9. நவகனித்³தே³ஸவண்ணனா

960-963. த³ஸமஸ்ஸாதி அட்டா²னகா⁴தஸ்ஸ.

அஜ்ஜ²த்தந்தி கோ³சரஜ்ஜ²த்தம் அதி⁴ப்பேதம். ஏதஸ்ஸ கா³தா²வசனஸ்ஸ. நிட்ட²பேத்வாதி அபி⁴னிவிஸ்ஸ.

964. அஞ்ஞேஸம் ப²ஸ்ஸாதீ³னம் ஸங்க²தபா⁴வே யதா²ஸகம்பச்சயேஹி. யேனாகாரேன மானஸ்ஸ ஸாதிஸயா பவத்தி, தம் த³ஸ்ஸேதும் ‘‘அஹந்தி, அஸ்மீதி சா’’தி வுத்தம். அத்தனோதி தி³ட்டி²க³தபரிகப்பிதஸ்ஸ அத்தனோ. யதா² மானஸ்ஸ ஸம்பக்³க³ஹவஸேன, ஏவம் தண்ஹாய மமத்தவஸேன, தி³ட்டி²யா நிச்சாதி³வஸேன பவத்தி விஸேஸவதீ ஸமானேபி அனாக³தகாலாமஸனேதி ஆஹ ‘‘ப⁴விஸ்ஸந்தீ…பே… வுத்தோ’’தி. ‘‘அஹமஸ்மீ’’தி பன பவத்தமானஸ்ஸேவ ப⁴வதீதி ஸப்³ப³பத³ஸாதா⁴ரணஸ்ஸ மானஸ்ஸேவ வஸேன இஞ்ஜிதாதி³தா அட்ட²கதா²யம் வுத்தா.

நவகனித்³தே³ஸவண்ணனா நிட்டி²தா.