3. பேஸுஞ்ஞஸிக்கா²பத³வண்ணனா

ததியே பி⁴க்கு²பேஸுஞ்ஞேதி பி⁴க்கு²ஸ்ஸ பேஸுஞ்ஞே, ஜாதிஆதீ³ஹி அக்கோஸவத்தூ²ஹி பி⁴க்கூ² அக்கோஸந்தஸ்ஸ பி⁴க்கு²னோ ஸுத்வா வசனம் பி⁴க்கு²னோ பியகம்யதாய வா பே⁴தா³தி⁴ப்பாயேன வா யோ அக்குத்³தோ⁴, தஸ்ஸ பி⁴க்கு²ஸ்ஸ காயேன வா வாசாய வா உபஸம்ஹடே தஸ்மிம் பேஸுஞ்ஞகரணவசனே பாசித்தியந்தி அத்தோ².

ஸாவத்தி²யம் ச²ப்³ப³க்³கி³யே பி⁴க்கூ² ஆரப்³ப⁴ பேஸுஞ்ஞஉபஸம்ஹரணவத்து²ஸ்மிம் பஞ்ஞத்தம், ஸாதா⁴ரணபஞ்ஞத்தி, அனாணத்திகம், வுத்தனயேனேவ அஞ்ஞாபதே³ஸேன அக்கோஸந்தஸ்ஸ வசனூபஸம்ஹாரே வா பாளிமுத்தகஅக்கோஸூபஸம்ஹாரே வா அனுபஸம்பன்னஸ்ஸ ச உபஸம்ஹாரே து³க்கடம். இதா⁴பி பி⁴க்கு²னீ அனுபஸம்பன்னட்டா²னே டி²தா. ந பியகம்யதாய, ந பே⁴தா³தி⁴ப்பாயேன கேவலம் பாபக³ரஹிதாய வத³ந்தஸ்ஸ, உம்மத்தகாதீ³னஞ்ச அனாபத்தி. ஜாதிஆதீ³ஹி அனஞ்ஞாபதே³ஸேன அக்கோஸந்தஸ்ஸ பி⁴க்கு²னோ ஸுத்வா வசனம் பி⁴க்கு²ஸ்ஸ உபஸம்ஹரணம், பியகம்யதாபே⁴தா³தி⁴ப்பாயேஸு அஞ்ஞதரதா, தஸ்ஸ விஜானனாதி இமானேத்த² தீணி அங்கா³னி. ஸமுட்டா²னாதீ³னி அதி³ன்னாதா³னஸதி³ஸானேவாதி.

பேஸுஞ்ஞஸிக்கா²பத³வண்ணனா நிட்டி²தா.