23. அனோலோகியனித்³தே³ஸவண்ணனா

181. ஸாரத்தோதி ஸம்ரத்தோ, ஸஞ்ஜாதராக³சித்தோதி அத்தோ². இத்தி²யாதி தத³ஹுஜாதாயபி படஸதனிவத்தா²ய அனோகாஸுபனிஜ்ஜா²யனே அந்தமஸோ திரச்சா²னக³தானம்பி து³க்கடமேவ. பி⁴க்கா²தா³யியாதி உபலக்க²ணமத்தம், இத்தீ² வா ஹோது புரிஸோ வா, பி⁴க்கா²தா³னஸமயே அஸாரத்தேனாபி முக²ம் ந உல்லோகேதப்³ப³ம். உஜ்ஜா²னம் லாமகதோ ஸம்சிந்தனம், கோபோ, தத்த² ஸஞ்ஞா அஸ்ஸாதி உஜ்ஜா²னஸஞ்ஞீ. இத⁴ பன கி³லானோபி ந முச்சதி. ஆதா³ஸே உத³கபத்தேதி இமினா ஸேஸேஸு கம்ஸபத்தாதீ³ஸு கஞ்ஜியாதீ³ஸு ச முக²னிமித்தம் பஞ்ஞாயதி, தேஸம் ஸங்க³ஹோ. ‘‘ஸஞ்ச²வி நு கோ² மே வண்ணோ, நோ, ஜிண்ணோ நு கோ²ம்ஹி, நோ’’தி பன ஓலோகேதும் வட்டதி. அஸ்ஸாதி பி⁴க்கு²னோ.

அனோலோகியனித்³தே³ஸவண்ணனா நிட்டி²தா.