3. ததியபாடிதே³ஸனீயஸிக்கா²பத³ம்

562. ததியே ‘‘உப⁴தோ’’தி ஏத்த² கரணத்தே² தோதி ஆஹ ‘‘த்³வீஹீ’’தி. ‘‘உப⁴தோபஸன்ன’’ந்தி ப்³யாஸோபி ஸமாஸோபி யுத்தோயேவ, ஸமாஸே தோபச்சயஸ்ஸ அலோபோ ஹோதி. ‘‘உப⁴தோ’’திபத³ஸ்ஸ ஸரூபம் த³ஸ்ஸேதும் வுத்தம் ‘‘உபாஸகேனபி உபாஸிகாயபீ’’தி. கஸ்மா உப⁴தோ பஸன்னம் ஹோதீதி ஆஹ ‘‘தஸ்மிம் கிரா’’திஆதி³. யஸ்மா தஸ்மிம் குலே…பே… ஸோதாபன்னாயேவ ஹோந்தி கிர, தஸ்மா ‘‘உப⁴தோபஸன்ன’’ந்தி வுத்தம் ஹோதி. ‘‘ஸசேபீ’’தி ஏத்த² பிஸத்³தே³ன அஸீதிகோடித⁴னதோ அதி⁴கம்பி ஸம்பிண்டே³தி. ஹாயனஸ்ஸ காரணம் த³ஸ்ஸேதி ‘‘யஸ்மா’’திஆதி³னா.

569. ‘‘க⁴ரதோ நீஹரித்வா’’தி ஏத்த² ‘‘நீஹரித்வா’’தி பத³ஸ்ஸ கம்மம் த³ஸ்ஸேதும் வுத்தம் ‘‘ஆஸனஸாலம் வா விஹாரம் வா’’தி. ‘‘ஆனேத்வா’’திஇமினா நீபுப்³ப³ஹரதா⁴துயா அத்த²ம் த³ஸ்ஸேதி. த்³வாரேதி அத்தனோ கே³ஹத்³வாரேதி. ததியம்.