மூலஸிக்கா²

க³ந்தா²ரம்ப⁴கதா²

நத்வா நாத²ம் பவக்கா²மி, மூலஸிக்க²ம் ஸமாஸதோ;

பி⁴க்கு²னா நவகேனாதோ³, மூலபா⁴ஸாய ஸிக்கி²தும்.

1. பாராஜிகனித்³தே³ஸோ

1. ஸம் நிமித்தம் பவேஸந்தோ, பி⁴க்கு² மக்³க³த்தயே சுதோ;

பவேஸனட்டி²துத்³தா⁴ர-பவிட்டே² சேபி ஸாதி³யம்.

2. அதி³ன்னம் மானுஸம் ப⁴ண்ட³ம், தே²ய்யாயேகேன ஆதி³யம்;

பஞ்சவீஸாவஹாரேஸு, க³ருகம் சே சுதோ ப⁴வே.

3. ஆதி³யந்தோ ஹரந்தோவ-ஹரந்தோபிரியாபத²ம்;

விகோபேந்தோ ததா² டா²னா, சாவேந்தோபி பராஜிகோ.

4. தத்த² நானேகப⁴ண்டா³னம், பஞ்சகானம் வஸா பன;

அவஹாரா த³ஸஞ்சேதி, விஞ்ஞாதப்³பா³ விபா⁴வினா.

5. ஸாஹத்தா²ணத்திகோ சேவ, நிஸ்ஸக்³கோ³ சாத்த²ஸாத⁴கோ;

து⁴ரனிக்கே²பனஞ்சேவ, இத³ம் ஸாஹத்த²பஞ்சகம்.

6. புப்³ப³ஸஹப்பயோகோ³ ச, ஸம்விதா⁴ஹரணம்பி ச;

ஸங்கேதகம்மம் நிமித்தம், புப்³ப³ப்பயோக³பஞ்சகம்.

7. தே²ய்யாபஸய்ஹபரிகப்ப-ப்படிச்ச²ன்னகுஸாதி³கா;

அவஹாரா இமே பஞ்ச, விஞ்ஞாதப்³பா³ விபா⁴வினா.

8. மனுஸ்ஸபாணம் பாணோதி, ஜானம் வத⁴கசேதஸா;

ஜீவிதா யோ வியோஜேதி, ஸாஸனா ஸோ பராஜிதோ.

9. ஜா²னாதி³பே⁴த³ம் ஹத³யே அஸந்தம்,

அஞ்ஞபதே³ஸஞ்ச வினாதி⁴மானம்;

மனுஸ்ஸஜாதிஸ்ஸ வதே³ய்ய பி⁴க்கு²,

ஞாதக்க²ணே தேன பராஜிகோ ப⁴வேதி.

2. க³ருகாபத்தினித்³தே³ஸோ

10. மோசேதுகாமசித்தேன, உபக்கம்ம விமோசயம்;

ஸுக்கமஞ்ஞத்ர ஸுபினா, ஸமணோ க³ருகம் பு²ஸே.

11. காயஸம்ஸக்³க³ராகே³ன, மனுஸ்ஸித்தி²ம் பராமஸம்;

இத்தி²ஸஞ்ஞீ உபக்கம்ம, ஸமணோ க³ருகம் பு²ஸே.

12. து³ட்டு²ல்லவாசஸ்ஸாதே³ன, மக்³க³ம் வாரப்³ப⁴ மேது²னம்;

ஓபா⁴ஸந்தோ மனுஸ்ஸித்தி²ம், ஸுணமானம் க³ரும் பு²ஸே.

13. வண்ணம் வத்வாத்தனோகாம-பாரிசரியாய மேது²னம்;

இத்தி²ம் மேது²னராகே³ன, யாசமானோ க³ரும் பு²ஸே.

14. ஸந்தே³ஸம் படிக்³க³ண்ஹித்வா, புரிஸஸ்ஸித்தி²யாபி வா;

வீமம்ஸித்வா ஹரம்பச்சா, ஸமணோ க³ருகம் பு²ஸே.

15. சாவேதுகாமோ சோதே³ந்தோ, அமூலந்திமவத்து²னா;

சோதா³பயம் வா ஸமணோ, ஸுணமானம் க³ரும் பு²ஸே.

16. லேஸமத்தம் உபாதா³ய, அமூலந்திமவத்து²னா;

சாவேதுகாமோ சோதே³ந்தோ, ஸுணமானம் க³ரும் பு²ஸேதி.

3. நிஸ்ஸக்³கி³யனித்³தே³ஸோ

17. விகப்பனமதி⁴ட்டா²ன-மகத்வா காலசீவரம்;

த³ஸாஹமதிமாபேதி, தஸ்ஸ நிஸ்ஸக்³கி³யம் ஸியா.

18. பி⁴க்கு²ஸம்முதியாஞ்ஞத்ர, திசீவரமதி⁴ட்டி²தம்;

ஏகாஹமதிமாபேதி, நிஸ்ஸக்³கி³ ஸமயம் வினா.

19. அஞ்ஞாதிகா பி⁴க்கு²னியா, புராணசீவரம் பன;

தோ⁴வாபேதி ரஜாபேதி, ஆகோடாபேதி தம் ஸியா.

20. அஞ்ஞாதிகா பி⁴க்கு²னியா, ஹத்த²தோ கிஞ்சி மூலகம்;

அத³த்வா சீவராதா³னே, நிஸ்ஸக்³கி³யமுதீ³ரிதம்.

21. அப்பவாரிதமஞ்ஞாதிம், விஞ்ஞாபேந்தஸ்ஸ சீவரம்;

அஞ்ஞத்ர ஸமயா தஸ்ஸ, நிஸ்ஸக்³கி³யமுதீ³ரிதம்.

22. ரஜதம் ஜாதரூபம் வா, மாஸகம் வா கஹாபணம்;

க³ண்ஹேய்ய வா க³ண்ஹாபேய்ய, நிஸ்ஸக்³கி³ ஸாதி³யேய்ய வா.

23. பரிவத்தேய்ய நிஸ்ஸக்³கி³, ரஜதாதி³ சதுப்³பி³த⁴ம்;

கப்பியம் கப்பியேனாபி, ட²பேத்வா ஸஹத⁴ம்மிகே.

24. விகப்பனமதி⁴ட்டா²ன-மகத்வான பமாணிகம்;

த³ஸாஹமதிமாபேதி, பத்தம் நிஸ்ஸக்³கி³யம் ஸியா.

25. பஞ்சப³ந்த⁴னதோ ஊன-பத்தே ஸதி பரம் பன;

விஞ்ஞாபேதி நவம் பத்தம், தஸ்ஸ நிஸ்ஸக்³கி³யம் ஸியா.

26. படிக்³க³ஹேத்வா பு⁴ஞ்ஜந்தோ, ஸப்பிதேலாதி³கம் பன;

ஸத்தாஹமதிமாபேதி, தஸ்ஸ நிஸ்ஸக்³கி³யம் ஸியா.

27. பி⁴க்கு²ஸ்ஸ சீவரம் த³த்வா, அச்சி²ந்த³ந்தஸ்ஸ தம் புன;

ஸகஸஞ்ஞாய நிஸ்ஸக்³கி³, அச்சி²ந்தா³பயதோபி வா.

28. அப்பவாரிதமஞ்ஞாதிம், ஸுத்தம் யாசிய சீவரம்;

வாயாபேந்தஸ்ஸ நிஸ்ஸக்³கி³, வினா ஞாதிப்பவாரிதே.

29. ஜானந்தோ பி⁴க்கு² ஸங்க⁴ஸ்ஸ, லாப⁴ம் பரிணதம் பன;

அத்தனோ பரிணாமேதி, தஸ்ஸ நிஸ்ஸக்³கி³யம் ஸியாதி.

4. பாசித்தியனித்³தே³ஸோ

30. ஸம்பஜானமுஸாவாதே³, பாசித்தியமுதீ³ரிதம்;

பி⁴க்கு²ஞ்ச ஓமஸந்தஸ்ஸ, பேஸுஞ்ஞஹரணேபி ச.

31. ட²பேத்வா பி⁴க்கு²னிம் பி⁴க்கு²ம், அஞ்ஞேன பிடகத்தயம்;

பத³ஸோத⁴ம்மம் ப⁴ணந்தஸ்ஸ, பாசித்தியமுதீ³ரிதம்.

32. அனுபஸம்பன்னேனேவ, ஸயித்வான திரத்தியம்;

பாசித்தி ஸஹஸேய்யாய, சதுத்த²த்த²ங்க³தே புன.

33. இத்தி²யா ஏகரத்தம்பி, ஸேய்யம் கப்பயதோபி வா;

தே³ஸேந்தஸ்ஸ வினா விஞ்ஞும், த⁴ம்மஞ்ச ச²ப்பது³த்தரிம்.

34. து³ட்டு²ல்லம் பி⁴க்கு²னோ வஜ்ஜம், பி⁴க்கு²ஸம்முதியா வினா;

அபி⁴க்கு²னோ வத³ந்தஸ்ஸ, பாசித்தியமுதீ³ரிதம்.

35. க²ணேய்ய வா க²ணாபேய்ய, பத²விஞ்ச அகப்பியம்;

பூ⁴தகா³மம் விகோபேய்ய, தஸ்ஸ பாசித்தியம் ஸியா.

36. அஜ்ஜோ²காஸே து மஞ்சாதி³ம், கத்வா ஸந்த²ரணாதி³கம்;

ஸங்கி⁴கம் யாதி பாசித்தி, அகத்வாபுச்ச²னாதி³கம்.

37. ஸங்கி⁴காவஸதே² ஸேய்யம், கத்வா ஸந்த²ரணாதி³கம்;

அகத்வாபுச்ச²னாதி³ம் யோ, யாதி பாசித்தி தஸ்ஸபி.

38. ஜானம் ஸப்பாணகம் தோயம், பாசித்தி பரிபு⁴ஞ்ஜதோ;

அஞ்ஞாதிகா பி⁴க்கு²னியா, ட²பேத்வா பாரிவத்தகம்.

39. சீவரம் தே³தி பாசித்தி, சீவரம் ஸிப்³ப³தோபி ச;

அதிரித்தம் அகாரேத்வா, பவாரேத்வான பு⁴ஞ்ஜதோ.

40. பி⁴க்கு²ம் ஆஸாத³னாபேக்கோ², பவாரேதி பவாரிதம்;

அனதிரித்தேன பு⁴த்தே து, பாசித்தியமுதீ³ரிதம்.

41. ஸன்னிதி⁴போ⁴ஜனம் பு⁴ஞ்ஜே, விகாலே யாவகாலிகம்;

பு⁴ஞ்ஜதோ வாபி பாசித்தி, அகி³லானோ பணீதகம்.

42. விஞ்ஞாபேத்வான பு⁴ஞ்ஜேய்ய, ஸப்பிப⁴த்தாதி³கம்பி ச;

அப்படிக்³க³ஹிதம் பு⁴ஞ்ஜே, த³ந்தகட்டோ²த³கம் வினா.

43. தித்தி²யஸ்ஸ த³தே³ கிஞ்சி, பு⁴ஞ்ஜிதப்³ப³ம் ஸஹத்த²தோ;

நிஸஜ்ஜம் வாரஹோ கப்பே, மாதுகா³மேன சேகதோ.

44. ஸுராமேரயபானேபி, பாசித்தியமுதீ³ரிதம்;

அங்கு³லிபதோத³கே சாபி, ஹஸத⁴ம்மேபி சோத³கே.

45. அனாத³ரேபி பாசித்தி, பி⁴க்கு²ம் பீ⁴ஸயதோபி வா;

ப⁴யானகம் கத²ம் கத்வா, த³ஸ்ஸேத்வா வா ப⁴யானகம்.

46. ட²பேத்வா பச்சயம் கிஞ்சி, அகி³லானோ ஜலேய்ய வா;

ஜோதிம் ஜலாபயேய்யாபி, தஸ்ஸ பாசித்தியம் ஸியா.

47. கப்பபி³ந்து³மனாதா³ய, நவசீவரபோ⁴கி³னோ;

ஹஸாபேக்க²ஸ்ஸ பாசித்தி, பி⁴க்கு²னோ சீவராதி³கம்.

48. அபனேத்வா நிதே⁴ந்தஸ்ஸ, நிதா⁴பேந்தஸ்ஸ வா பன;

ஜானம் பாணம் மாரேந்தஸ்ஸ, திரச்சா²னக³தம்பி ச.

49. சா²தே³துகாமோ சா²தே³தி, து³ட்டு²ல்லம் பி⁴க்கு²னோபி ச;

கா³மந்தரக³தஸ்ஸாபி, ஸம்விதா⁴யித்தி²யா ஸஹ.

50. பி⁴க்கு²ம் பஹரதோ வாபி, தலஸத்திகமுக்³கி³ரே;

சோதே³தி வா சோதா³பேதி, க³ருகாமூலகேனபி.

51. குக்குச்சுப்பாத³னே சாபி, ப⁴ண்ட³னத்தா²யுபஸ்ஸுதிம்;

ஸோதும் ப⁴ண்ட³னஜாதானம், யாதி பாசித்தியம் ஸியா.

52. ஸங்க⁴ஸ்ஸ லாப⁴ம் பரிணாமிதம் து,

நாமேதி யோ தம் பரபுக்³க³லஸ்ஸ;

புச்ச²ம் அகத்வாபி ச ஸந்தபி⁴க்கு²ம்,

பாசித்தி கா³மஸ்ஸ க³தே விகாலேதி.

5. பகிண்ணகனித்³தே³ஸோ

53. ஸங்கி⁴கம் க³ருப⁴ண்ட³ம் யோ, தே³தி அஞ்ஞஸ்ஸ இஸ்ஸரோ;

து²ல்லச்சயம் யதா²வத்து²ம், தே²ய்யா பாராஜிகாதி³பி.

54. குஸாதி³மயசீரானி, கம்ப³லம் கேஸவாலஜம்;

ஸமயம் வினா தா⁴ரயதோ, லூகபக்கா²ஜினக்கி²பம்.

55. ஸத்த²கம்மே வத்தி²கம்மே, ஸம் நிமித்தஞ்ச சி²ந்த³தோ;

து²ல்லச்சயம் மனுஸ்ஸானம், மம்ஸாதி³போ⁴ஜனேபி வா.

56. கத³லேரகக்கது³ஸ்ஸானி, போத்த²கம் ஸப்³ப³னீலகம்;

ஸப்³ப³பீதாதி³கஞ்சாபி, தா⁴ரயந்தஸ்ஸ து³க்கடம்.

57. ஹத்தி²ஸ்ஸுரக³ஸோணானம், ஸீஹப்³யக்³க⁴ச்ச²தீ³பினம்;

தரச்ச²ஸ்ஸ ச மம்ஸாதி³ம், உத்³தி³ஸ்ஸகதகம்பி ச.

58. அனாபுச்சி²தமம்ஸஞ்ச, பு⁴ஞ்ஜதோ து³க்கடம் ஸியா;

யாதானுபுப்³ப³ம் ஹித்வான, த³கதித்தா²தி³கம் வஜே.

59. ஸஹஸா வுப்³ப⁴ஜித்வான, பவிஸே நிக்க²மேய்ய வா;

வச்சபஸ்ஸாவகுடிகம், வினா உக்காஸிகம் விஸே.

60. நித்து²னந்தோ கரே வச்சம், த³ந்தகட்ட²ஞ்ச கா²த³யம்;

வச்சபஸ்ஸாவதோ³ணீனம், ப³ஹி வச்சாதி³கம் கரே.

61. க²ரேன சாவலேகே²ய்ய, கட்ட²ம் பாதேய்ய கூபகே;

ஊஹதஞ்ச ந தோ⁴வேய்ய, உக்லாபஞ்ச ந ஸோத⁴யே.

62. த³ககிச்சம் கரோந்தஸ்ஸ, கத்வா ‘‘சபுசபூ’’தி ச;

அனஜ்ஜி²ட்டோ²வ தே²ரேன, பாதிமோக்க²ம்பி உத்³தி³ஸே.

63. அனாபுச்சா²ய பஞ்ஹஸ்ஸ, கத²னே விஸ்ஸஜ்ஜனேபி ச;

ஸஜ்ஜா²யகரணே தீ³ப-ஜாலனே விஜ்ஜா²பனேபி ச.

64. வாதபானகவாடானி, விவரேய்ய த²கேய்ய வா;

வந்த³னாதி³ம் கரே நக்³கோ³, க³மனம் போ⁴ஜனாதி³கம்.

65. பரிகம்மம் கரே காரே, திபடிச்ச²ன்னகம் வினா;

காயம் நஹாயம் க⁴ம்ஸேய்ய, குட்டே த²ம்பே⁴ தரும்ஹி வா.

66. குருவிந்த³கஸுத்தேன, அஞ்ஞமஞ்ஞஸ்ஸ காயதோ;

அகி³லானோ ப³ஹாராமே, சரேய்ய ஸஉபாஹனோ.

67. உபாஹனம் யோ தா⁴ரேதி, ஸப்³ப³னீலாதி³கம்பி ச;

நிமித்தம் இத்தி²யா ரத்தோ, முக²ம் வா பி⁴க்க²தா³யியா.

68. உஜ்ஜா²னஸஞ்ஞீ அஞ்ஞஸ்ஸ, பத்தம் வா அத்தனோ முக²ம்;

ஆதா³ஸாதி³ம்ஹி பஸ்ஸேய்ய, உச்சாஸனமஹாஸனே.

69. நிஸஜ்ஜாதி³ம் கரோந்தஸ்ஸ, து³க்கடம் வந்த³னேபி ச;