24. அஞ்ஜனீனித்³தே³ஸவண்ணனா

182. வட்டா வா அட்ட²ஸோளஸம்ஸா வா மட்டா² புப்ப²லதாதீ³ஹி அசித்தகா அஞ்ஜனீ வட்டதீதி அத்தோ². திஸ்ஸோபி வட்டந்தி, ஏகாய வா த்³வீஸு வா கதா² ஏவ நத்தீ²தி அதி⁴ப்பாயோ. லேகா²தி வட்டலேகா². ப³ந்தி⁴துந்தி பிதா⁴னகப³ந்த⁴னத்த²ம்.

183. ரூபந்தி ஸகுணரூபாதி³. யதி³ ச ஏதி³ஸம் அஞ்ஞேஹி கதம் லப⁴தி, க⁴ம்ஸித்வா வா சி²ந்தி³த்வா வா யதா² வா ந பஞ்ஞாயதி, ததா² ஸுத்தேன வேடே²த்வா வளஞ்ஜேதப்³ப³ம்.

184. த²விகாதி அஞ்ஜனித²விகா. அஞ்ஜனிஸலாகாபி லப்³ப⁴தீதி ஸம்ப³ந்தோ⁴.

185-6. அட்டீ²தி (மஹாவ. 266; மஹாவ. அட்ட². 264) மனுஸ்ஸட்டி²ம் ட²பேத்வா அவஸேஸட்டி². விஸாணத³ந்தேஸு அகப்பியம் நாம நத்தி². ஆமலககக்காதீ³ஹி கதா ப²லமயா. தம்மயாதி இத⁴ வுத்தேஹேவ நிப்³ப³த்தா. அஞ்ஜனீவினிச்ச²யோ.

அஞ்ஜனீனித்³தே³ஸவண்ணனா நிட்டி²தா.