95. அனாபத்திபன்னரஸகாதி³கதா²

172. தே ந ஜானிம்ஸூதி ஏத்த² ஜானனாகாரத³ஸ்ஸனத்த²ம் ‘‘ஸீமம் ஓக்கந்தாதி வா ஓக்கமந்தீதி வா’’தி வுத்தம். ஓக்கந்தாதி வாதி பவிஸித்த² இதி வா. தேஸந்தி சதுன்னம் வா அதிரேகானம் வா பி⁴க்கூ²னம். வக்³கா³ ஸமக்³க³ஸஞ்ஞினோதி ஏத்த² கஸ்மா வக்³கா³, கஸ்மா ஸமக்³க³ஸஞ்ஞினோதி ஆஹ ‘‘தேஸ’’ந்திஆதி³. தத்த² தேஸந்தி அஞ்ஞேஸம் பி⁴க்கூ²னம். ஸீமம் ஓக்கந்தத்தாதி ஸீமம் பவிஸிதத்தா, வக்³கா³ ஹுத்வாதி ஸம்ப³ந்தோ⁴. ஸமக்³கோ³ இதி ஸஞ்ஞா ஸமக்³க³ஸஞ்ஞா, ஸா ஏதேஸமத்தீ²தி ஸமக்³க³ஸஞ்ஞினோ.

175. குக்குச்சபகதாதி பத³ஸ்ஸ ‘‘இச்சா²பகதோ’’தி பதே³ன ஸமானபா⁴வம் த³ஸ்ஸேதும் வுத்தம் ‘‘யதா²’’திஆதி³. புப்³ப³பா⁴கே³தி உபோஸத²கம்மதோ புப்³ப³பா⁴கே³. ஸன்னிட்டா²னம் கத்வாபீதி கப்பதேவாதி ஸன்னிட்டா²னம் கத்வாபி. ‘‘அபி⁴பூ⁴தா’’தி இமினா பகதாதி ஏத்த² பபுப்³ப³கரதா⁴துயா உபஸக்³க³வஸேன அபி⁴ப⁴வனத்த²ம் த³ஸ்ஸேதி.

176. யதா² ஹேட்டா² வக்³கா³வக்³க³ஸஞ்ஞீபன்னரஸகாதீ³ஸு து³க்கடம் வுத்தம், ஏவமகத்வா கஸ்மா ‘‘து²ல்லச்சய’’ந்தி ஆஹ ‘‘அகுஸலப³லவதாயா’’தி.