7. பத²வீகம்மவிபாகோதிகதா²வண்ணனா

492. ப²ஸ்ஸோ ஸுக²வேத³னீயாதி³பே⁴தோ³ ஹோதீதி ப²ஸ்ஸேன ஸப்³ப³ம்பி கம்மவிபாகம் த³ஸ்ஸேத்வா புன அத்தவஜ்ஜேஹி ஸம்பயோக³த³ஸ்ஸனத்த²ம் ‘‘ஸோ ச ஸஞ்ஞாத³யோ சா’’திஆதி³ வுத்தம். அத்தி² ச நேஸந்தி ஸாவஜ்ஜனே சக்கு²விஞ்ஞாணாதி³ஸஹஜாதத⁴ம்மே ஸந்தா⁴ய வுத்தம். யோ தத்த² இட்ட²விபாகோ, தஸ்ஸ பத்த²னாதி இட்ட²விபாகே ஏவ பத்த²னம் கத்வா கம்மம் கரோந்தீதி கம்மூபனிஸ்ஸயபூ⁴தமேவ பத்த²னம் த³ஸ்ஸேதி, பச்சுப்பன்னவேத³னாபச்சயம் வா தண்ஹம் உபாதா³னாதி³னிப்³ப³த்தனவஸேன து³க்க²ஸ்ஸ பபா⁴விதம். மூலதண்ஹாதி பச்சுப்பன்னவிபாகவட்டனிப்³ப³த்தககம்மஸ்ஸ உபனிஸ்ஸயபூ⁴தம் புரிமதண்ஹம், கம்மஸஹாயம் வா விபாகஸ்ஸ உபனிஸ்ஸயபூ⁴தம்.

493. ஸகஸமயவஸேன ச சோத³னாய பயுஜ்ஜமானதம் த³ஸ்ஸேதும் ‘‘தேஸஞ்ச லத்³தி⁴யா’’திஆதி³மாஹ.

494. படிலாப⁴வஸேனாதி கம்மே ஸதி பத²வியாதீ³னம் படிலாபோ⁴ ஹோதீதி கம்மம் தம்ஸம்வத்தனிகம் நாம ஹோதீதி த³ஸ்ஸேதி.

பத²வீகம்மவிபாகோதிகதா²வண்ணனா நிட்டி²தா.