2. அந்த⁴காரவக்³கோ³

1. பட²மஸிக்கா²பத³-அத்த²யோஜனா

839. அந்த⁴காரவக்³க³ஸ்ஸ பட²மே அப்பதீ³பேதி உபலக்க²ணவஸேன வுத்தத்தா அஞ்ஞேபி ஆலோகா க³ஹேதப்³பா³தி த³ஸ்ஸேந்தோ ஆஹ ‘‘பதீ³பசந்த³ஸூரியஅக்³கீ³ஸூ’’திஆதி³. அஸ்ஸாதி ‘‘அப்பதீ³பே’’திபத³ஸ்ஸ.

841. நரஹோஅஸ்ஸாதா³பேக்கா² ஹுத்வா ச ரஸ்ஸாத³தோ அஞ்ஞவிஹிதாவ ஹுத்வா சாதி யோஜனா. இமினா ‘‘ஸந்திட்ட²தி வா ஸல்லபதி வா’’தி பதே³ கிரியாவிஸேஸனபா⁴வம் த³ஸ்ஸேதி. தா³னேன வா நிமித்தபூ⁴தேன, பூஜாய வா நிமித்தபூ⁴தாய மந்தேதீதி யோஜனாதி. பட²மம்.

2. து³தியஸிக்கா²பத³ம்

842. து³தியே இத³மேவ பத³ம் நானந்தி ஸம்ப³ந்தோ⁴தி. து³தியம்.

3. ததியஸிக்கா²பத³ம்

846. ததியே ‘‘இத³மேவா’’தி பத³ம் அனுவத்தேதப்³ப³ம். தாதி³ஸமேவாதி பட²மஸதி³ஸமேவாதி அத்தோ²தி. ததியம்.

4. சதுத்த²ஸிக்கா²பத³ம்

850. சதுத்தே² கண்ணஸ்ஸ ஸமீபம் நிகண்ணம், தமேவ நிகண்ணிகந்தி வுத்தே கண்ணமூலந்தி ஆஹ ‘‘கண்ணமூலம் வுச்சதீ’’தி. ‘‘கண்ணமூலே’’தி இமினா ‘‘நிகண்ணிக’’ந்தி ஏத்த² பு⁴ம்மத்தே² உபயோக³வசனந்தி த³ஸ்ஸேதி. ஆஹரணத்தா²யாதி ஆஹராபனத்தா²யாதி. சதுத்த²ம்.

5. பஞ்சமஸிக்கா²பத³ம்

854. பஞ்சமே தேஸந்தி க⁴ரஸாமிகானம். க⁴ரம்பீதி ந கேவலம் ஆஸனமேவ, க⁴ரம்பி ஸோதே⁴மாதி அத்தோ². ததோதி பரிவிதக்கனதோ, பரந்தி ஸம்ப³ந்தோ⁴.

858. சோரா வா உட்டி²தா ஹோந்தீதி யோஜனாதி. பஞ்சமம்.

6. ச²ட்ட²ஸிக்கா²பத³ம்

860. ச²ட்டே² அபி⁴னிஸீதே³ய்யாதி ஏத்த² அபி⁴ஸத்³தோ³ உபஸக்³க³மத்தோவாதி த³ஸ்ஸேந்தோ ஆஹ ‘‘நிஸீதே³ய்யா’’தி. ஏஸேவ நயோ அபி⁴னிபஜ்ஜேய்யாதி ஏத்தா²பி. த்³வே ஆபத்தியோதி ஸம்ப³ந்தோ⁴தி. ச²ட்ட²ம்.

7. ஸத்தமஸிக்கா²பத³ம்

864. ஸத்தமே ஸப்³ப³ந்தி ஸகலம் வத்தப்³ப³வசனந்தி. ஸத்தமம்.

8. அட்ட²மஸிக்கா²பத³ம்

869. அட்ட²மே அனுத்தானவசனம் நத்தீ²தி. அட்ட²மம்.

9. நவமஸிக்கா²பத³ம்

875. நவமே அபி⁴ஸபேய்யாதி ஏத்த² ஸபதா⁴துஸ்ஸ அக்கோஸனத்த²ம் அந்தோகத்வா கரதா⁴துயா அத்த²ம் த³ஸ்ஸேந்தோ ஆஹ ‘‘ஸபத²ம் கரேய்யா’’தி. நிரயே நிப்³ப³த்தாம்ஹீதி அஹம் நிரயே நிப்³ப³த்தா அம்ஹீதி யோஜனா. நிரயே நிப்³ப³த்ததூதி ஏஸா பி⁴க்கு²னீ நிரயே நிப்³ப³த்ததூதி யோஜனா. ஈதி³ஸா ஹோதூதி மம ஸதி³ஸா ஹோதூதி அத்தோ². காணாதி ஏகக்கி²காணா, த்³வக்கி²காணா வா. குணீதி ஹத்த²பாதா³தி³வங்கா.

878. ஏதி³ஸாதி விரூபாதி³ஜாதிகா. விரமஸ்ஸூதி விரமாஹி. அத்³தா⁴தி து⁴வந்தி. நவமம்.

10. த³ஸமஸிக்கா²பத³ம்

879. த³ஸமே அனுத்தானட்டா²னம் நத்தீ²தி. த³ஸமம்.

அந்த⁴காரவக்³கோ³ து³தியோ.