9. நவமஸிக்கா²பத³வண்ணனா

969. ஏகிந்த்³ரியந்தி காயிந்த்³ரியேனேவ ஏகிந்த்³ரியம், நிக³ண்டா²னம் அசேலகானம் மதம். காபிலா பன ‘‘பஞ்சிந்த்³ரியா’’தி மஞ்ஞந்தா ஏவம் வத³ந்தி ‘‘ஸசக்கு²கத்தா அலாபு³மாலுவாத³யோ யத்த² ஆலம்ப³னம், தத்த² க³ச்ச²ந்தி. ஸஸோதகத்தா கத³லியோ மேக⁴க³ஜ்ஜிதம் ஸுத்வா க³ப்³ப⁴ம் க³ண்ஹந்தி. ஸகா⁴னகத்தா பனஸாத³யோ குணபக³ந்தே⁴ன ப²லந்தி. ஸஜிவ்ஹகத்தா உத³கம் பிவந்தி யேன, ஸப்³பே³பி ‘பாத³பா’தி வுச்சந்தி. ஸகாயபஸாத³த்தா இத்தி²ஸம்ப²ஸ்ஸேன அஸோகருக்கா² புப்ப²ந்தீ’’தி. ஸங்கா⁴தந்தி வினாஸம்.

970. இத⁴ ச வஸ்ஸச்சே²தே³ன து³க்கடம். பட²மம் ஆவஸித்வா பச்சா² சாரிகா சரணபச்சயா பாசித்தியம் ஆபஜ்ஜதீதி வேதி³தப்³ப³ம். அத² வஸ்ஸம் அவஸித்வா சரதி, அவஸ்ஸுபக³மனபச்சயா து³க்கடம் ஆபஜ்ஜதி. போராணக³ண்டி²பதே³ பன ‘‘அந்தோஸத்தாஹே அந்தோவஸ்ஸே சாரிகம் சரந்தியா பாசித்தியம். ஸத்தாஹகரணீயேன பன வட்டதி, பி⁴க்கு²னோ து³க்கடம் ஹோதீ’’தி வுத்தம்.

972. கேனசி உப்³பா³ள்ஹாதி வஸ்ஸச்சே²த³காரணேனாதி நோ தக்கோதி ஆசரியோ. கித்தாவதா சாரிகா ஹோதீதி? இத³ம் ந ஸப்³ப³த்த² விசாரிதம். அனந்தரஸிக்கா²பதே³ ‘‘அந்தமஸோ ச²ப்பஞ்சயோஜனானிபீ’’தி வுத்தத்தா ஸோ ச மஞ்ஞே ஹேட்டி²மபரிச்சே²தோ³தி.

நவமஸிக்கா²பத³வண்ணனா நிட்டி²தா.