4. சதுக்கனித்³தே³ஸவண்ணனா

939. ஏவம்-ஸத்³தே³னாதி நித³ஸ்ஸனத்தே²ன ஏவம்-ஸத்³தே³னாதி அதி⁴ப்பாயோ. ப⁴வோ ஏவ அபி⁴வுத்³தோ⁴ அப⁴வோ யதா² ‘‘அஸேக்கா² த⁴ம்மா’’தி (த⁴. ஸ. திகமாதிகா 11). து³தியஸ்மிம் பக்கே² ப⁴வாப⁴வஸத்³தே³ன ஸம்பத்திவிபத்தியோ, வுத்³தி⁴ஹானியோ வா வுத்தாதி வேதி³தப்³பா³.

அக³தியாதி அயுத்தக³தியா, அப்பதிரூபகிரியாயாதி அத்தோ².

கோதூ⁴பாயாஸ…பே… மாதுகா³மா வா ஊமிஆதி³ப⁴யந்தி யோஜனா. பஞ்சகாமகு³ணமாதுகா³மக்³க³ஹணேதி பஞ்சகாமகு³ணக்³க³ஹணே, மாதுகா³மக்³க³ஹணே ச.

‘‘ஸயம்கதம் ஸுக²து³க்க²’’ந்திஆதி³கா தி³ட்டி² யதி³பி அஞ்ஞேஸம்பி தி³ட்டி²க³திகானம் அத்தே²வ, திம்ப³ருகோ பன ததா²தி³ட்டி²கோ ப⁴க³வந்தம் உபஸங்கமித்வா புச்சீ²தி ஸா தி³ட்டி² ‘‘திம்ப³ருகதி³ட்டீ²’’தி (ஸம். நி. 2.18) வுத்தா. தேனாஹ ‘‘திம்ப³ருகோ…பே… ஆக³தத்தா’’தி.

சதுக்கனித்³தே³ஸவண்ணனா நிட்டி²தா.