11. பஞ்சஸதிகக்க²ந்த⁴கம்

1. கு²த்³தா³னுகு²த்³த³கஸிக்கா²பத³கதா²

441. பஞ்சஸதிகக்க²ந்த⁴கே ‘‘சத்தாரி…பே… கு²த்³த³கானீ’’தி ஏவமாதி³ வுத்தந்தி ஸம்ப³ந்தோ⁴. பரியாயேனாதி காரணேன. தூ⁴மகாலிகந்தி ஏத்த² தூ⁴மஸ்ஸ காலோ தூ⁴மகாலோ, தூ⁴மஸ்ஸ உட்டி²தகாலோதி அத்தோ². ஸோ ஏதஸ்ஸத்தீ²தி தூ⁴மகாலிகம், ஸிக்கா²பத³பஞ்ஞத்தம். இதி இமமத்த²ம் த³ஸ்ஸேந்தோ ஆஹ ‘‘யாவா’’திஆதி³.

443. இத³ந்தி ‘‘கதமானி பன ப⁴ந்தே கு²த்³தா³னுகு²த்³த³கானி ஸிக்கா²பதா³னீ’’தி அபுச்ச²னம். ‘‘தயா’’தி இமினா இத³ம் தேதி ஏத்த² தேஸத்³த³ஸ்ஸ ‘‘துய்ஹம், தவா’’தி அத்தே² படிக்கி²பதி. ஆபத்திந்தி து³க்கடாபத்திம். ஹீதி ஸச்சம், யஸ்மா வா. தேதி தே²ரா. ‘‘ஸங்கோ⁴…பே… ந ஸமுச்சி²ந்த³தீ’’தி ஏதம் வசனம் அனுஸ்ஸாவிதந்தி யோஜனா. ‘‘தே³ஸேஹி தம் ஆவுஸோ து³க்கட’’ந்தி இத³ம்பி ச வுத்தந்தி ஸம்ப³ந்தோ⁴. தே²ரோ பனாதி ஆனந்த³த்தே²ரோ பன ஆஹாதி ஸம்ப³ந்தோ⁴. தத்தா²தி அபுச்ச²னே. யதா²தி யேனாகாரேன. சதூஸு டா²னேஸூதி ‘‘ப⁴க³வதோ வஸ்ஸிகஸாடிகம் அக்கமித்வா ஸிப்³பே³ஸீ’’திஆதீ³ஸு சதூஸு டா²னேஸு. ஏத்தா²தி பஞ்சஸதிகக்க²ந்த⁴கே.

இதி பஞ்சஸதிகக்க²ந்த⁴கவண்ணனாய யோஜனா ஸமத்தா.