7-11. ஸஞ்ஞாஸுத்தாதி³வண்ணனா

27-31. ஸத்தமே அனிச்சாதி அனுபஸ்ஸதி ஏதாயாதி அனிச்சானுபஸ்ஸனா. ததா²பவத்தவிபஸ்ஸனா பன யஸ்மா அத்தனா ஸஹக³தஸஞ்ஞாய பா⁴விதாய பா⁴விதா ஏவ ஹோதி, தஸ்மா வுத்தம் ‘‘அனிச்சானுபஸ்ஸனாதீ³ஹி ஸஹக³தஸஞ்ஞா’’தி. இமா ஸத்த லோகியவிபஸ்ஸனாபி ஹோந்தி ‘‘அனிச்ச’’ந்திஆதி³னா பவத்தனதோ. ‘‘ஏதம் ஸந்தம் ஏதம் பணீதம் யதி³த³ம் ஸப்³ப³ஸங்கா²ரஸமதோ²’’தி ஆக³தவஸேன பனேத்த² த்³வே லோகுத்தரா ஹோந்தீதி வேதி³தப்³பா³. ‘‘விராகோ³ நிரோதோ⁴’’தி ஹி தத்த² நிப்³பா³னம் வுத்தந்தி இத⁴ விராக³ஸஞ்ஞா, தா வுத்தஸஞ்ஞா நிப்³பா³னாரம்மணாபி ஸியும். ஸேஸமேத்த² ஸுவிஞ்ஞேய்யமேவ. அட்ட²மாதீ³னி உத்தானத்தா²னேவ.

ஸஞ்ஞாஸுத்தாதி³வண்ணனா நிட்டி²தா.

வஜ்ஜிஸத்தகவக்³க³வண்ணனா நிட்டி²தா.