4. மக்³க³ஸச்சனித்³தே³ஸவண்ணனா

205. தித்தி²யேஹி கப்பிதஸ்ஸ மக்³க³ஸ்ஸ பகதிபுரிஸந்தரஞாணாதி³கஸ்ஸ. அரியம் லபா⁴பேதீதி அரியம் ஸாமஞ்ஞப²லம் லபா⁴பேதி.

தப்³பி³பக்க²விரதிஸபா⁴வாதி தஸ்ஸா ஸம்மாவாசாய விபக்க²தோ மிச்சா²வாசாய விரதிஸபா⁴வா. பே⁴த³கரமிச்சா²வாசா பிஸுணவாசா, ஸப்³பா³பி வா மிச்சா²வாசா விஸம்வாத³னாதி³வஸேன பே⁴த³கரீதி ஆஹ ‘‘பே⁴த³கரமிச்சா²வாசாபஹானேனா’’தி. விஸம்வாத³னாதி³கிச்சதாய ஹி லூகா²னம் அபரிக்³கா³ஹகானம் முஸாவாதா³தீ³னம் படிபக்க²பூ⁴தா ஸினித்³த⁴பா⁴வேன பரிக்³கா³ஹகஸபா⁴வா ஸம்மாவாசா தப்பச்சயஸுபா⁴ஸிதஸம்படிக்³கா³ஹகே ஜனே, ஸம்பயுத்தத⁴ம்மே ச பரிக்³க³ண்ஹந்தீ பவத்ததீதி பரிக்³க³ஹலக்க²ணா. தேனாஹ ‘‘ஜனே, ஸம்பயுத்தே ச பரிக்³க³ண்ஹனகிச்சவதீ’’தி. சீவரகம்மாதி³கோ தாதி³ஸோ பயோகோ³. காதப்³ப³ம் சீவரரஜனாதி³கம். நிரவஜ்ஜஸமுட்டா²பனகிச்சவாதி நிரவஜ்ஜஸ்ஸ கத்தப்³ப³ஸ்ஸ, நிரவஜ்ஜாகாரேன வா ஸமுட்டா²பனகிச்சவா. ஸம்பயுத்தத⁴ம்மே ச ஸமுட்டா²பேந்தோதி ஏத்த² ஸமுட்டா²பனம் மிச்சா²கம்மந்தபடிபக்க²பூ⁴தஸ்ஸ அத்தனோ கிச்சஸ்ஸ அனுகு³ணபா⁴வேன ஸம்பயுத்தானம் பவத்தனமேவ, உக்கி²பனம் வா நேஸம் காயிககிரியாய பா⁴ருக்கி²பனம் விய. ஸம்பயுத்தத⁴ம்மானம், ஆஜீவஸ்ஸேவ வா விஸோத⁴னம் வோதா³பனம்.

தி³ட்டே²கட்டா²தி தி³ட்டி²யா ஸஹஜபஹானேகட்டா², பட²மமக்³க³ஸம்மாதி³ட்டி²வஸேனேவ தம் வேதி³தப்³ப³ம். ‘‘தி³ட்டே²கட்ட²அவிஜ்ஜாத³யோ’’திபி பாடோ². ஏதஸ்மிம் பக்கே² சதுமக்³க³ஸம்மாதி³ட்டி²யா ஸங்க³ஹோ கதோ ஹோதி. உபரிமக்³க³ஸம்மாதி³ட்டி²யா பன தி³ட்டி²ட்டா²னே தம்தம்மக்³க³வஜ்ஜோ² மானோ க³ஹேதப்³போ³. ஸோ ஹி ‘‘அஹ’’ந்தி பவத்திஆகாரதோ தி³ட்டி²ட்டா²னியோ. பகாஸேதீதி கிச்சபடிவேதே⁴ன படிவிஜ்ஜ²தி. தேனேவ ஹி அங்கே³னாதி தேனேவ ஸம்மாதி³ட்டி²ஸங்கா²தேன மக்³க³ங்கே³ன. ததா²பவத்திதேன கரணபூ⁴தேன, தேன வா காரணேன. அங்க³-ஸத்³தோ³ ஹி காரணத்தோ²பி ஹோதீதி. தத்தா²தி மக்³கே³, மக்³க³சித்துப்பாதே³ வா.

இமஸ்ஸேவாதி அரியமக்³க³பரியாபன்னஸ்ஸேவ. யதி³பி விரமிதப்³ப³தோ விரமந்தஸ்ஸ சேதனாபி லப்³ப⁴தேவ, விரதியா ஏவ பன ததா³ பதா⁴னபா⁴வோதி ஆஹ ‘‘விரமணகாலே வா விரதியோ’’தி. ஸுபா⁴ஸிதாதீ³தி அஸம்ப²ப்பலாபாதி³. ஆதி³-ஸத்³தே³ன அபிஸுணாதி³ ஸங்க³ஹிதா. பா⁴ஸனாதீ³தி ஏத்த² பன காயஸுசரிதாதி³. அமக்³க³ங்க³த்தாதி அமக்³க³ஸபா⁴வத்தா. தமேவ சேதனாய அமக்³க³ஸபா⁴வதம் த³ஸ்ஸேதும் ‘‘ஏகஸ்ஸ ஞாணஸ்ஸா’’திஆதி³ வுத்தம். தத்த² ஸம்மாவாசாதி³கிச்சத்தயம் நாம மிச்சா²வாசாதீ³னம் திண்ணம் பாபத⁴ம்மானம் ஸமுச்சி²ந்த³னம், மக்³க³சேதனா ச தம்ஸபா⁴வா ந ஹோதீதி ந தஸ்ஸா மக்³க³க்க²ணே ஸம்மாவாசாதி³பா⁴வஸித்³தி⁴. தம்ஸித்³தி⁴யந்தி கிச்சத்தயஸித்³தி⁴யம். யதா² பனஸ்ஸா புப்³ப³பா⁴கே³ ஸுபா⁴ஸிதவாசாதி³பா⁴வோ, ஏவம் மக்³க³க்க²ணேபி ஸியா. ஏவம் ஸந்தே யதா² தத்த² ஏகஸ்ஸ ஸம்மாஸங்கப்பஸ்ஸ திகிச்சதா, ஸம்மாதி³ட்டி²ஆதீ³னஞ்ச ஏகேகானம் சதுகிச்சதா, ஏவம் ஏகா மக்³க³சேதனா ஸம்மாவாசாதி³கிச்சத்தயஸ்ஸ ஸாதி⁴கா ப⁴வேய்ய, ததா² ச ஸதி மக்³கே³ ஸம்மாவாசாதீ³னி தீணி அங்கா³னி ந ப⁴வேய்யும், ச²ளங்கி³கோ ச அரியமக்³கோ³ ஸியாதி தயித³மாஹ ‘‘ஏகாய சேதனாயா’’திஆதி³னா. யஸ்மா பனேதம் நத்தி², தஸ்மா மக்³க³பச்சயதாவசனதோ ச ந சேதனாய மக்³க³பா⁴வோதி மக்³க³க்க²ணே விரதியோவ ஸம்மாவாசாத³யோ.

ப்³ரூஹனம் ஸுக²ம். ஸந்தஸுக²ம் உபேக்கா². ஸா ஹி ‘‘உபேக்கா² பன ஸந்தத்தா, ஸுக²மிச்சேவ பா⁴ஸிதா’’தி (விஸுத்³தி⁴. 2.644; விப⁴. அட்ட². 232) வுத்தா. விதக்காதீ³னந்தி தேயேவ அபி⁴னிரோபனாத³யோ பாகடபரியாயேன வுத்தா.

வசீஸங்கா²ரபா⁴வதோ வசீபே⁴த³ஸ்ஸ உபகாரகோ விதக்கோ. ‘‘ஸாவஜ்ஜா…பே… உபகாரகோ ஏவா’’தி இமினா வசீபே⁴த³தம் ஸமுட்டா²பகசேதனானம் விய விரதியாபி விஸேஸபச்சயோ விதக்கோதி த³ஸ்ஸேதி. வசீபே⁴த³னியாமிகா வாசாதி வசீது³ச்சரிதவிரதிமாஹ. ஸா ஹி ஸம்மாவாசாபூ⁴தா மிச்சா²வாசாஸு ஸம்யமினீ. தத்த² யதா² விஸம்வாத³னாதி³மிச்சா²வாசதோ அவிரதோ மிச்சா²கம்மந்ததோபி ந விரமதேவ. யதா²ஹ – ‘‘ஏகம் த⁴ம்மம்…பே… அகாரிய’’ந்தி (த⁴. ப. 176). ததா² அவிஸம்வாத³னாதி³னா ஸம்மாவாசாய டி²தோ ஸம்மாகம்மந்தம்பி பூரேதியேவாதி ஆஹ ‘‘வசீபே⁴த³…பே… உபகாரிகா’’தி. த⁴ம்மானம் பவத்தினிட்டா²பா⁴வதோ யதா² க³தீதி நிப்³ப³த்தி வுச்சதி, ஏவம் பவத்திபா⁴வதோ ரஸலக்க²ணானிபீதி ஆஹ ‘‘கிச்சாதி³ஸபா⁴வே வா’’தி.

அபி⁴னந்த³னந்தி தண்ஹாதி³வஸேன அபி⁴னந்த³னம்.

வாசுக்³க³தகரணம் உக்³க³ஹோ, அத்த²பரிபுச்ச²னம் பரிபுச்சா²தி தது³ப⁴யம் ஸவனாதீ⁴னந்தி ஆஹ ‘‘ஸவனஞாணே ஏவ அவரோத⁴ம் க³ச்ச²ந்தீ’’தி. ஞாணேன பரிச்சி²ந்தி³த்வா க³ஹணம் பரிக்³க³ண்ஹனம்.

தஸ்ஸாதி பயோக³ஸ்ஸ.

ஸோதி காமவிதக்கப்பவத்தியா காரணபூ⁴தோ ஸுப⁴னிமித்தே அயோனிஸோமனஸிகாரோ. தஸ்ஸாதி காமவிதக்கஸ்ஸ. க³தம் க³மனம் பவத்தி, தஸ்ஸ உபாயோதி க³தமக்³கோ³.

பஹாதப்³ப³ஏகத்தந்தி பஹாதப்³ப³தாஸாமஞ்ஞம்.

மக்³க³பா⁴வேன சதுப்³பி³த⁴ம்பி ஏகத்தேனாதி ஸோதாபத்திமக்³கா³தி³வஸேன சதுப்³பி³த⁴ம்பி மக்³க³பா⁴வேன ஏகத்தேன ஸாமஞ்ஞதோ க³ஹேத்வா ‘‘அஸ்ஸா’’தி ஏகவசனேன வுத்தந்தி அத்தோ². ஸப்³ப³ஸ்ஸ மக்³க³ஸ்ஸ அஞ்ஞமஞ்ஞம் ஸதி³ஸதா, ததா² அஸதி³ஸதா ச ஏகச்சஸதி³ஸதா ச ஜா²னங்க³வஸேன ஸப்³ப³ஸதி³ஸஸப்³பா³ஸதி³ஸஏகச்சஸதி³ஸதா, ஸோ ஏவ விஸேஸோதி யோஜேதப்³ப³ம். விபஸ்ஸனானியாமம் து⁴ரம் கத்வா ஆஹாதி ஸம்ப³ந்தோ⁴. இத⁴ பனாதி இமிஸ்ஸா ஸம்மோஹவினோத³னியம். ஸம்மஸி…பே… நிவத்தனதோதி பட²மத்தே²ரவாத³ம் வத³ந்தோ தத³ஜ்ஜா²ஸயம் புரக்க²த்வா வத³தீதி அதி⁴ப்பாயேன வுத்தம். இதரதா² இதரவாதா³பேத்த² த³ஸ்ஸிதா ஏவாதி. பாத³கஜ்ஜா²னனியாமந்தி பாத³கஜ்ஜா²னனியாமம் து⁴ரம் கத்வா ஆஹாதி யோஜனா. ‘‘விபஸ்ஸனா …பே… த³ட்ட²ப்³போ³’’தி கஸ்மா வுத்தம். ந ஹி தஸ்ஸா இத⁴ படிக்கே²பதா அத்தி². ததா² ஹி வுத்தம் ‘‘கேசி வுட்டா²னகா³மினிவிபஸ்ஸனா நியாமேதீதி வத³ந்தீ’’தி? நயித³மேவம். இதா⁴பீதி இத⁴ பாத³கஜ்ஜா²னனியாமேபி விபஸ்ஸனானியாமோ ந படிக்கி²த்தோதி அயஞ்ஹேத்த² அத்தோ². தேனேவாஹ ‘‘ஸாதா⁴ரணத்தா’’தி. ‘‘இத⁴ பனா’’தி இமினாபி பட²மத்தே²ரவாதோ³ ஸங்க³ஹிதோதி வேதி³தப்³போ³. யதி³ ஏவம் கஸ்மா விபஸ்ஸனானியாமோ விஸும் க³ஹிதோதி? வாத³த்தயாவிது⁴ரதாத³ஸ்ஸனத்த²ம். அஞ்ஞே சாசரியவாதா³தி ஸம்மஸிதஜ்ஜா²னபுக்³க³லஜ்ஜா²ஸயவாதா³.

‘‘ஆருப்பே திகசதுக்கஜ்ஜா²னம்…பே… ந லோகிய’’ந்தி இத³ம் தே²ரவாதே³ ஆக³தம் போராணட்ட²கதா²யம் தந்திம் கத்வா ட²பிதந்தி அட்ட²ஸாலினியம் ஸங்க³ஹேத்வா வுத்தந்தி ஆஹ ‘‘வுத்தம் அட்ட²ஸாலினியந்தி அதி⁴ப்பாயோ’’தி. யேஸூதி பச்சி²மஜ்ஜா²னவஜ்ஜானி ஸந்தா⁴ய வத³தி. தத்த² ஹி அரூபுப்பத்தியம் ஸம்ஸயோ, ந இதரஸ்மிம். ‘‘சதுக்கபஞ்சகஜ்ஜா²ன’’ந்தி வுத்தே அவிஸேஸதோ ஸாஸவானாஸவம் அபேக்கீ²யதி, நிவத்தேதப்³ப³க³ஹேதப்³ப³ஸாதா⁴ரணவசனேனேத்த² ஸாஸவதோ அவச்சி²ந்த³னத்த²ம் ‘‘தஞ்ச லோகுத்தர’’ந்தி வத்வா நிவத்திதத⁴ம்மத³ஸ்ஸனத்த²ம் ‘‘ந லோகிய’’ந்தி வுத்தந்தி த³ஸ்ஸேந்தோ ஆஹ ‘‘ஸமுதா³யஞ்ச…பே… ஆஹா’’தி. இதரதா² ப்³யபி⁴சாராபா⁴வதோ ‘‘லோகுத்தர’’ந்தி விஸேஸனம் நிரத்த²கம் ஸியா. தயோ மக்³கா³தி து³தியமக்³கா³த³யோ. தஜ்ஜா²னிகந்தி திகசதுக்கஜ்ஜா²னிகம் ஸோதாபத்திப²லாதி³ம். அஞ்ஞஜா²னிகாபீதி திகசதுக்கஜ்ஜா²னதோ அஞ்ஞஜா²னிகாபி சதுக்கஜ்ஜா²னிகாபி மக்³கா³ உப்பஜ்ஜந்தி. பி-ஸத்³தே³ன தஜ்ஜா²னிகாபி திகசதுக்கஜ்ஜா²னிகாதி அத்தோ². யதி³ ஏவம் சதுவோகாரப⁴வேபி பஞ்சவோகாரப⁴வே விய மக்³க³ஸ்ஸ திகசதுக்கஜ்ஜா²னிகபா⁴வே கேனஸ்ஸ ஜா²னங்கா³தி³னியாமோதி ஆஹ ‘‘ஜா²னங்கா³தி³னியாமிகா புப்³பா³பி⁴ஸங்கா²ரஸமாபத்தீ’’தி. புப்³பா³பி⁴ஸங்கா²ரஸமாபத்தீதி ச பாத³கபூ⁴தா அத்தனா அதிக்கந்தத⁴ம்மவிராக³பா⁴வேன விபஸ்ஸனாய புப்³பா³பி⁴ஸங்கா²ரகாரீ அரூபஸமாபத்தி, ப²லஸமாபத்தி வா. தேனாஹ ‘‘பாத³க’’ந்தி. ந ஸம்மஸிதப்³பா³தி ந ஸம்மஸிதப்³பா³ ஸமாபத்தி ஜா²னங்கா³தி³னியாமிகா ஸம்மஸிதப்³பா³னம் திகசதுக்கஜ்ஜா²னானம் தத்த² அனுப்பஜ்ஜனதோ, இதரத்த² ச விஸேஸாபா⁴வதோ. ப²லஸ்ஸபீதி சதுத்த²பஞ்சமஜ்ஜா²னிகப²லஸ்ஸபி.

து³க்க²ஞாணாதீ³னந்தி து³க்க²ஸமுத³யஞாணானம். தம்தம்குஸலாரம்மணாரம்மணத்தாதி காமாவசராதீ³ஸு யேன யேன குஸலேன ஸத்³தி⁴ம் நேக்க²ம்மஸங்கப்பாத³யோ உப்பஜ்ஜந்தி, தஸ்ஸ தஸ்ஸ குஸலஸ்ஸ ஆரம்மணம் ஆரம்மணம் ஏதேஸந்தி தம்தம்குஸலாரம்மணாரம்மணா, தப்³பா⁴வதோ. தம்தம்விரமிதப்³பா³தி³ஆரம்மணத்தாதி விஸம்வாத³னவத்து²ஆதி³ஆரம்மணத்தா. வீதிக்கமிதப்³ப³தோ ஏவ ஹி விரதீதி. ‘‘அங்கா³ன’’ந்தி இத³ம் ‘‘நேக்க²ம்மஸங்கப்பாதீ³ன’’ந்தி ஏத்தா²பி யோஜேதப்³ப³ம் அவயவேன வினா ஸமுதா³யாபா⁴வதோ. விஸேஸபச்சயோதி பி⁴ன்னஸீலஸ்ஸ, அபரிஸுத்³த⁴ஸீலஸ்ஸ வா ஸம்மப்பதா⁴னாஸம்ப⁴வதோ ஸமாதா⁴னஸ்ஸ விய வாயாமஸ்ஸ ஸீலம் விஸேஸபச்சயோ. அயஞ்ச அத்தோ² யதி³பி புரிமஸித்³த⁴ஸீலவஸேன யுத்தோ, ஸஹஜாதவஸேனாபி பன லப்³ப⁴தேவாதி த³ஸ்ஸேந்தோ ‘‘ஸம்பயுத்தஸ்ஸாபீ’’தி ஆஹ. ஸஹஜமேவ சேத்த² அதி⁴ப்பேதந்தி ஆஹ ‘‘ஸம்பயுத்தஸ்ஸேவ சா’’திஆதி³. ஸம்மோஸோ பமாதோ³, தப்படிபக்கோ² அஸம்மோஸோ அப்பமாதோ³, ஸோ சித்தஸ்ஸ ஆரக்கா²தி ஆஹ ‘‘சேதஸோ ரக்கி²ததா’’தி.

ஸீலக்க²ந்தோ⁴ சாதி ச-ஸத்³தே³ன ஸமாதி⁴க்க²ந்தோ⁴ ச. க²ந்திப்பதா⁴னத்தா ஸீலஸ்ஸ அதோ³ஸஸாத⁴னதா, நீவரணஜேட்ட²கஸ்ஸ காமச்ச²ந்த³ஸ்ஸ உஜுவிபச்சனீகபா⁴வதோ ஸமாதி⁴ஸ்ஸ அலோப⁴ஸாத⁴னதா த³ட்ட²ப்³பா³. ஸாஸனந்தி படிவேத⁴ஸாஸனம், ‘‘ஸாஸனப்³ரஹ்மசரிய’’ந்தி ச வத³ந்தி.

மக்³க³ஸச்சனித்³தே³ஸவண்ணனா நிட்டி²தா.

ஸுத்தந்தபா⁴ஜனீயவண்ணனா நிட்டி²தா.