19. ந்ஹானகப்பனித்³தே³ஸவண்ணனா

168. புரதோதி (சூளவ. 372) தே²ரானம் புரதோ உபரி வா ந ச ந்ஹாயேய்யாதி அத்தோ².

169-171. குட்டத்த²ம்ப⁴தருட்டானேதி ஏத்த² (சூளவ. 243; சூளவ. அட்ட². 243) குட்டே வா த²ம்பே⁴ வா தரும்ஹி வா அட்டானப²லகே வா காயம் ந க⁴ம்ஸயேதி அத்தோ². க³ந்த⁴ப்³ப³ஹத்தோ² நாம மக்கடஹத்த²ஸதி³ஸோ தா³ருஆதி³மயோ. குருவிந்த³கஸுத்தியாதி குருவிந்த³ஸுத்தியா. மல்லகேன வா அஞ்ஞமஞ்ஞம் வா. ‘‘ந பி⁴க்க²வே விக்³க³ய்ஹ பரிகம்மம் காராபேதப்³ப³ம். யோ காராபேய்ய, ஆபத்தி து³க்கடஸ்ஸா’’தி (சூளவ. 243) ஏவம் வுத்தம் விக்³க³ஹபரிகம்மம் ஸந்தா⁴ய ‘‘அஞ்ஞமஞ்ஞம் வா’’தி வுத்தம்.

இதா³னி கப்பியானி த³ஸ்ஸேதும் ‘‘கபாலிட்ட²கக²ண்டா³னீ’’திஆதி³மாஹ. ஸப்³பே³ஸம் வட்டதீதி ஸம்ப³ந்தோ⁴. கி³லானஸ்ஸபி (சூளவ. அட்ட². 243) அகி³லானஸ்ஸபி இமானி கபாலிட்ட²கக²ண்டா³தீ³னி காயக⁴ம்ஸனே வட்டந்தி. புது²பாணீதி (சூளவ. 244) ஹத்த²பரிகம்மம் வுச்சதி. தஸ்மா ஸப்³பே³ஸம் ஹத்தே²ன பிட்டி²பரிகம்மம் காதும் வட்டதி. அகதமல்லகம் நாம ஏகதா³டி²மம் பரிச்சி²ந்தி³த்வா கதம். பாஸாணாத³யோ பாத³க⁴ம்ஸனே ஏவ கப்பியா. ந்ஹானகப்பவினிச்ச²யோ.

ந்ஹானகப்பனித்³தே³ஸவண்ணனா நிட்டி²தா.