5. பரிபோ⁴க³மயபுஞ்ஞகதா²வண்ணனா

483. பரிபோ⁴க³மயம் நாம சித்தவிப்பயுத்தம் புஞ்ஞம் அத்தீ²தி லத்³தி⁴. தஞ்ஹி தே ஸந்தா⁴ய பரிபோ⁴க³மயம் புஞ்ஞம் பவட்³ட⁴தீதி வத³ந்தீதி அதி⁴ப்பாயோ.

485. தஸ்ஸாபி வஸேனாதி தஸ்ஸாபி லத்³தி⁴யா வஸேன. பஞ்சவிஞ்ஞாணானம் விய ஏதேஸம்பி ஸமோதா⁴னம் ஸியாதி படிஜானாதீதி வத³ந்தி. பஞ்சவிஞ்ஞாணப²ஸ்ஸாதீ³னமேவ பன ஸமோதா⁴னம் ஸந்தா⁴ய படிஜானாதீதி அதி⁴ப்பாயோ.

486. அபரிபு⁴த்தேபீதி இமினா ‘‘படிக்³கா³ஹகோ படிக்³க³ஹேத்வா ந பரிபு⁴ஞ்ஜதி ச²ட்³டே³தீ’’திஆதி³கம் த³ஸ்ஸேதி. அபரிபு⁴த்தே தே³ய்யத⁴ம்மே புஞ்ஞபா⁴வதோ பரிபோ⁴க³மயம் புஞ்ஞம் பவட்³ட⁴தீதி அயம் வாதோ³ ஹீயதி. தஸ்மிஞ்ச ஹீனே ஸகவாதீ³வாதோ³ ப³லவா. சாக³சேதனாய ஏவ ஹி புஞ்ஞபா⁴வோ ஏவம் ஸித்³தோ⁴ ஹோதீதி அதி⁴ப்பாயோ. அபரிபு⁴த்தேபி தே³ய்யத⁴ம்மே புஞ்ஞபா⁴வே சாக³சேதனாய ஏவ புஞ்ஞபா⁴வோதி ஆஹ ‘‘ஸகவாதீ³வாதோ³வ ப³லவா’’தி.

பரிபோ⁴க³மயபுஞ்ஞகதா²வண்ணனா நிட்டி²தா.