10. ப³ந்த⁴னஸுத்தவண்ணனா

121. இத³ந்தி ‘‘இத⁴, ப⁴ந்தே’’திஆதி³கம் வசனம். தே பி⁴க்கூ² ஆரோசேஸுந்தி ஸம்ப³ந்தோ⁴. தேஸூதி தேஸு ரஞ்ஞா ப³ந்தா⁴பிதமனுஸ்ஸேஸு. ஸுகதகாரணந்தி ஸுகாரணகிரியம் ஆரோசேஸும், ந கேவலம் தேஸம் மனுஸ்ஸானம் ப³ந்தா⁴பிதபா⁴வம். இதா³னி தமத்த²ம் வித்தா²ரதோ த³ஸ்ஸேதும் ‘‘ரஞ்ஞோ கிரா’’திஆதி³ வுத்தம். அட்ட²வங்கோதி அட்ட²ம்ஸோ. அந்தோக⁴ரசாரினோதி அந்தேபுரவாஸினோ.

உக்கட்டே²தி யுத்³தே⁴. மந்தீஸூதி கு³த்தமந்தீஸு. அகுதூஹலந்தி ஸஞ்ஞதம். பியந்தி பியாயிதப்³ப³ம். அன்னபானம்ஹி மது⁴ரே அபு⁴த்தே உப்பன்னே. அத்தே²தி அத்தே² கிச்சே ஜாதே தி²ரந்தி ந கதே²ந்தி காயப³லமத்தேன அபனேதும் ஸக்குணேய்யத்தா. ஸுட்டு² ரத்தரத்தாதி அதிவிய ரத்தா ஏவ ஹுத்வா ரத்தா. ஸாரத்தேனாதி ஸாரபா⁴வேன ஸாரபா⁴வஸஞ்ஞாய. ஓஹாரினந்தி ஹேட்டா² ஹரணஸீலந்தி ஆஹ ‘‘சதூஸு அபாயேஸு ஆகட்³ட⁴னக’’ந்தி. ஸிதி²லந்தி ஸிதி²லாகாரம், ந பன ஸிதி²லம். தேனாஹ ப⁴க³வா ‘‘து³ப்பமுஞ்ச’’ந்தி.

ப³ந்த⁴னஸுத்தவண்ணனா நிட்டி²தா.

பட²மவக்³க³வண்ணனா நிட்டி²தா.