2. அந்தராப⁴வகதா²வண்ணனா

505. அதிதூ³ரஸ்ஸ அந்தரிதஸ்ஸ பத்தப்³ப³ஸ்ஸ தே³ஸஸ்ஸ த³ஸ்ஸனதோ தி³ப்³ப³சக்கு²கோ விய. ஆகாஸேன பத²வந்தரட்டா²னானி பி⁴ந்தி³த்வா க³மனதோ இத்³தி⁴மா விய. ந ஸஹத⁴ம்மேனாதி யதி³ ஸோ ப⁴வானம் அந்தரா ந ஸியா, ந நாம அந்தராப⁴வோதி படிக்கே²பே கரணம் நத்தீ²தி அதி⁴ப்பாயோ.

506. தத்த² ஜாதிஜராமரணானி சேவ சுதிபடிஸந்தி⁴பரம்பரஞ்ச அனிச்ச²ந்தோதி ஏதேன சுதிஅனந்தரம் அந்தராப⁴வம் க²ந்தா⁴தி, வத்தமானா ஜாதீதி, மாதுகுச்சி²மேவ பவிட்டா² அந்தரதா⁴யமானா மரணந்தி ந இச்ச²தி.

507. யதா² காமப⁴வாதீ³ஸு தத்த² தத்தே²வ புனப்புனம் சவித்வா உபபத்திவஸேன சுதிபடிஸந்தி⁴பரம்பரா ஹோதி, ஏவம் தம் தத்த² ந இச்ச²தீதி த³ஸ்ஸேதி.

அந்தராப⁴வகதா²வண்ணனா நிட்டி²தா.