15. பரிக்கா²ரஹாரவிப⁴ங்க³வண்ணனா

49. ‘‘ஹினோதீ’’தி பத³ஸ்ஸ அத்த²ம் த³ஸ்ஸேந்தோ ‘‘காரணபா⁴வம் க³ச்ச²தீ’’தி ஆஹ அனேகத்த²த்தா தா⁴தூனம். ஏதீதி ஆக³ச்ச²தி, உப்பஜ்ஜதீதி அத்தோ².

அவிஜ்ஜாயபி ஹேதுபா⁴வேதி ஏத்த² அவிஜ்ஜா அனந்தராய அவிஜ்ஜாய அனந்தரஸமனந்தரூபனிஸ்ஸயனத்தி²விக³தாஸேவனபச்சயேஹி, அனந்தராய பன ஸஹஜாதாய ஸஹஜாதஅஞ்ஞமஞ்ஞனிஸ்ஸயஸம்பயுத்தஅத்தி²அவிக³தஹேதுபச்சயேஹி, அஸஹஜாதாய உபனிஸ்ஸயகோடியா ஏவ பச்சயோ ஹோதீதி வேதி³தப்³ப³ம். அத்தனோ ப²லம் கரோதீதி காரணந்தி ஆஹ ‘‘காரணபா⁴வோ ச ப²லாபேக்கா²யா’’தி.

நிப்³ப³த்திஅத்தோ² ப²லத்தோ² ப²லஸங்கா²தோ அத்தோ².

யோ ஸபா⁴வோதி புஞ்ஞாதி³அபி⁴ஸங்கா²ரானம் யோ அபி⁴ஸங்க²ரணஸபா⁴வோ, ஸோ ஹேது. ஸேஸபதே³ஸூதி விஞ்ஞாணாதி³பதே³ஸு. யதா²வுத்தப்பபே⁴தோ³தி ‘‘அஸாதா⁴ரணலக்க²ணோ ஹேதூ’’திஆதி³னா வுத்தப்பபே⁴தோ³. யோ கோசி பச்சயோதி ஜனகாதி³பே⁴த³ம் யம் கிஞ்சி காரணம். அபி⁴ஸங்க²ரணதோதி பச்சக்க²தோ, பரம்பராய ச நிப்³ப³த்தனதோ.

பரிக்கா²ரஹாரவிப⁴ங்க³வண்ணனா நிட்டி²தா.