4. அட்ட²வத்து²கஸிக்கா²பத³வண்ணனா

675. சதுத்தே² லோகஸ்ஸாத³ஸங்கா²தம் மித்தேஹி அஞ்ஞமஞ்ஞம் காதப்³ப³ம் ஸந்த²வம். வுத்தமேவத்த²ம் பரியாயந்தரேன த³ஸ்ஸேதும் ‘‘காயஸம்ஸக்³க³ராகே³னா’’தி வுத்தம்.

திஸ்ஸித்தி²யோ மேது²னம் தம் ந ஸேவேதி யா திஸ்ஸோ இத்தி²யோ, தாஸு வுத்தம் தம் மேது²னம் ந ஸேவேய்ய. அனரியபண்ட³கேதி தயோ அனரியே, தயோ பண்ட³கே ச உபஸங்கமித்வா மேது²னம் ந ஸேவேதி அத்தோ². அனரியாதி சேத்த² உப⁴தோப்³யஞ்ஜனகா அதி⁴ப்பேதா. ப்³யஞ்ஜனஸ்மிந்தி அத்தனோ வச்சமுக²மக்³கே³பி. சே²தோ³ ஏவ சே²ஜ்ஜம், பாராஜிகம்.

வண்ணாவண்ணோதி த்³வீஹி ஸுக்கவிஸ்ஸட்டி² வுத்தா. க³மனுப்பாத³னந்தி ஸஞ்சரித்தம். ‘‘மேது²னத⁴ம்மஸ்ஸ புப்³ப³பா⁴க³த்தா பச்சயோ ஹோதீ’’தி இமினா காரியோபசாரேன காயஸம்ஸக்³கோ³ மேது²னத⁴ம்மோதி வுத்தோதி த³ஸ்ஸேதி. ஸப்³ப³பதே³ஸூதி ஸங்கா⁴டிகண்ணக்³க³ஹணாதி³பதே³ஸு. காயஸம்ஸக்³க³ராகோ³, ஸஉஸ்ஸாஹதா, அட்ட²மவத்து²ஸ்ஸ பூரணந்தி தீணேத்த² அங்கா³னி.

அட்ட²வத்து²கஸிக்கா²பத³வண்ணனா நிட்டி²தா.

பாராஜிகவண்ணனானயோ நிட்டி²தோ.