5-6. ஸக்கபஞ்ஹஸுத்தாதி³வண்ணனா

118-119. தி³ட்டே²தி பச்சக்க²பூ⁴தே. த⁴ம்மேதி உபாதா³னக்க²ந்த⁴த⁴ம்மே. தத்த² ஹி அத்தாதி ப⁴வதி ஸஞ்ஞா தி³ட்டி² சாதி அத்தபா⁴வஸஞ்ஞா. தேனாஹ – ‘‘தி³ட்டே²வ த⁴ம்மேதி இமஸ்மிம்யேவ அத்தபா⁴வே’’தி. ‘‘தன்னிஸ்ஸித’’ந்தி ஏத்த² தம்-ஸத்³தே³ன ஹேட்டா² அபி⁴னந்த³னாதி³பரியாயேன வுத்தா தண்ஹா பச்சாமட்டா²தி ஆஹ – ‘‘தண்ஹானிஸ்ஸித’’ந்தி. தம் உபாதா³னம் ஏதஸ்ஸாதி தது³பாதா³னம். தேனாஹ – ‘‘தம்க³ஹண’’ந்திஆதி³. தண்ஹுபாதா³னஸங்கா²தம் க³ஹணம் ஏதஸ்ஸாதி தம்க³ஹணம். ச²ட்ட²ம் உத்தானமேவ பஞ்சமே வுத்தனயத்தா.

ஸக்கபஞ்ஹஸுத்தாதி³வண்ணனா நிட்டி²தா.