி⁴க்கு²கோ விஹாரோ ஹோதி, ஸபா⁴கா³ பி⁴க்கூ² வஸந்தி, வத்தம் அனிக்கி²பித்வா விஹாரேயேவ ரத்திபரிக்³க³ஹோ காதப்³போ³. அத² ந ஸக்கா ஸோதே⁴தும், வுத்தனயேனேவ வத்தம் நிக்கி²பித்வா பச்சூஸஸமயே ஏகேன பி⁴க்கு²னா ஸத்³தி⁴ம் பரிக்கி²த்தஸ்ஸ விஹாரஸ்ஸ பரிக்கே²பதோ, அபரிக்கி²த்தஸ்ஸ விஹாரஸ்ஸ பரிக்கே²பாரஹட்டா²னதோ த்³வே லேட்³டு³பாதே அதிக்கமித்வா மஹாமக்³க³தோ ஓக்கம்ம கு³ம்பே³ன வா வதியா வா படிச்ச²ன்னட்டா²னே நிஸீதி³தப்³ப³ம், அந்தோஅருணேயேவ வுத்தனயேன வத்தம் ஸமாதி³யித்வா ஆரோசேதப்³ப³ம். ஆரோசேந்தேன ஸசே நவகதரோ ஹோதி, ‘‘ஆவுஸோ’’தி வத்தப்³ப³ம். ஸசே வுட்³ட⁴தரோ, ‘‘ப⁴ந்தே’’தி வத்தப்³ப³ம். ஸசே அஞ்ஞோ கோசி பி⁴க்கு² கேனசிதே³வ கரணீயேன தம் டா²னம் ஆக³ச்ச²தி, ஸசே ஏஸ தம் பஸ்ஸதி, ஸத்³த³ம் வாஸ்ஸ ஸுணாதி, ஆரோசேதப்³ப³ம், அனாரோசேந்தஸ்ஸ ரத்திச்சே²தோ³ சேவ வத்தபே⁴தோ³ ச. அத² த்³வாத³ஸஹத்த²ம் உபசாரம் ஓக்கமித்வா அஜானந்தஸ்ஸேவ க³ச்ச²தி, ரத்திச்சே²தோ³ ஹோதியேவ, வத்தபே⁴தோ³ பன நத்தி², உக்³க³தே அருணே வத்தம் நிக்கி²பிதப்³ப³ம். ஸசே ஸோ பி⁴க்கு² கேனசிதே³வ கரணீயேன பக்கந்தோ ஹோதி, யம் அஞ்ஞம் ஸப்³ப³பட²மம் பஸ்ஸதி, தஸ்ஸ ஆரோசேத்வா நிக்கி²பிதப்³ப³ம். விஹாரம் க³ந்த்வாபி யம் பட²மம் பஸ்ஸதி, தஸ்ஸ ஆரோசேத்வா நிக்கி²பிதப்³ப³ம். அயம் நிக்கி²த்தவத்தஸ்ஸ பரிஹாரோ.

238. ஏவம் யத்தகானி தி³வஸானி ஆபத்தி படிச்ச²ன்னா ஹோதி, தத்தகானி ததோ அதி⁴கதரானி வா குக்குச்சவினோத³னத்தா²ய பரிவஸித்வா ஸங்க⁴ம் உபஸங்கமித்வா வத்தம் ஸமாதி³யித்வா மானத்தம் யாசிதப்³ப³ம். அயஞ்ஹி வத்தே ஸமாதி³ன்னே ஏவ மானத்தாரஹோ ஹோதி நிக்கி²த்தவத்தேன பரிவுத்த²த்தா. அனிக்கி²த்தவத்தஸ்ஸ பன புன ஸமாதா³னகிச்சம் நத்தி². ஸோ ஹி படிச்ச²ன்னதி³வஸாதிக்கமேனேவ மானத்தாரஹோ ஹோதி, தஸ்மா தஸ்ஸ மானத்தம் தா³தப்³ப³மேவ. தம் தே³ந்தேன –

‘‘அஹம், ப⁴ந்தே, ஸம்ப³ஹுலா ஆபத்தியோ ஆபஜ்ஜிம் ஏகாஹப்படிச்ச²ன்னாயோ, ஸோஹம் ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் யாசிம், தஸ்ஸ மே ஸங்கோ⁴ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் அதா³ஸி, ஸோஹம், ப⁴ந்தே, பரிவுத்த²பரிவாஸோ ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் சா²ரத்தம் மானத்தம் யாசாமி. அஹம், ப⁴ந்தே…பே… ஸோஹம் பரிவுத்த²பரிவாஸோ, து³தியம்பி, ப⁴ந்தே, ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் சா²ரத்தம் மானத்தம் யாசாமி. அஹம், ப⁴ந்தே…பே… ஸோஹம் பரிவுத்த²பரிவாஸோ, ததியம்பி, ப⁴ந்தே, ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் சா²ரத்தம் மானத்தம் யாசாமீ’’தி –

ஏவம் திக்க²த்தும் யாசாபேத்வா –

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஆபத்தியோ ஆபஜ்ஜி ஏகாஹப்படிச்ச²ன்னாயோ, ஸோ ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் அதா³ஸி, ஸோ பரிவுத்த²பரிவாஸோ ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் சா²ரத்தம் மானத்தம் யாசதி, ஸங்கோ⁴ இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் சா²ரத்தம் மானத்தம் தே³தி, யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் சா²ரத்தம் மானத்தஸ்ஸ தா³னம், ஸோ துண்ஹஸ்ஸ. யஸ்ஸ நக்க²மதி, ஸோ பா⁴ஸேய்ய.

‘‘து³தியம்பி ஏதமத்த²ம் வதா³மி…பே… ததியம்பி ஏதமத்த²ம் வதா³மி…பே….

‘‘தி³ன்னம் ஸங்கே⁴ன இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் சா²ரத்தம் மானத்தம், க²மதி ஸங்க⁴ஸ்ஸ, தஸ்மா துண்ஹீ, ஏவமேதம் தா⁴ரயாமீ’’தி –

ஏவம் கம்மவாசா காதப்³பா³.

கம்மவாசாபரியோஸானே ச தேன பி⁴க்கு²னா மாளகஸீமாயமேவ ‘‘மானத்தம் ஸமாதி³யாமி, வத்தம் ஸமாதி³யாமீ’’தி வத்தம் ஸமாதா³தப்³ப³ம், ஸமாதி³யித்வா தத்தே²வ ஸங்க⁴ஸ்ஸ ஆரோசேதப்³ப³ம். ஆரோசேந்தேன ச –

‘‘அஹம், ப⁴ந்தே, ஸம்ப³ஹுலா ஆபத்தியோ ஆபஜ்ஜிம் ஏகாஹப்படிச்ச²ன்னாயோ, ஸோஹம் ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் யாசிம், தஸ்ஸ மே ஸங்கோ⁴ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் அதா³ஸி, ஸோஹம் பரிவுத்த²பரிவாஸோ ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் சா²ரத்தம் மானத்தம் யாசிம், தஸ்ஸ மே ஸங்கோ⁴ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் சா²ரத்தம் மானத்தம் அதா³ஸி, ஸோஹம் மானத்தம் சராமி, வேதி³யாமஹம் ப⁴ந்தே, வேதி³யதீதி மம் ஸங்கோ⁴ தா⁴ரேதூ’’தி –

ஏவம் ஆரோசேதப்³ப³ம். இமஞ்ச பன அத்த²ம் க³ஹேத்வா யாய காயசி வாசாய ஆரோசேதும் வட்டதியேவ.

ஆரோசேத்வா ஸசே நிக்கி²பிதுகாமோ ஹோதி, ‘‘மானத்தம் நிக்கி²பாமி, வத்தம் நிக்கி²பாமீ’’தி ஸங்க⁴மஜ்ஜே² நிக்கி²பிதப்³ப³ம். மாளகதோ பி⁴க்கூ²ஸு நிக்க²ந்தேஸு ஏகஸ்ஸபி ஸந்திகே நிக்கி²பிதும் வட்டதி. மாளகதோ நிக்க²மித்வா ஸதிம் படிலப⁴ந்தேன ஸஹக³ச்ச²ந்தஸ்ஸ ஸந்திகே நிக்கி²பிதப்³ப³ம். ஸசே ஸோபி பக்கந்தோ, அஞ்ஞஸ்ஸ யஸ்ஸ மாளகே நாரோசிதம், தஸ்ஸ ஆரோசேத்வா நிக்கி²பிதப்³ப³ம். ஆரோசேந்தேன பன அவஸானே ‘‘வேதி³யதீதி மம் ஆயஸ்மா தா⁴ரேதூ’’தி வத்தப்³ப³ம். த்³வின்னம் ஆரோசேந்தேன ‘‘ஆயஸ்மந்தா தா⁴ரேந்தூ’’தி, திண்ணம் ஆரோசேந்தேன ‘‘ஆயஸ்மந்தோ தா⁴ரேந்தூ’’தி வத்தப்³ப³ம். நிக்கி²த்தகாலதோ பட்டா²ய பகதத்தட்டா²னே திட்ட²தி. ஸசே அப்பபி⁴க்கு²கோ விஹாரோ ஹோதி, ஸபா⁴கா³ பி⁴க்கூ² வஸந்தி, வத்தம் அனிக்கி²பித்வா அந்தோவிஹாரேயேவ ரத்தியோ க³ணேதப்³பா³. அத² ந ஸக்கா ஸோதே⁴தும், வுத்தனயேனேவ வத்தம் நிக்கி²பித்வா பச்சூஸஸமயே சதூஹி பஞ்சஹி வா பி⁴க்கூ²ஹி ஸத்³தி⁴ம் பரிக்கி²த்தஸ்ஸ விஹாரஸ்ஸ பரிக்கே²பதோ, அபரிக்கி²த்தஸ்ஸ பரிக்கே²பாரஹட்டா²னதோ த்³வே லேட்³டு³பாதே அதிக்கமித்வா மஹாமக்³க³தோ ஓக்கம்ம கு³ம்பே³ன வா வதியா வா படிச்ச²ன்னட்டா²னே நிஸீதி³தப்³ப³ம், அந்தோஅருணேயேவ வுத்தனயேன வத்தம் ஸமாதி³யித்வா ஆரோசேதப்³ப³ம். ஸசே அஞ்ஞோ கோசி பி⁴க்கு² கேனசிதே³வ கரணீயேன தம் டா²னம் ஆக³ச்ச²தி, ஸசே ஏஸ தம் பஸ்ஸதி, ஸத்³த³ம் வாஸ்ஸ ஸுணாதி, ஆரோசேதப்³ப³ம். அனாரோசேந்தஸ்ஸ ரத்திச்சே²தோ³ சேவ வத்தபே⁴தோ³ ச, அத² த்³வாத³ஸஹத்த²ம் உபசாரம் ஓக்கமித்வா அஜானந்தஸ்ஸேவ க³ச்ச²தி, ரத்திச்சே²தோ³ ஹோதி ஏவ, வத்தபே⁴தோ³ பன நத்தி². ஆரோசிதகாலதோ பட்டா²ய ஏகம் பி⁴க்கு²ம் ட²பேத்வா ஸேஸேஹி ஸதி கரணீயே க³ந்தும்பி வட்டதி, அருணே உட்டி²தே தஸ்ஸ பி⁴க்கு²ஸ்ஸ ஸந்திகே வத்தம் நிக்கி²பிதப்³ப³ம். ஸசே ஸோபி கேனசி கம்மேன புரே அருணேயேவ க³ச்ச²தி, அஞ்ஞம் விஹாரதோ நிக்க²ந்தம் வா ஆக³ந்துகம் வா யம் பட²மம் பஸ்ஸதி, தஸ்ஸ ஸந்திகே ஆரோசேத்வா வத்தம் நிக்கி²பிதப்³ப³ம். அயஞ்ச யஸ்மா க³ணஸ்ஸ ஆரோசேத்வா பி⁴க்கூ²னஞ்ச அத்தி²பா⁴வம் ஸல்லக்கே²த்வாவ வஸி, தேனஸ்ஸ ஊனே க³ணே சரணதோ³ஸோ வா விப்பவாஸோ வா ந ஹோதி. ஸசே ந கஞ்சி பஸ்ஸதி, விஹாரம் க³ந்த்வாபி யம் பட²மம் பஸ்ஸதி, தஸ்ஸ ஆரோசேத்வா நிக்கி²பிதப்³ப³ம். அயம் நிக்கி²த்தவத்தஸ்ஸ பரிஹாரோ.

239. ஏவம் சா²ரத்தம் மானத்தம் அக²ண்ட³ம் சரித்வா யத்த² ஸியா வீஸதிக³ணோ பி⁴க்கு²ஸங்கோ⁴, தத்த² ஸோ பி⁴க்கு² அப்³பே⁴தப்³போ³. அப்³பே⁴ந்தேஹி ச பட²மம் அப்³பா⁴னாரஹோ காதப்³போ³. அயஞ்ஹி நிக்கி²த்தவத்தத்தா பகதத்தட்டா²னே டி²தோ, பகதத்தஸ்ஸ ச அப்³பா⁴னம் காதும் ந வட்டதி, தஸ்மா வத்தம் ஸமாதா³பேதப்³போ³, வத்தே ஸமாதி³ன்னே அப்³பா⁴னாரஹோ ஹோதி. தேனபி வத்தம் ஸமாதி³யித்வா ஆரோசேத்வா அப்³பா⁴னம் யாசிதப்³ப³ம். அனிக்கி²த்தவத்தஸ்ஸ புன வத்தஸமாதா³னகிச்சம் நத்தி². ஸோ ஹி சா²ரத்தாதிக்கமேனேவ அப்³பா⁴னாரஹோ ஹோதி, தஸ்மா ஸோ அப்³பே⁴தப்³போ³. அப்³பே⁴ந்தேன ச –

‘‘அஹம், ப⁴ந்தே, ஸம்ப³ஹுலா ஆபத்தியோ ஆபஜ்ஜிம் ஏகாஹப்படிச்ச²ன்னாயோ, ஸோஹம் ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் யாசிம், தஸ்ஸ மே ஸங்கோ⁴ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் அதா³ஸி, ஸோஹம் பரிவுத்த²பரிவாஸோ ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் சா²ரத்தம் மானத்தம் யாசிம், தஸ்ஸ மே ஸங்கோ⁴ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் சா²ரத்தம் மானத்தம் அதா³ஸி, ஸோஹம், ப⁴ந்தே, சிண்ணமானத்தோ ஸங்க⁴ம் அப்³பா⁴னம் யாசாமி. அஹம், ப⁴ந்தே…பே… ஸோஹம் சிண்ணமானத்தோ து³தியம்பி, ப⁴ந்தே, ஸங்க⁴ம் அப்³பா⁴னம் யாசாமி. அஹம், ப⁴ந்தே…பே… ஸோஹம் சிண்ணமானத்தோ ததியம்பி, ப⁴ந்தே, ஸங்க⁴ம் அப்³பா⁴னம் யாசாமீ’’தி –

ஏவம் திக்க²த்தும் யாசாபேத்வா –

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஆபத்தியோ ஆபஜ்ஜி ஏகாஹப்படிச்ச²ன்னாயோ, ஸோ ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் அதா³ஸி, ஸோ பரிவுத்த²பரிவாஸோ ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் சா²ரத்தம் மானத்தம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் சா²ரத்தம் மானத்தம் அதா³ஸி, ஸோ சிண்ணமானத்தோ ஸங்க⁴ம் அப்³பா⁴னம் யாசதி, யதி³ ஸங்க⁴ஸ்ஸ பத்தகல்லம், ஸங்கோ⁴ இத்த²ன்னாமம் பி⁴க்கு²ம் அப்³பே⁴ய்ய, ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஆபத்தியோ ஆபஜ்ஜி ஏகாஹப்படிச்ச²ன்னாயோ, ஸோ ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் அதா³ஸி, ஸோ பரிவுத்த²பரிவாஸோ ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் சா²ரத்தம் மானத்தம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் சா²ரத்தம் மானத்தம் அதா³ஸி, ஸோ சிண்ணமானத்தோ ஸங்க⁴ம் அப்³பா⁴னம் யாசதி, ஸங்கோ⁴ இத்த²ன்னாமம் பி⁴க்கு²ம் அப்³பே⁴தி, யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ அப்³பா⁴னம், ஸோ துண்ஹஸ்ஸ. யஸ்ஸ நக்க²மதி, ஸோ பா⁴ஸேய்ய.

‘‘து³தியம்பி ஏதமத்த²ம் வதா³மி…பே… ததியம்பி ஏதமத்த²ம் வதா³மி…பே….

‘‘அப்³பி⁴தோ ஸங்கே⁴ன இத்த²ன்னாமோ பி⁴க்கு², க²மதி ஸங்க⁴ஸ்ஸ, தஸ்மா துண்ஹீ, ஏவமேதம் தா⁴ரயாமீ’’தி –

ஏவம் கம்மவாசா காதப்³பா³.

ஏவம் தாவ ஏகாஹப்படிச்ச²ன்னாய ஆபத்தியா படிச்ச²ன்னபரிவாஸோ மானத்ததா³னம் அப்³பா⁴னஞ்ச வேதி³தப்³ப³ம். இமினாவ நயேன த்³வீஹாதி³படிச்ச²ன்னாஸுபி தத³னுரூபா கம்மவாசா காதப்³பா³.

240. ஸசே பன அப்படிச்ச²ன்னா ஆபத்தி ஹோதி, பரிவாஸம் அத³த்வா மானத்தமேவ த³த்வா சிண்ணமானத்தோ அப்³பே⁴தப்³போ³. கத²ம்? மானத்தம் தே³ந்தேன தாவ –

‘‘அஹம், ப⁴ந்தே, ஸம்ப³ஹுலா ஆபத்தியோ ஆபஜ்ஜிம் அப்படிச்ச²ன்னாயோ, ஸோஹம், ப⁴ந்தே, ஸங்க⁴ம் ஸம்ப³ஹுலானம் ஆபத்தீனம் அப்படிச்ச²ன்னானம் சா²ரத்தம் மானத்தம் யாசாமி. அஹம், ப⁴ந்தே…பே… து³தியம்பி, ப⁴ந்தே, ஸங்க⁴ம் ஸம்ப³ஹுலானம் ஆபத்தீனம் அப்படிச்ச²ன்னானம் சா²ரத்தம் மானத்தம் யாசாமி. அஹம், ப⁴ந்தே…பே… ததியம்பி, ப⁴ந்தே, ஸங்க⁴ம் ஸம்ப³ஹுலானம் ஆபத்தீனம் அப்படிச்ச²ன்னானம் சா²ரத்தம் மானத்தம் யாசாமீ’’தி –

திக்க²த்தும் யாசாபேத்வா –

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஆபத்தியோ ஆபஜ்ஜி அப்படிச்ச²ன்னாயோ, ஸோ ஸங்க⁴ம் ஸம்ப³ஹுலானம் ஆபத்தீனம் அப்படிச்ச²ன்னானம் சா²ரத்தம் மானத்தம் யாசதி, ஸங்கோ⁴ இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் அப்படிச்ச²ன்னானம் சா²ரத்தம் மானத்தம் தே³தி, யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் அப்படிச்ச²ன்னானம் சா²ரத்தம் மானத்தஸ்ஸ தா³னம், ஸோ துண்ஹஸ்ஸ. யஸ்ஸ நக்க²மதி, ஸோ பா⁴ஸேய்ய.

‘‘து³தியம்பி ஏதமத்த²ம் வதா³மி…பே… ததியம்பி ஏதமத்த²ம் வதா³மி…பே….

‘‘தி³ன்னம் ஸங்கே⁴ன இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் அப்படிச்ச²ன்னானம் சா²ரத்தம் மானத்தம், க²மதி ஸங்க⁴ஸ்ஸ, தஸ்மா துண்ஹீ, ஏவமேதம் தா⁴ரயாமீ’’தி –

ஏவம் கம்மவாசா காதப்³பா³.

கம்மவாசாபரியோஸானே ச வத்தஸமாதா³னம் வத்தனிக்கே²போ மானத்தசரணஞ்ச ஸப்³ப³ம் வுத்தனயேனேவ வேதி³தப்³ப³ம். ஆரோசேந்தேன பன –

ஏவம் ஆரோசேதப்³ப³ம்.

ஏகஸ்ஸ த்³வின்னம் திண்ணம் வா ஆரோசேந்தேன படிச்ச²ன்னமானத்தே வுத்தனயேனேவ ஆரோசேதப்³ப³ம். சிண்ணமானத்தோ ச யத்த² ஸியா வீஸதிக³ணோ பி⁴க்கு²ஸங்கோ⁴, தத்த² ஸோ அப்³பே⁴தப்³போ³. அப்³பே⁴ந்தேன ச –

‘‘அஹம், ப⁴ந்தே, ஸம்ப³ஹுலா ஆபத்தியோ ஆபஜ்ஜிம் அப்படிச்ச²ன்னாயோ, ஸோஹம் ஸங்க⁴ம் ஸம்ப³ஹுலானம் ஆபத்தீனம் அப்படிச்ச²ன்னானம் சா²ரத்தம் மானத்தம் யாசிம், தஸ்ஸ மே ஸங்கோ⁴ ஸம்ப³ஹுலானம் ஆபத்தீனம் அப்படிச்ச²ன்னானம் சா²ரத்தம் மானத்தம் அதா³ஸி, ஸோஹம் சிண்ணமானத்தோ ஸங்க⁴ம் அப்³பா⁴னம் யாசாமி. அஹம், ப⁴ந்தே…பே… ஸோஹம் சிண்ணமானத்தோ து³தியம்பி, ப⁴ந்தே, ஸங்க⁴ம் அப்³பா⁴னம் யாசாமி. அஹம், ப⁴ந்தே…பே… ஸோஹம் சிண்ணமானத்தோ ததியம்பி, ப⁴ந்தே, ஸங்க⁴ம் அப்³பா⁴னம் யாசாமீ’’தி –

ஏவம் திக்க²த்தும் யாசாபேத்வா –

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஆபத்தியோ ஆபஜ்ஜி அப்படிச்ச²ன்னாயோ, ஸோ ஸங்க⁴ம் ஸம்ப³ஹுலானம் ஆபத்தீனம் அப்படிச்ச²ன்னானம் சா²ரத்தம் மானத்தம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் அப்படிச்ச²ன்னானம் சா²ரத்தம் மானத்தம் அதா³ஸி, ஸோ சிண்ணமானத்தோ ஸங்க⁴ம் அப்³பா⁴னம் யாசதி, யதி³ ஸங்க⁴ஸ்ஸ பத்தகல்லம், ஸங்கோ⁴ இத்த²ன்னாமம் பி⁴க்கு²ம் அப்³பே⁴ய்ய, ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஆபத்தியோ ஆபஜ்ஜி அப்படிச்ச²ன்னாயோ, ஸோ ஸங்க⁴ம் ஸம்ப³ஹுலானம் ஆபத்தீனம் அப்படிச்ச²ன்னானம் சா²ரத்தம் மானத்தம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் அப்படிச்ச²ன்னானம் சா²ரத்தம் மானத்தம் அதா³ஸி, ஸோ சிண்ணமானத்தோ ஸங்க⁴ம் அப்³பா⁴னம் யாசதி, ஸங்கோ⁴ இத்த²ன்னாமம் பி⁴க்கு²ம் அப்³பே⁴தி, யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ அப்³பா⁴னம், ஸோ துண்ஹஸ்ஸ. யஸ்ஸ நக்க²மதி, ஸோ பா⁴ஸேய்ய.

‘‘து³தியம்பி ஏதமத்த²ம் வதா³மி…பே… ததியம்பி ஏதமத்த²ம் வதா³மி…பே….

அப்³பி⁴தோ ஸங்கே⁴ன இத்த²ன்னாமோ பி⁴க்கு², க²மதி ஸங்க⁴ஸ்ஸ, தஸ்மா துண்ஹீ, ஏவமேதம் தா⁴ரயாமீ’’தி –

ஏவம் கம்மவாசம் வத்வா அப்³பே⁴தப்³போ³. ஏவம் அப்படிச்ச²ன்னாய ஆபத்தியா வுட்டா²னம் வேதி³தப்³ப³ம்.

241. ஸசே கஸ்ஸசி ஏகாபத்தி படிச்ச²ன்னா ஹோதி, ஏகா அப்படிச்ச²ன்னா, தஸ்ஸ படிச்ச²ன்னாய ஆபத்தியா பரிவாஸம் த³த்வா பரிவுத்த²பரிவாஸஸ்ஸ மானத்தம் தே³ந்தேன அப்படிச்ச²ன்னாபத்திம் படிச்ச²ன்னாபத்தியா ஸமோதா⁴னேத்வாபி தா³தும் வட்டதி. கத²ம்? ஸசே படிச்ச²ன்னாபத்தி ஏகாஹப்படிச்ச²ன்னா ஹோதி –

திக்க²த்தும் யாசாபேத்வா –

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஆபத்தியோ ஆபஜ்ஜி ஏகாஹப்படிச்ச²ன்னாயோ, ஸோ ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் அதா³ஸி, ஸோ பரிவுத்த²பரிவாஸோ, அயம் இத்த²ன்னாமோ பி⁴க்கு² ஸம்ப³ஹுலா ஆபத்தியோ ஆபஜ்ஜி அப்படிச்ச²ன்னாயோ, ஸோ ஸங்க⁴ம் தாஸம் ஸம்ப³ஹுலானம் ஆபத்தீனம் படிச்ச²ன்னானஞ்ச அப்படிச்ச²ன்னானஞ்ச சா²ரத்தம் மானத்தம் யாசதி, யதி³ ஸங்க⁴ஸ்ஸ பத்தகல்லம், ஸங்கோ⁴ இத்த²ன்னாமஸ்ஸ பி⁴க்கு²னோ தாஸம் ஸம்ப³ஹுலானம் ஆபத்தீனம் படிச்ச²ன்னானஞ்ச அப்படிச்ச²ன்னானஞ்ச சா²ரத்தம் மானத்தம் த³தே³ய்ய, ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஆபத்தியோ ஆபஜ்ஜி ஏகாஹப்படிச்ச²ன்னாயோ, ஸோ ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் அதா³ஸி, ஸோ பரிவுத்த²பரிவாஸோ, அயம் இத்த²ன்னாமோ பி⁴க்கு² ஸம்ப³ஹுலா ஆபத்தியோ ஆபஜ்ஜி அப்படிச்ச²ன்னாயோ, ஸோ ஸங்க⁴ம் தாஸம் ஸம்ப³ஹுலானம் ஆபத்தீனம் படிச்ச²ன்னானஞ்ச அப்படிச்ச²ன்னானஞ்ச சா²ரத்தம் மானத்தம் யாசதி, ஸங்கோ⁴ இத்த²ன்னாமஸ்ஸ பி⁴க்கு²னோ தாஸம் ஸம்ப³ஹுலானம் ஆபத்தீனம் படிச்ச²ன்னானஞ்ச அப்படிச்ச²ன்னானஞ்ச சா²ரத்தம் மானத்தம் தே³தி, யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ தாஸம் ஸம்ப³ஹுலானம் ஆபத்தீனம் படிச்ச²ன்னானஞ்ச அப்படிச்ச²ன்னானஞ்ச சா²ரத்தம் மானத்தஸ்ஸ தா³னம், ஸோ துண்ஹஸ்ஸ. யஸ்ஸ நக்க²மதி, ஸோ பா⁴ஸேய்ய.

‘‘து³தியம்பி ஏதமத்த²ம் வதா³மி…பே… ததியம்பி ஏதமத்த²ம் வதா³மி…பே….

‘‘தி³ன்னம் ஸங்கே⁴ன இத்த²ன்னாமஸ்ஸ பி⁴க்கு²னோ தாஸம் ஸம்ப³ஹுலானம் ஆபத்தீனம் படிச்ச²ன்னானஞ்ச அப்படிச்ச²ன்னானஞ்ச சா²ரத்தம் மானத்தம், க²மதி ஸங்க⁴ஸ்ஸ, தஸ்மா துண்ஹீ, ஏவமேதம் தா⁴ரயாமீ’’தி –

ஏவம் கம்மவாசா காதப்³பா³.

கம்மவாசாபரியோஸானே ச வத்தஸமாதா³னாதி³ ஸப்³ப³ம் வுத்தனயமேவ. ஆரோசேந்தேன பன –

‘‘அஹம், ப⁴ந்தே, ஸம்ப³ஹுலா ஆபத்தியோ ஆபஜ்ஜிம் ஏகாஹப்படிச்ச²ன்னாயோ, ஸோஹம் ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் யாசிம், தஸ்ஸ மே ஸங்கோ⁴ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் அதா³ஸி, ஸோஹம் பரிவுத்த²பரிவாஸோ, அஹம், ப⁴ந்தே, ஸம்ப³ஹுலா ஆபத்தியோ ஆபஜ்ஜிம் அப்படிச்ச²ன்னாயோ, ஸோஹம், ப⁴ந்தே, ஸங்க⁴ம் தாஸம் ஸம்ப³ஹுலானம் ஆபத்தீனம் படிச்ச²ன்னானஞ்ச அப்படிச்ச²ன்னானஞ்ச சா²ரத்தம் மானத்தம் யாசிம், தஸ்ஸ மே ஸங்கோ⁴ தாஸம் ஸம்ப³ஹுலானம் ஆபத்தீனம் படிச்ச²ன்னானஞ்ச அப்படிச்ச²ன்னானஞ்ச சா²ரத்தம் மானத்தம் அதா³ஸி, ஸோஹம் மானத்தம் சராமி, வேதி³யாமஹம், ப⁴ந்தே, வேதி³யதீதி மம் ஸங்கோ⁴ தா⁴ரேதூ’’தி –

ஏவம் ஆரோசேதப்³ப³ம்.

ஸமாதி³ன்னமானத்தேன ச அனூனம் கத்வா வுத்தனயேன சா²ரத்தம் மானத்தம் சரிதப்³ப³ம். சிண்ணமானத்தோ ச யத்த² ஸியா வீஸதிக³ணோ பி⁴க்கு²ஸங்கோ⁴, தத்த² ஸோ அப்³பே⁴தப்³போ³. அப்³பே⁴ந்தேன ச –

‘‘அஹம், ப⁴ந்தே, ஸம்ப³ஹுலா ஆபத்தியோ ஆபஜ்ஜிம் ஏகாஹப்படிச்ச²ன்னாயோ, ஸோஹம் ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் யாசிம், தஸ்ஸ மே ஸங்கோ⁴ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் அதா³ஸி, ஸோஹம் பரிவுத்த²பரிவாஸோ, அஹம், ப⁴ந்தே, ஸம்ப³ஹுலா ஆபத்தியோ ஆபஜ்ஜிம் அப்படிச்ச²ன்னாயோ, ஸோஹம், ப⁴ந்தே, ஸங்க⁴ம் தாஸம் ஸம்ப³ஹுலானம் ஆபத்தீனம் படிச்ச²ன்னானஞ்ச அப்படிச்ச²ன்னானஞ்ச சா²ரத்தம் மானத்தம் யாசிம், தஸ்ஸ மே ஸங்கோ⁴ தாஸம் ஸம்ப³ஹுலானம் ஆபத்தீனம் படிச்ச²ன்னானஞ்ச அப்படிச்ச²ன்னானஞ்ச சா²ரத்தம் மானத்தம் அதா³ஸி, ஸோஹம், ப⁴ந்தே, சிண்ணமானத்தோ ஸங்க⁴ம் அப்³பா⁴னம் யாசாமீ’’தி –

ஏவம் திக்க²த்தும் யாசாபேத்வா –

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஆபத்தியோ ஆபஜ்ஜி ஏகாஹப்படிச்ச²ன்னாயோ, ஸோ ஸங்க⁴ம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் அதா³ஸி, ஸோ பரிவுத்த²பரிவாஸோ, அயம் இத்த²ன்னாமோ பி⁴க்கு² ஸம்ப³ஹுலா ஆபத்தியோ ஆபஜ்ஜி அப்படிச்ச²ன்னாயோ, ஸோ ஸங்க⁴ம் தாஸம் ஸம்ப³ஹுலானம் ஆபத்தீனம் படிச்ச²ன்னானஞ்ச அப்படிச்ச²ன்னானஞ்ச சா²ரத்தம் மானத்தம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ தாஸம் ஸம்ப³ஹுலானம் ஆபத்தீனம் படிச்ச²ன்னாஞ்ச அப்படிச்ச²ன்னானஞ்ச சா²ரத்தம் மானத்தம் அதா³ஸி, ஸோ சிண்ணமானத்தோ ஸங்க⁴ம் அப்³பா⁴னம் யாசதி, யதி³ ஸங்க⁴ஸ்ஸ பத்தகல்லம், ஸங்கோ⁴ இத்த²ன்னாமம் பி⁴க்கு²ம் அப்³பே⁴ய்ய, ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஆபத்தியோ ஆபஜ்ஜி ஏகாஹப்படிச்ச²ன்னாயோ, ஸோ ஸங்க⁴ம் தாஸம் ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் ஏகாஹப்படிச்ச²ன்னானம் ஏகாஹபரிவாஸம் அதா³ஸி, ஸோ பரிவுத்த²பரிவாஸோ, அயம் இத்த²ன்னாமோ பி⁴க்கு² ஸம்ப³ஹுலா ஆபத்தியோ ஆபஜ்ஜி அப்படிச்ச²ன்னாயோ, ஸோ ஸங்க⁴ம் தாஸம் ஸம்ப³ஹுலானம் ஆபத்தீனம் படிச்ச²ன்னானஞ்ச அப்படிச்ச²ன்னானஞ்ச சா²ரத்தம் மானத்தம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ தாஸம் ஸம்ப³ஹுலானம் ஆபத்தீனம் படிச்ச²ன்னானஞ்ச அப்படிச்ச²ன்னானஞ்ச சா²ரத்தம் மானத்தம் அதா³ஸி, ஸோ சிண்ணமானத்தோ ஸங்க⁴ம் அப்³பா⁴னம் யாசதி, ஸங்கோ⁴ இத்த²ன்னாமம் பி⁴க்கு²ம் அப்³பே⁴தி, யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ அப்³பா⁴னம், ஸோ துண்ஹஸ்ஸ. யஸ்ஸ நக்க²மதி, ஸோ பா⁴ஸேய்ய.

‘‘து³தியம்பி ஏதமத்த²ம் வதா³மி…பே… ததியம்பி ஏதமத்த²ம் வதா³மி…பே….

ஏவம் கம்மவாசம் கத்வா அப்³பே⁴தப்³போ³.

படிச்ச²ன்னபரிவாஸகதா² நிட்டி²தா.

242. ஸுத்³த⁴ந்தபரிவாஸோ ஸமோதா⁴னபரிவாஸோதி த்³வே அவஸேஸா. தத்த² (சூளவ. அட்ட². 102) ஸுத்³த⁴ந்தபரிவாஸோ து³விதோ⁴ சூளஸுத்³த⁴ந்தோ மஹாஸுத்³த⁴ந்தோதி. து³விதோ⁴பி சேஸ ரத்திபரிச்சே²த³ம் ஸகலம் வா ஏகச்சம் வா அஜானந்தஸ்ஸ ச அஸ்ஸரந்தஸ்ஸ ச தத்த² வேமதிகஸ்ஸ ச தா³தப்³போ³. ஆபத்திபரியந்தம் பன ‘‘ஏத்தகா அஹம் ஆபத்தியோ ஆபன்னோ’’தி ஜானாது வா மா வா, அகாரணமேதம், தத்த² யோ உபஸம்பத³தோ பட்டா²ய அனுலோமக்கமேன வா ஆரோசிததி³வஸதோ பட்டா²ய படிலோமக்கமேன வா ‘‘அஸுகஞ்ச அஸுகஞ்ச தி³வஸம் வா பக்க²ம் வா மாஸம் வா ஸம்வச்ச²ரம் வா தவ ஸுத்³த⁴பா⁴வம் ஜானாஸீ’’தி புச்சி²யமானோ ‘‘ஆம, ப⁴ந்தே, ஜானாமி, ஏத்தகம் நாம காலம் அஹம் ஸுத்³தோ⁴’’தி வத³தி, தஸ்ஸ தி³ன்னோ ஸுத்³த⁴ந்தபரிவாஸோ சூளஸுத்³த⁴ந்தோதி வுச்சதி.

தம் க³ஹேத்வா பரிவஸந்தேன யத்தகம் காலம் அத்தனோ ஸுத்³தி⁴ம் ஜானாதி, தத்தகம் அபனேத்வா அவஸேஸம் மாஸம் வா த்³வேமாஸம் வா பரிவஸிதப்³ப³ம். ஸசே ‘‘மாஸமத்தம் அஸுத்³தோ⁴ம்ஹீ’’தி ஸல்லக்கே²த்வா அக்³க³ஹேஸி, பரிவஸந்தோ ச புன அஞ்ஞம் மாஸம் ஸரதி, தம்பி மாஸம் பரிவஸிதப்³ப³மேவ, புன பரிவாஸதா³னகிச்சம் நத்தி². அத² ‘‘த்³வேமாஸம் அஸுத்³தோ⁴ம்ஹீ’’தி ஸல்லக்கே²த்வா அக்³க³ஹேஸி, பரிவஸந்தோ ச ‘‘மாஸமத்தமேவாஹம் அஸுத்³தோ⁴ம்ஹீ’’தி ஸன்னிட்டா²னம் கரோதி, மாஸமேவ பரிவஸிதப்³ப³ம், புன பரிவாஸதா³னகிச்சம் நத்தி². அயஞ்ஹி ஸுத்³த⁴ந்தபரிவாஸோ நாம உத்³த⁴ம்பி ஆரோஹதி, ஹேட்டா²பி ஓரோஹதி. இத³மஸ்ஸ லக்க²ணம். அஞ்ஞஸ்மிம் பன ஆபத்திவுட்டா²னே இத³ம் லக்க²ணம் – யோ அப்படிச்ச²ன்னம் ஆபத்திம் ‘‘படிச்ச²ன்னா’’தி வினயகம்மம் கரோதி, தஸ்ஸாபத்தி வுட்டா²தி. யோ படிச்ச²ன்னம் ‘‘அப்படிச்ச²ன்னா’’தி வினயகம்மம் கரோதி, தஸ்ஸ ந வுட்டா²தி. அசிரபடிச்ச²ன்னம் ‘‘சிரபடிச்ச²ன்னா’’தி கரோந்தஸ்ஸபி வுட்டா²தி, சிரபடிச்ச²ன்னம் ‘‘அசிரபடிச்ச²ன்னா’’தி கரோந்தஸ்ஸ ந வுட்டா²தி. ஏகம் ஆபத்திம் ஆபஜ்ஜித்வா ‘‘ஸம்ப³ஹுலா’’தி கரோந்தஸ்ஸ வுட்டா²தி ஏகம் வினா ஸம்ப³ஹுலானம் அபா⁴வதோ. ஸம்ப³ஹுலா பன ஆபஜ்ஜித்வா ‘‘ஏகம் ஆபஜ்ஜி’’ந்தி கரோந்தஸ்ஸ ந வுட்டா²தி.

யோ பன யதா²வுத்தேன அனுலோமபடிலோமனயேன புச்சி²யமானோபி ரத்திபரியந்தம் ந ஜானாதி நஸ்ஸரதி, வேமதிகோ வா ஹோதி, தஸ்ஸ தி³ன்னோ ஸுத்³த⁴ந்தபரிவாஸோ மஹாஸுத்³த⁴ந்தோதி வுச்சதி. தம் க³ஹேத்வா க³ஹிததி³வஸதோ பட்டா²ய யாவ உபஸம்பத³தி³வஸோ, தாவ ரத்தியோ க³ணேத்வா பரிவஸிதப்³ப³ம், அயம் உத்³த⁴ம் நாரோஹதி, ஹேட்டா² பன ஓரோஹதி. தஸ்மா ஸசே பரிவஸந்தோ ரத்திபரிச்சே²தே³ ஸன்னிட்டா²னம் கரோதி ‘‘மாஸோ வா ஸம்வச்ச²ரோ வா மய்ஹம் ஆபன்னஸ்ஸா’’தி, மாஸம் வா ஸம்வச்ச²ரம் வா பரிவஸிதப்³ப³ம்.

பரிவாஸயாசனதா³னலக்க²ணம் பனேத்த² ஏவம் வேதி³தப்³ப³ம் – தேன பி⁴க்கு²னா ஸங்க⁴ம் உபஸங்கமித்வா ஏகம்ஸம் உத்தராஸங்க³ம் கரித்வா வுட்³டா⁴னம் பி⁴க்கூ²னம் பாதே³ வந்தி³த்வா உக்குடிகம் நிஸீதி³த்வா அஞ்ஜலிம் பக்³க³ஹேத்வா ஏவமஸ்ஸ வசனீயோ –

து³தியம்பி யாசிதப்³போ³. ததியம்பி யாசிதப்³போ³.

ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜி, ஆபத்திபரியந்தம் ந ஜானாதி, ரத்திபரியந்தம் ந ஜானாதி, ஆபத்திபரியந்தம் நஸ்ஸரதி, ரத்திபரியந்தம் நஸ்ஸரதி, ஆபத்திபரியந்தே வேமதிகோ, ரத்திபரியந்தே வேமதிகோ, ஸோ ஸங்க⁴ம் தாஸம் ஆபத்தீனம் ஸுத்³த⁴ந்தபரிவாஸம் யாசதி, ஸங்கோ⁴ இத்த²ன்னாமஸ்ஸ பி⁴க்கு²னோ தாஸம் ஆபத்தீனம் ஸுத்³த⁴ந்தபரிவாஸம் தே³தி, யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ தாஸம் ஆபத்தீனம் ஸுத்³த⁴ந்தபரிவாஸஸ்ஸ தா³னம், ஸோ துண்ஹஸ்ஸ. யஸ்ஸ நக்க²மதி, ஸோ பா⁴ஸேய்ய.

‘‘து³தியம்பி ஏதமத்த²ம் வதா³மி…பே… ததியம்பி ஏதமத்த²ம் வதா³மி…பே….

‘‘தி³ன்னோ ஸங்கே⁴ன இத்த²ன்னாமஸ்ஸ பி⁴க்கு²னோ தாஸம் ஆபத்தீனம். ஸுத்³த⁴ந்தபரிவாஸோ, க²மதி ஸங்க⁴ஸ்ஸ, தஸ்மா துண்ஹீ, ஏவமேதம் தா⁴ரயாமீ’’தி –

ஏவம் ஸுத்³த⁴ந்தபரிவாஸோ தா³தப்³போ³.

கம்மவாசாபரியோஸானே வத்தஸமாதா³னாதி³ ஸப்³ப³ம் வுத்தனயமேவ. ஆரோசேந்தேன பன –

‘‘அஹம், ப⁴ந்தே, ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜிம், ஆபத்திபரியந்தம் ந ஜானாமி, ரத்திபரியந்தம் ந ஜானாமி, ஆபத்திபரியந்தம் நஸ்ஸராமி, ரத்திபரியந்தம் நஸ்ஸராமி, ஆபத்திபரியந்தே வேமதிகோ, ரத்திபரியந்தே வேமதிகோ, ஸோஹம், ப⁴ந்தே, ஸங்க⁴ம் தாஸம் ஆபத்தீனம் ஸுத்³த⁴ந்தபரிவாஸம் யாசிம், தஸ்ஸ மே ஸங்கோ⁴ தாஸம் ஆபத்தீனம் ஸுத்³த⁴ந்தபரிவாஸம் அதா³ஸி, ஸோஹம் பரிவஸாமி, வேதி³யாமஹம், ப⁴ந்தே, வேதி³யதீதி மம் ஸங்கோ⁴ தா⁴ரேதூ’’தி ஆரோசேதப்³ப³ம்.

ஏகஸ்ஸ த்³வின்னம் வா திண்ணம் வா ஆரோசனம் வுத்தனயமேவ. பரிவுத்த²பரிவாஸஸ்ஸ மானத்தம் தே³ந்தேன –

‘‘அஹம், ப⁴ந்தே, ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜிம், ஆபத்திபரியந்தம் ந ஜானாமி, ரத்திபரியந்தம் ந ஜானாமி, ஆபத்திபரியந்தம் நஸ்ஸராமி, ரத்திபரியந்தம் நஸ்ஸராமி, ஆபத்திபரியந்தே வேமதிகோ, ரத்திபரியந்தே வேமதிகோ, ஸோஹம், ப⁴ந்தே, ஸங்க⁴ம் தாஸம் ஆபத்தீனம் ஸுத்³த⁴ந்தபரிவாஸம் யாசிம், தஸ்ஸ மே ஸங்கோ⁴ தாஸம் ஆபத்தீனம் ஸுத்³த⁴ந்தபரிவாஸம் அதா³ஸி, ஸோஹம், ப⁴ந்தே, பரிவுத்த²பரிவாஸோ ஸங்க⁴ம் தாஸம் ஆபத்தீனம் சா²ரத்தம் மாரத்தம் யாசாமீ’’தி –

ஏவம் திக்க²த்தும் யாசாபேத்வா –

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜி, ஆபத்திபரியந்தம் ந ஜானாதி, ரத்திபரியந்தம் ந ஜானாதி, ஆபத்திபரியந்தம் நஸ்ஸரதி, ரத்திபரியந்தம் நஸ்ஸரதி, ஆபத்திபரியந்தே வேமதிகோ, ரத்திபரியந்தே வேமதிகோ, ஸோ ஸங்க⁴ம் தாஸம் ஆபத்தீனம் ஸுத்³த⁴ந்தபரிவாஸம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ தாஸம் ஆபத்தீனம் ஸுத்³த⁴ந்தபரிவாஸம் அதா³ஸி, ஸோ பரிவுத்த²பரிவாஸோ ஸங்க⁴ம் தாஸம் ஆபத்தீனம் சா²ரத்தம் மானத்தம் யாசதி, யதி³ ஸங்க⁴ஸ்ஸ பத்தகல்லம், ஸங்கோ⁴ இத்த²ன்னாமஸ்ஸ பி⁴க்கு²னோ தாஸம் ஆபத்தீனம் சா²ரத்தம் மானத்தம் த³தே³ய்ய, ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜி, ஆபத்திபரியந்தம் ந ஜானாதி, ரத்திபரியந்தம் ந ஜானாதி, ஆபத்திபரியந்தம் நஸ்ஸரதி, ரத்திபரியந்தம் நஸ்ஸரதி, ஆபத்திபரியந்தே வேமதிகோ, ரத்திபரியந்தே வேமதிகோ, ஸோ ஸங்க⁴ம் தாஸம் ஆபத்தீனம் ஸுத்³த⁴ந்தபரிவாஸம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ தாஸம் ஆபத்தீனம் ஸுத்³த⁴ந்தபரிவாஸம் அதா³ஸி, ஸோ பரிவுத்த²பரிவாஸோ ஸங்க⁴ம் தாஸம் ஆபத்தீனம் சா²ரத்தம் மானத்தம் யாசதி, ஸங்கோ⁴ இத்த²ன்னாமஸ்ஸ பி⁴க்கு²னோ தாஸம் ஆபத்தீனம் சா²ரத்தம் மானத்தம் தே³தி, யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ தாஸம் ஆபத்தீனம் சா²ரத்தம் மானத்தஸ்ஸ தா³னம், ஸோ துண்ஹஸ்ஸ. யஸ்ஸ நக்க²மதி, ஸோ பா⁴ஸேய்ய.

‘‘து³தியம்பி ஏதமத்த²ம் வதா³மி…பே… ததியம்பி ஏதமத்த²ம் வதா³மி…பே….

‘‘தி³ன்னம் ஸங்கே⁴ன இத்த²ன்னாமஸ்ஸ பி⁴க்கு²னோ தாஸம் ஆபத்தீனம் சா²ரத்தம் மானத்தம், க²மதி ஸங்க⁴ஸ்ஸ, தஸ்மா துண்ஹீ, ஏவமேதம் தா⁴ரயாமீ’’தி –

ஏவம் கம்மவாசா காதப்³பா³.

கம்மவாசாபரியோஸானே மானத்தஸமாதா³னாதி³ ஸப்³ப³ம் வுத்தனயமேவ. ஆரோசேந்தேன பன –

‘‘அஹம், ப⁴ந்தே, ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜிம், ஆபத்திபரியந்தம் ந ஜானாமி, ரத்திபரியந்தம் ந ஜானாமி, ஆபத்திபரியந்தம் நஸ்ஸராமி, ரத்திபரியந்தம் நஸ்ஸராமி, ஆபத்திபரியந்தே வேமதிகோ, ரத்திபரியந்தே வேமதிகோ, ஸோஹம் ஸங்க⁴ம் தாஸம் ஆபத்தீனம் ஸுத்³த⁴ந்தபரிவாஸம் யாசிம், தஸ்ஸ மே ஸங்கோ⁴ தாஸம் ஆபத்தீனம் ஸுத்³த⁴ந்தபரிவாஸம் அதா³ஸி, ஸோஹம் பரிவுத்த²பரிவாஸோ ஸங்க⁴ம் தாஸம் ஆபத்தீனம் சா²ரத்தம் மானத்தம் யாசிம், தஸ்ஸ மே ஸங்கோ⁴ தாஸம் ஆபத்தீனம் சா²ரத்தம் மானத்தம் அதா³ஸி, ஸோஹம் மானத்தம் சராமி, வேதி³யாமஹம், ப⁴ந்தே, வேதி³யதீதி மம் ஸங்கோ⁴ தா⁴ரேதூ’’தி –

ஏவம் ஆரோசேதப்³ப³ம்.

சிண்ணமானத்தோ ச யத்த² ஸியா வீஸதிக³ணோ பி⁴க்கு²ஸங்கோ⁴, தத்த² ஸோ பி⁴க்கு² அப்³பே⁴தப்³போ³. அப்³பே⁴ந்தேன ச –

‘‘அஹம், ப⁴ந்தே, ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜிம், ஆபத்திபரியந்தம் ந ஜானாமி, ரத்திபரியந்தம் ந ஜானாமி, ஆபத்திபரியந்தம் நஸ்ஸராமி, ரத்திபரியந்தம் நஸ்ஸராமி, ஆபத்திபரியந்தே வேமதிகோ, ரத்திபரியந்தே வேமதிகோ, ஸோஹம் ஸங்க⁴ம் தாஸம் ஆபத்தீனம் ஸுத்³த⁴ந்தபரிவாஸம் யாசிம், தஸ்ஸ மே ஸங்கோ⁴ தாஸம் ஆபத்தீனம் ஸுத்³த⁴ந்தபரிவாஸம் அதா³ஸி, ஸோஹம் பரிவுத்த²பரிவாஸோ ஸங்க⁴ம் தாஸம் ஆபத்தீனம் சா²ரத்தம் மானத்தம் யாசிம், தஸ்ஸ மே ஸங்கோ⁴ தாஸம் ஆபத்தீனம் சா²ரத்தம் மானத்தம் அதா³ஸி, ஸோஹம் ப⁴ந்தே சிண்ணமானத்தோ ஸங்க⁴ம் அப்³பா⁴னம் யாசாமீ’’தி –

ஏவம் திக்க²த்தும் யாசாபேத்வா –

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜி, ஆபத்திபரியந்தம் ந ஜானாதி, ரத்திபரியந்தம் ந ஜானாதி, ஆபத்திபரியந்தம் நஸ்ஸரதி, ரத்திபரியந்தம் நஸ்ஸரதி, ஆபத்திபரியந்தே வேமதிகோ, ரத்திபரியந்தே வேமதிகோ, ஸோ ஸங்க⁴ம் தாஸம் ஆபத்தீனம் ஸுத்³த⁴ந்தபரிவாஸம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ தாஸம் ஆபத்தீனம் ஸுத்³த⁴ந்தபரிவாஸம் அதா³ஸி, ஸோ பரிவுத்த²பரிவாஸோ ஸங்க⁴ம் தாஸம் ஆபத்தீனம் சா²ரத்தம் மானத்தம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ தாஸம் ஆபத்தீனம் சா²ரத்தம் மானத்தம் அதா³ஸி, ஸோ சிண்ணமானத்தோ ஸங்க⁴ம் அப்³பா⁴னம் யாசதி, யதி³ ஸங்க⁴ஸ்ஸ பத்தகல்லம், ஸங்கோ⁴ இத்த²ன்னாமம் பி⁴க்கு²ம் அப்³பே⁴ய்ய, ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜி, ஆபத்திபரியந்தம் ந ஜானாதி, ரத்திபரியந்தம் ந ஜானாதி, ஆபத்திபரியந்தம் நஸ்ஸரதி, ரத்திபரியந்தம் நஸ்ஸரதி, ஆபத்திபரியந்தே வேமதிகோ, ரத்திபரியந்தே வேமதிகோ, ஸோ ஸங்க⁴ம் தாஸம் ஆபத்தீனம் ஸுத்³த⁴ந்தபரிவாஸம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ தாஸம் ஆபத்தீனம் ஸுத்³த⁴ந்தபரிவாஸம் அதா³ஸி, ஸோ பரிவுத்த²பரிவாஸோ ஸங்க⁴ம் தாஸம் ஆபத்தீனம் சா²ரத்தம் மானத்தம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ தாஸம் ஆபத்தீனம் சா²ரத்தம் மானத்தம் அதா³ஸி, ஸோ சிண்ணமானத்தோ ஸங்க⁴ம் அப்³பா⁴னம் யாசதி, ஸங்கோ⁴ இத்த²ன்னாமம் பி⁴க்கு²ம் அப்³பே⁴தி, யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ அப்³பா⁴னம், ஸோ துண்ஹஸ்ஸ. யஸ்ஸ நக்க²மதி, ஸோ பா⁴ஸேய்ய.

‘‘து³தியம்பி ஏதமத்த²ம் வதா³மி…பே… ததியம்பி ஏதமத்த²ம் வதா³மி…பே….

ஏவம் கம்மவாசம் கத்வா அப்³பே⁴தப்³போ³.

ஸுத்³த⁴ந்தபரிவாஸகதா² நிட்டி²தா.

243. ஸமோதா⁴னபரிவாஸோ பன திவிதோ⁴ ஹோதி – ஓதா⁴னஸமோதா⁴னோ அக்³க⁴ஸமோதா⁴னோ மிஸ்ஸகஸமோதா⁴னோதி. தத்த² (சூளவ. அட்ட². 102) ஓதா⁴னஸமோதா⁴னோ நாம அந்தராபத்திம் ஆபஜ்ஜித்வா படிச்சா²தே³ந்தஸ்ஸ பரிவுத்த²தி³வஸே ஓது⁴னித்வா மக்கே²த்வா புரிமாய ஆபத்தியா மூலதி³வஸபரிச்சே²தே³ பச்சா² ஆபன்னம் ஆபத்திம் ஸமோத³ஹித்வா தா³தப்³ப³பரிவாஸோ வுச்சதி.

அயம் பனேத்த² வினிச்ச²யோ – யோ படிச்ச²ன்னாய ஆபத்தியா பரிவாஸம் க³ஹேத்வா பரிவஸந்தோ வா மானத்தாரஹோ வா மானத்தம் சரந்தோ வா அப்³பா⁴னாரஹோ வா அனிக்கி²த்தவத்தோ அஞ்ஞம் ஆபத்திம் ஆபஜ்ஜித்வா புரிமாய ஆபத்தியா ஸமா வா ஊனதரா வா ரத்தியோ படிச்சா²தே³தி, தஸ்ஸ மூலாயபடிகஸ்ஸனேன தே பரிவுத்த²தி³வஸே ச மானத்தசிண்ணதி³வஸே ச ஸப்³பே³ ஓது⁴னித்வா அதி³வஸே கத்வா பச்சா² ஆபன்னாபத்திம் மூலஆபத்தியம் ஸமோதா⁴ய பரிவாஸோ தா³தப்³போ³. தேன ஸசே மூலாபத்தி பக்க²படிச்ச²ன்னா, அந்தராபத்தி ஊனகபக்க²படிச்ச²ன்னா, புன பக்க²மேவ பரிவாஸோ பரிவஸிதப்³போ³. அதா²பி அந்தராபத்தி பக்க²படிச்ச²ன்னாவ, பக்க²மேவ பரிவஸிதப்³ப³ம். ஏதேனுபாயேன யாவ ஸட்டி²வஸ்ஸபடிச்ச²ன்னா மூலாபத்தி, தாவ வினிச்ச²யோ வேதி³தப்³போ³. ஸட்டி²வஸ்ஸானிபி பரிவஸித்வா மானத்தாரஹோ ஹுத்வாபி ஹி ஏகதி³வஸம் அந்தராபத்திம் படிச்சா²தே³த்வா புன ஸட்டி²வஸ்ஸானி பரிவாஸாரஹோ ஹோதி. ஏவம் மானத்தசாரிகமானத்தாரஹகாலேபி ஆபன்னாய ஆபத்தியா மூலாயபடிகஸ்ஸனே கதே மானத்தசிண்ணதி³வஸாபி பரிவாஸவுத்த²தி³வஸாபி ஸப்³பே³ மக்கி²தாவ ஹோந்தி. ஸசே பன நிக்கி²த்தவத்தோ ஆபஜ்ஜதி, மூலாயபடிகஸ்ஸனாரஹோ நாம ந ஹோதி. கஸ்மா? யஸ்மா ந ஸோ பரிவஸந்தோ ஆபன்னோ, பகதத்தட்டா²னே டி²தோ ஆபன்னோ, தஸ்மா தஸ்ஸா ஆபத்தியா விஸும் மானத்தம் சரிதப்³ப³ம். ஸசே படிச்ச²ன்னா ஹோதி, பரிவாஸோபி வஸிதப்³போ³.

‘‘ஸசே பன அந்தராபத்தி மூலாபத்திதோ அதிரேகபடிச்ச²ன்னா ஹோதி, தத்த² கிம் காதப்³ப³’’ந்தி வுத்தே மஹாஸுமத்தே²ரோ ஆஹ ‘‘அதேகிச்சோ² அயம் புக்³க³லோ, அதேகிச்சோ² நாம ஆவிகாராபேத்வா விஸ்ஸஜ்ஜேதப்³போ³’’தி. மஹாபது³மத்தே²ரோ பனாஹ ‘‘கஸ்மா அதேகிச்சோ² நாம, நனு அயம் ஸமுச்சயக்க²ந்த⁴கோ நாம பு³த்³தா⁴னம் டி²தகாலஸதி³ஸோ, ஆபத்தி நாம படிச்ச²ன்னா வா ஹோது அப்படிச்ச²ன்னா வா ஸமகஊனதரஅதிரேகபடிச்ச²ன்னா வா, வினயத⁴ரஸ்ஸ கம்மவாசம் யோஜேதும் ஸமத்த²பா⁴வோயேவேத்த² பமாணம், தஸ்மா யா அதிரேகபடிச்ச²ன்னா ஹோதி, தம் மூலாபத்திம் கத்வா தத்த² இதரம் ஸமோதா⁴ய பரிவாஸோ தா³தப்³போ³’’தி. அயம் ஓதா⁴னஸமோதா⁴னோ நாம.

தம் தே³ந்தேன பட²மம் மூலாய படிகஸ்ஸித்வா பச்சா² பரிவாஸோ தா³தப்³போ³. ஸசே கோசி பி⁴க்கு² பக்க²படிச்ச²ன்னாய ஆபத்தியா பரிவஸந்தோ அந்தரா அனிக்கி²த்தவத்தோவ புன பஞ்சாஹப்படிச்ச²ன்னம் ஆபத்திம் ஆபஜ்ஜதி, தேன பி⁴க்கு²னா ஸங்க⁴ம் உபஸங்கமித்வா ஏகம்ஸம் உத்தராஸங்க³ம் கரித்வா வுட்³டா⁴னம் பி⁴க்கூ²னம் பாதே³ வந்தி³த்வா உக்குடிகம் நிஸீதி³த்வா அஞ்ஜலிம் பக்³க³ஹேத்வா ஏவமஸ்ஸ வசனீயோ –

து³தியம்பி யாசிதப்³போ³. ததியம்பி யாசிதப்³போ³.

ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

‘‘து³தியம்பி ஏதமத்த²ம் வதா³மி…பே… ததியம்பி ஏதமத்த²ம் வதா³மி…பே….

‘‘படிகஸ்ஸிதோ ஸங்கே⁴ன இத்த²ன்னாமோ பி⁴க்கு² அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் மூலாயபடிகஸ்ஸனா, க²மதி ஸங்க⁴ஸ்ஸ, தஸ்மா துண்ஹீ, ஏவமேதம் தா⁴ரயாமீ’’தி –

ஏவம் மூலாயபடிகஸ்ஸனா காதப்³பா³.

ஏவஞ்ச ஸமோதா⁴னபரிவாஸோ தா³தப்³போ³. தேன பி⁴க்கு²னா ஸங்க⁴ம் உபஸங்கமித்வா…பே… ஏவமஸ்ஸ வசனீயோ –

‘‘அஹம், ப⁴ந்தே, ஸம்ப³ஹுலா ஆபத்தியோ ஆபஜ்ஜிம் பக்க²படிச்ச²ன்னாயோ, ஸோஹம் ஸங்க⁴ம் ஸம்ப³ஹுலானம் ஆபத்தீனம் பக்க²படிச்ச²ன்னானம் பக்க²பரிவாஸம் யாசிம், தஸ்ஸ மே ஸங்கோ⁴ ஸம்ப³ஹுலானம் ஆபத்தீனம் பக்க²படிச்ச²ன்னானம் பக்க²பரிவாஸம் அதா³ஸி, ஸோஹம் பரிவஸந்தோ அந்தரா ஸம்ப³ஹுலா ஆபத்தியோ ஆபஜ்ஜிம் பஞ்சாஹப்படிச்ச²ன்னாயோ, ஸோஹம் ஸங்க⁴ம் அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் மூலாயபடிகஸ்ஸனம் யாசிம், தம் மம் ஸங்கோ⁴ அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் மூலாய படிகஸ்ஸி, ஸோஹம், ப⁴ந்தே, ஸங்க⁴ம் அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் புரிமாஸு ஆபத்தீஸு ஸமோதா⁴னபரிவாஸம் யாசாமீ’’தி.

து³தியம்பி யாசிதப்³போ³. ததியம்பி யாசிதப்³போ³.

ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஆபத்தியோ ஆபஜ்ஜி பக்க²படிச்ச²ன்னாயோ, ஸோ ஸங்க⁴ம் ஸம்ப³ஹுலானம் ஆபத்தீனம் பக்க²படிச்ச²ன்னானம் பக்க²பரிவாஸம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் பக்க²படிச்ச²ன்னானம் பக்க²பரிவாஸம் அதா³ஸி, ஸோ பரிவஸந்தோ அந்தரா ஸம்ப³ஹுலா ஆபத்தியோ ஆபஜ்ஜி பஞ்சாஹப்படிச்ச²ன்னாயோ, ஸோ ஸங்க⁴ம் அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் மூலாயபடிகஸ்ஸனம் யாசி, ஸங்கோ⁴ இத்த²ன்னாமம் பி⁴க்கு²ம் அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் மூலாய படிகஸ்ஸி, ஸோ ஸங்க⁴ம் அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் புரிமாஸு ஆபத்தீஸு ஸமோதா⁴னபரிவாஸம் யாசதி, யதி³ ஸங்க⁴ஸ்ஸ பத்தகல்லம், ஸங்கோ⁴ இத்த²ன்னாமஸ்ஸ பி⁴க்கு²னோ அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் புரிமாஸு ஆபத்தீஸு ஸமோதா⁴னபரிவாஸம் த³தே³ய்ய, ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஆபத்தியோ ஆபஜ்ஜி பக்க²படிச்ச²ன்னாயோ, ஸோ ஸங்க⁴ம் ஸம்ப³ஹுலானம் ஆபத்தீனம் பக்க²படிச்ச²ன்னானம் பக்க²பரிவாஸம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் பக்க²படிச்ச²ன்னானம் பக்க²பரிவாஸம் அதா³ஸி, ஸோ பரிவஸந்தோ அந்தரா ஸம்ப³ஹுலா ஆபத்தியோ ஆபஜ்ஜி பஞ்சாஹப்படிச்ச²ன்னாயோ, ஸோ ஸங்க⁴ம் அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் மூலாயபடிகஸ்ஸனம் யாசி, ஸங்கோ⁴ இத்த²ன்னாமம் பி⁴க்கு²ம் அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் மூலாய படிகஸ்ஸி, ஸோ ஸங்க⁴ம் அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் புரிமாஸு ஆபத்தீஸு ஸமோதா⁴னபரிவாஸம் யாசதி, ஸங்கோ⁴ இத்த²ன்னாமஸ்ஸ பி⁴க்கு²னோ அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் புரிமாஸு ஆபத்தீஸு ஸமோதா⁴னபரிவாஸம் தே³தி, யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் புரிமாஸு ஆபத்தீஸு ஸமோதா⁴னபரிவாஸஸ்ஸ தா³னம், ஸோ துண்ஹஸ்ஸ. யஸ்ஸ நக்க²மதி, ஸோ பா⁴ஸேய்ய.

‘‘து³தியம்பி ஏதமத்த²ம் வதா³மி…பே… ததியம்பி ஏதமத்த²ம் வதா³மி…பே….

‘‘தி³ன்னோ ஸங்கே⁴ன இத்த²ன்னாமஸ்ஸ பி⁴க்கு²னோ அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் புரிமாஸு ஆபத்தீஸு ஸமோதா⁴னபரிவாஸோ, க²மதி ஸங்க⁴ஸ்ஸ, தஸ்மா துண்ஹீ, ஏவமேதம் தா⁴ரயாமீ’’தி –

ஏவம் ஸமோதா⁴னபரிவாஸோ தா³தப்³போ³.

கம்மவாசாபரியோஸானே ச வத்தஸமாதா³னாதி³ ஸப்³ப³ம் புப்³பே³ வுத்தனயமேவ. ஆரோசேந்தேன பன –

‘‘அஹம், ப⁴ந்தே, ஸம்ப³ஹுலா ஆபத்தியோ ஆபஜ்ஜிம் பக்க²படிச்ச²ன்னாயோ, ஸோஹம் ஸங்க⁴ம் ஸம்ப³ஹுலானம் ஆபத்தீனம் பக்க²படிச்ச²ன்னானம் பக்க²பரிவாஸம் யாசிம், தஸ்ஸ மே ஸங்கோ⁴ ஸம்ப³ஹுலானம் ஆபத்தீனம் பக்க²படிச்ச²ன்னானம் பக்க²பரிவாஸம் அதா³ஸி, ஸோஹம் பரிவஸந்தோ அந்தரா ஸம்ப³ஹுலா ஆபத்தியோ ஆபஜ்ஜிம் பஞ்சாஹப்படிச்ச²ன்னாயோ, ஸோஹம் ஸங்க⁴ம் அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் மூலாயபடிகஸ்ஸனம் யாசிம், தம் மம் ஸங்கோ⁴ அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் மூலாய படிகஸ்ஸி, ஸோஹம் ஸங்க⁴ம் அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் புரிமாஸு ஆபத்தீஸு ஸமோதா⁴னபரிவாஸம் யாசிம், தஸ்ஸ மே ஸங்கோ⁴ அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் புரிமாஸு ஆபத்தீஸு ஸமோதா⁴னபரிவாஸம் அதா³ஸி, ஸோஹம் பரிவஸாமி, வேதி³யாமஹம், ப⁴ந்தே, வேதி³யதீதி மம் ஸங்கோ⁴ தா⁴ரேதூ’’தி –

ஏவம் ஆரோசேதப்³ப³ம்.

பரிவுத்த²பரிவாஸஸ்ஸ மானத்தம் தே³ந்தேன –

‘‘அஹம், ப⁴ந்தே, ஸம்ப³ஹுலா ஆபத்தியோ ஆபஜ்ஜிம் பக்க²படிச்ச²ன்னாயோ, ஸோஹம் ஸங்க⁴ம் ஸம்ப³ஹுலானம் ஆபத்தீனம் பக்க²படிச்ச²ன்னானம் பக்க²பரிவாஸம் யாசிம், தஸ்ஸ மே ஸங்கோ⁴ ஸம்ப³ஹுலானம் ஆபத்தீனம் பக்க²படிச்ச²ன்னானம் பக்க²பரிவாஸம் அதா³ஸி, ஸோஹம் பரிவஸந்தோ அந்தரா ஸம்ப³ஹுலா ஆபத்தியோ ஆபஜ்ஜிம் பஞ்சாஹப்படிச்ச²ன்னாயோ, ஸோஹம் ஸங்க⁴ம் அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் மூலாயபடிகஸ்ஸனம் யாசிம், தம் மம் ஸங்கோ⁴ அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் மூலாய படிகஸ்ஸி, ஸோஹம் ஸங்க⁴ம் அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் புரிமாஸு ஆபத்தீஸு ஸமோதா⁴னபரிவாஸம் யாசிம், தஸ்ஸ மே ஸங்கோ⁴ அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் புரிமாஸு ஆபத்தீஸு ஸமோதா⁴னபரிவாஸம் அதா³ஸி, ஸோஹம், ப⁴ந்தே, பரிவுத்த²பரிவாஸோ ஸங்க⁴ம் ஸம்ப³ஹுலானம் ஆபத்தீனம் சா²ரத்தம் மானத்தம் யாசாமீ’’தி –

ஏவம் திக்க²த்தும் யாசாபேத்வா –

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஆபத்தியோ ஆபஜ்ஜி பக்க²படிச்ச²ன்னாயோ, ஸோ ஸங்க⁴ம் ஸம்ப³ஹுலானம் ஆபத்தீனம் பக்க²படிச்ச²ன்னானம் பக்க²பரிவாஸம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் பக்க²படிச்ச²ன்னானம் பக்க²பரிவாஸம் அதா³ஸி, ஸோ பரிவஸந்தோ அந்தரா ஸம்ப³ஹுலா ஆபத்தியோ ஆபஜ்ஜி பஞ்சாஹப்படிச்ச²ன்னாயோ, ஸோ ஸங்க⁴ம் அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் மூலாயபடிகஸ்ஸனம் யாசி, ஸங்கோ⁴ இத்த²ன்னாமம் பி⁴க்கு²ம் அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் மூலாய படிகஸ்ஸி, ஸோ ஸங்க⁴ம் அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் புரிமாஸு ஆபத்தீஸு ஸமோதா⁴னபரிவாஸம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் புரிமாஸு ஆபத்தீஸு ஸமோதா⁴னபரிவாஸம் அதா³ஸி, ஸோ பரிவுத்த²பரிவாஸோ ஸங்க⁴ம் ஸம்ப³ஹுலானம் ஆபத்தீனம் சா²ரத்தம் மானத்தம் யாசதி, யதி³ ஸங்க⁴ஸ்ஸ பத்தகல்லம், ஸங்கோ⁴ இத்த²ன்னாமஸ்ஸ பி⁴க்கு²னோ அந்தரா ஸம்ப³ஹுலானம் ஆபத்தீனம் சா²ரத்தம் மானத்தம் த³தே³ய்ய, ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴, அயம் இத்த²ன்னாமோ பி⁴க்கு² ஸம்ப³ஹுலா ஆபத்தியோ ஆபஜ்ஜி பக்க²படிச்ச²ன்னாயோ, ஸோ ஸங்க⁴ம் ஸம்ப³ஹுலானம் ஆபத்தீனம் பக்க²படிச்ச²ன்னானம் பக்க²பரிவாஸம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் பக்க²படிச்ச²ன்னானம் பக்க²பரிவாஸம் அதா³ஸி, ஸோ பரிவஸந்தோ அந்தரா ஸம்ப³ஹுலா ஆபத்தியோ ஆபஜ்ஜி பஞ்சாஹப்படிச்ச²ன்னாயோ, ஸோ ஸங்க⁴ம் அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் மூலாயபடிகஸ்ஸனம் யாசி, ஸங்கோ⁴ இத்த²ன்னாமம் பி⁴க்கு²ம் அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் மூலாய படிகஸ்ஸி, ஸோ ஸங்க⁴ம் அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் புரிமாஸு ஆபத்தீஸு ஸமோதா⁴னபரிவாஸம் யாசி, ஸங்கோ⁴ இத்த²ன்னாமஸ்ஸ பி⁴க்கு²னோ அந்தரா ஸம்ப³ஹுலானம் ஆபத்தீனம் பஞ்சாஹப்படிச்ச²ன்னானம் புரிமாஸு ஆபத்தீஸு ஸமோதா⁴னபரிவாஸம் அதா³ஸி, ஸோ பரிவுத்த²பரிவாஸோ ஸங்க⁴ம் ஸம்ப³ஹுலானம் ஆபத்தீனம் சா²ரத்தம் மானத்தம் யாசதி, ஸங்கோ⁴ இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் சா²ரத்தம் மானத்தம் தே³தி, யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ ஸம்ப³ஹுலானம் ஆபத்தீனம் சா²ரத்தம் மானத்தஸ்ஸ தா³னம், ஸோ துண்ஹஸ்ஸ. யஸ்ஸ நக்க²மதி, ஸோ பா⁴ஸேய்ய.